تصريحات نارية للملحن عزيز الشافعى حول حفل شيرين في مهرجان موازين والاتهامات لأنغام
تاريخ النشر: 2nd, July 2025 GMT
علق الملحن عزيز الشافعي على الشائعات التي طالت الفنانة أنغام مؤخرًا، بشأن الحملة التي وُجهت ضد الفنانة شيرين عبدالوهاب بعد حفلها في مهرجان موازين، والتي زعمت بعض الأطراف أن أنغام كانت السبب وراءها.
وقال الشافعي: "قبل حفل شيرين بأربعة أيام، أنغام كانت في المستشفى.
وتابع الشافعى قائلا : كلمتني وقتها لأن كان في شغل بينا وبين نادر حمدي، وطلبت مني ما أقولش لحد علشان الشغل يكمل، وكان عندها أمل إنها تخرج من المستشفى تاني يوم، لكن للأسف اتضح إنها أزمة صحية تحتاج لفحوصات ضرورية.
وأضاف خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON: "للأسف الأزمة الصحية لأنغام تزامنت مع مشكلة شيرين في حفل مهرجان موازين. أنا بحب الاتنين جدًا، وبنقدرهم جميعًا كفنانين كبار، وحتى قبل حفلة شيرين أنغام كلمتها شخصيًا ودعمتها وكانت بتشجعها. شيرين كانت عاملة حساب كبير للجمهور المغربي وكان فيه إقبال جماهيري كبير."
وأضاف: "الجمهور في البداية ماكانش راضي عن موضوع (البلاي باك)، رغم إن ده حصل قبل كده في حفلات تانية، لكن يبدو أن الجمهور المغربي عنده حساسية خاصة في استقبال الأغاني الحية. ورغم كده، بعد بداية الحفلة، الأمور مشيت كويس. مش كان أحسن يوم لشيرين، لكن الحفلة كويسة مقارنة بالظروف، والإقبال الجماهيري كان كبير."
واستكمل: "المشكلة حصلت بعد الحفلة، بعض الناس هاجموها، وناس ادعوا إن لأنغام علاقة باللي حصل. اللي المفروض نعمله كمصريين، سواء كجمهور أو إعلام، إننا نكبر في نجومنا مش نصغرهم."
واختتم الشافعي: "السوشيال ميديا بقت واقع بنعيشه، للأسف بقت سلاح ممكن أي حد يستخدمه، أي شخص ماسك موبايل ممكن يأذي إنسان أو يتهمه ظلم. كلمة صغيرة ممكن تخلّي إنسان ما يعرفش ينام. اللي حصل بعد الحفلة من تضخيم، أو الهجوم على أنغام تحديدًا، أمر غير مقبول."
وتساءل عزيز الشافعي: "لمصلحة مين اللي بيحصل ده؟ إحنا ماعندناش غير أنغام واحدة وشيرين واحدة، كل واحدة منهم لها مكانتها ولها جمهورها، وطريقتهم في الغناء والأداء مختلفة تمامًا. مش معقول نقعد نشحن الناس ضد بعض ونأذي أنغام ونهد شيرين! أنا حزين جدًا ومش عارف أقول إيه."
المصدر: صدى البلد
كلمات دلالية: أنغام شيرين عبد الوهاب عزيز الشافعى شیرین عبد الوهاب
إقرأ أيضاً:
تصريحات نارية من أحمد حسن بعد خروج منتخب مصر من كأس العرب: محدش وقف معانا
أطلق أحمد حسن، المشرف العام على منتخب مصر الثاني، تصريحات قوية كشف فيها كواليس ما وراء الكواليس داخل البعثة، موجهًا رسائل حادة للمنتقدين، ومؤكدًا أن الجهاز الفني تحمّل مسؤولية تفوق طاقة أي جهاز في الظروف الحالية.
استهل أحمد حسن حديثه بتعليق مثير حول أزمة تصريحات عصام الحضري، قائلًا: “عصام الحضري مقامش من نفسه يتكلم.. الراجل كان واخد تعليمات. إحنا بندوّر على اللقطات الوحشة عشان نمسك فيها.. إنما الكويسة بنسيبها ونعدّيها.”
بهذا التصريح، ألمح حسن إلى أن الحضري نُقل له ما يجب أن يقال، وأن حالة التركيز على السلبيات فقط تُظلم الجهاز واللاعبين.
وانتقل أحمد حسن للجانب الفني، مؤكدًا أن الأداء كان أفضل مما تم ترويجه: “مباراة الكويت كنا الأفضل بمراحل، ولو معانا لاعيبة بيراميدز كنا هنصعد. وماتش الإمارات عملنا ماتش جيد، وماتش الأردن برضه قدمنا مستوى كويس.”
“محدش وقف معانا”… مسؤولية بلا دعم"
أضاف أحمد حسن: “كنا في مسؤولية صعبة جدًا جدًا جدًا جدًا جدًا… وهنفضل طول عمرنا بنتحمل المسؤولية عشان ده طبعنا. كنا لازم نفكر الأول أنا والكابتن حلمي طولان نتولى مهمة صعبة قوي زي دي، بس دي بلدنا في الأول والآخر… ومفيش حد وقف معانا أصلاً!”
حالة الطقس.. استمرار هطول أمطار رعدية مع رياح نشطة مثيرة للأتربة