ليه الشتيمة والتجريح وأنا في المستشفى.. أنغام: الظلم المرة دي غير محتمل
تاريخ النشر: 2nd, July 2025 GMT
طمأنت الفنانة أنغام جمهورها على حالتها الصحية قائلة: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."
وحول الحملة التي استهدفتها، أضافت أنغام خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON قالت: "أنا مكنتش مصدقة الكلام خالص.
وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."
وأوضحت: "الظلم المرة دي غير محتمل، لا قادرة أتكلم ولا قادرة أسكت، لكن الأمر وصل لدرجة التجريح والشتائم والتلميحات اللي مش مقبولة من ناس المفروض مسؤولين وزملاء. البعض بيقول إحنا عارفين مين ورا الحملة، والفانز بتوع المطربة المنافسة بيتكلموا وكأنهم عارفين حاجة، وفي مواقع كتبت اسمي بشكل مباشر."
وأضافت: "ليه الشتيمة والتجريح وأنا في المستشفى؟! محدش كان يعرف غير أقرب الناس ليا. وأنا على سرير المستشفى لقيت ناس بتبعتلي وبتشتمني وأنا مالي! هو أنا ليه علاقة بالمشكلة اللي حصلت في الحفلة؟! أنا مالي! ضمائركم راحت فين؟!"
وأردفت: "حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظلم وحرام وعيب."
وأكدت: "أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا."
وحذرت أنغام: "أي شخص هيتمادى وهيجيب سيريتي، مش هسكت. أنا فعلاً تعبت. ورفعت قضية على شاب قبل كده كتب عني على تويتر وقال 'مش هترحمي شيرين يا أنغام' وكسبت القضية اتحبس. وأي حد هيتجرأ تاني ويزج بإسمي مش هسكت."
ولم تتمالك أنغام نفسها خلال المداخلة وبكت قائلة: "كفاية ظلم، كفاية كره، كفاية حقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي."
المصدر: صدى البلد
كلمات دلالية: أنغام وعكة صحية شيرين عبد الوهاب لميس الحديدى شیرین عبد الوهاب
إقرأ أيضاً:
هيثم نبيل يدعم شيرين عبد الوهاب: "ذنبها في رقبة اللي يقدر يساعد ويسكت!"
في لفتة إنسانية نبيلة، عبّر الفنان والمطرب والملحن هيثم نبيل عن دعمه الكبير للنجمة المصرية شيرين عبد الوهاب، من خلال منشور مؤثر عبر حسابه الرسمي على موقع "فيسبوك"، شدّد فيه على أهمية المساندة النفسية للفنانين في فترات الضعف، ورفض فيه تمامًا الهجوم القاسي الذي يواجه شيرين حاليًا.
وقال هيثم نبيل في رسالته: "شيرين.. الفنانة المصرية الموهوبة اللي قابلت مطبات نفسية شديدة في حياتها، في عصر السوشيال ميديا اللي طبيعي مش هيفوت ترند، بس في الحقيقة هي إنسانة، محتاجة المساندة علشان تعدي أزمتها".
وأضاف هيثم: "كام إنسان حوالينا وقع نفسيًا شوية، وكانت تصرفاته مش مظبوطة بسبب تخبطات نفسية؟ في منهم اللي بيتساب لحد ما ينهار وينتهي، وفي اللي ربنا بيرزقه بناس تسنده ويتحملوا عدم اتزانه بسبب ظروفه... ولما استحملوه وما حاسبهوش على تصرفاته، قدر يرجع يقف ويبقى أحسن من الأول".
وأكد أن علاج الأزمات النفسية لا يعتمد فقط على الشخص، بل على المحيطين به، مشيرًا إلى أن شيرين أو غيرها، ذنبهم في رقبة أي حد يقدر يساعد ويسكت، أو يهاجم من غير ما يفهم إن المرض النفسي مش ضعف بل ابتلاء.
واختتم هيثم نبيل رسالته بدعوة مؤثرة: "شيرين زي أي بنت ممكن تمر بمشكلة نفسية، ولازم تتسند كإنسانة. سيبكوا من فكرة الفنانة، لأن شيرين كفنانة بتنجح وهي نايمة في بيتها من شطارتها... وهييجي وقت هيتكتب فيه كتاب عن رجوع شيرين، ويبقى ملهم لكل اللي مر بظروف زيها".
يُذكر أن شيرين عبد الوهاب تواجه حاليًا موجة من الانتقادات والشائعات، وسط قلق جمهورها ومحبيها، فيما عبّر العديد من الفنانين عن تضامنهم الكامل معها، مطالبين بتركها تتعافى بسلام، بعيدًا عن ضغوط الرأي العام.
تحذير هام جدًا من السفارة الأمريكية في الأردن بشأن ال مشروبات الكحولية ملوثة بالميثانول