أنغام تبكي على الهواء بعد أزمتها الصحية: شيرين حصلها مشكلة في حفلة أنا مالي
تاريخ النشر: 2nd, July 2025 GMT
ردت الفنانة أنغام على الشائعات التي طالتها مؤخرًا بشأن الحملة الموجهة ضد الفنانة شيرين عبدالوهاب بعد حفلها في مهرجان موازين، وما تردد عن أن أنغام كانت السبب وراء هذه الحملة.
وكشفت أنغام، خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON، أنها كانت في المستشفى منذ السبت الماضي بسبب وعكة صحية مفاجئة، قائلة: "أنا فعلًا في المستشفى بعد وعكة صحية حصلت بشكل مفاجئ يوم الأربعاء الماضي.
وأضافت: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."
وحول الحملة التي استهدفتها، قالت: "أنا مكنتش مصدقة الكلام خالص. أنا مش من الشخصيات اللي بتحب تدافع عن نفسها ولا بترد على الشائعات، ولا بدخل في مهاترات، وده منهجي في حياتي من زمان سواء على المستوى الشخصي أو المهني. أنا طول عمري بسيب الأمور تختفي لوحدها، وربنا بينصفني دايمًا."
وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."
وأوضحت: "الظلم المرة دي غير محتمل، لا قادرة أتكلم ولا قادرة أسكت، لكن الأمر وصل لدرجة التجريح والشتائم والتلميحات اللي مش مقبولة من ناس المفروض مسؤولين وزملاء. البعض بيقول إحنا عارفين مين ورا الحملة، والفانز بتوع المطربة المنافسة بيتكلموا وكأنهم عارفين حاجة، وفي مواقع كتبت اسمي بشكل مباشر."
وأضافت: "ليه الشتيمة والتجريح وأنا في المستشفى؟! محدش كان يعرف غير أقرب الناس ليا. وأنا على سرير المستشفى لقيت ناس بتبعتلي وبتشتمني وأنا مالي! هو أنا ليه علاقة بالمشكلة اللي حصلت في الحفلة؟! أنا مالي! ضمائركم راحت فين؟!"
وأردفت: "حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظلم وحرام وعيب."
وأكدت: "أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا."
وحذرت أنغام: "أي شخص هيتمادى وهيجيب سيريتي، مش هسكت. أنا فعلاً تعبت. ورفعت قضية على شاب قبل كده كتب عني على تويتر وقال 'مش هترحمي شيرين يا أنغام' وكسبت القضية اتحبس. وأي حد هيتجرأ تاني ويزج بإسمي مش هسكت."
ولم تتمالك أنغام نفسها خلال المداخلة وبكت قائلة: "كفاية ظلم، كفاية كره، كفاية حقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي."
واختتمت: "لما إعلامي يطلع يدافع عن شيرين له كل الاحترام، لكن وإنت بتبص على شيرين، بص كمان على أنغام اللي مالهاش علاقة بالموضوع. كفاية مقارنة عقيمة ومؤذية. هي اسمها شيرين وأنا اسمي أنغام، ليها جمهورها وليا جمهوري. ربنا يكرمنا كلنا. متدعيش لي، لكن على الأقل بلاش تدعي عليّ وتظلمني."
ووجّهت أنغام رسالة مؤثرة لجمهورها قائلة:"أنا عايزة من الناس اللي بتحبني مايحطونيش في مقارنة مع حد. حبوني علشاني أنا، مش علشان أكون أحسن من حد. ماتقارنونيش بحد، ولا تقارنوا حد بيا حتى لو المقارنة في صالحي، أنا مش عايزاها. ده شيء مش مقبول ومش بيكبرني، ولو بتحبوني بجد، مش ده الأسلوب اللي تقدروا تكرموني بيه أو تدعموني بيه. لو سمحتوا، ماتحطونيش في مواقف تخلي الناس تعتقد إن أنا زقتكم تعملوا ده "
المصدر: صدى البلد
كلمات دلالية: أنغام لميس الحديدى شيرين عبد الوهاب مهرجان موازين وعكة صحية شیرین عبد الوهاب فی المستشفى
إقرأ أيضاً:
أنغام تكشف عن مرضها المفاجئ بعد حفل الكويت
صراحة نيوز- كشفت الفنانة أنغام عن تعرضها لوعكة صحية مفاجئة استدعت دخولها المستشفى خلال الأيام الماضية لإجراء الفحوصات وتلقي العلاج اللازم، مؤكدة أنها أخفت خبر مرضها عن الجميع حتى أفراد أسرتها.
وأوضحت أنغام أن المرض جاء بشكل طارئ، وقالت: “تعرضت لتعب مفاجئ أثناء جلوسي في المنزل يوم الأربعاء الماضي، ودخلت المستشفى يوم السبت، وكنت أظن أنني سأكتفي بتناول بعض المسكنات فقط، لكن الأمر تطلب بقائي في المستشفى. والحمد لله، الحالة بسيطة إن شاء الله، لكنها تحتاج إلى استشارات كثيرة وصبر طويل”.
وكانت أنغام قد أحيت الشهر الماضي حفلاً غنائياً ناجحًا ضمن مهرجان “ليلة عمر” في الكويت، بحضور كامل العدد، حيث قدمت مجموعة من أشهر أغانيها بقيادة المايسترو هاني فرحات، معبرة عن سعادتها الكبيرة بالغناء أمام جمهورها في الكويت ولقاء الجاليات العربية هناك.
وقدمت أنغام أكثر من 25 أغنية على فقرات الحفل، من بينها: “عمري معاك”، “بقالك قلب”، “حالة خاصة”، “أساميك الكتيرة”، “هو أنت مين”، “إيه الأخبار”، “خليك معاها”، “سيبك أنت”، “اسكت”، “ونفضل نرقص”، “القلوب أسرار”، “ماكنش وقته”، “تيجي نسيب”، “أدور”، “ليه سيبتها”، “حيران”، “حتة ناقصة”، “مبتعلمش”، “مجبش سيرتي”، “دلوقتي أحسن”، “راح تذكرني”، “هتمناله الخير”، “اتجاه واحد”، “واحدة بتحبك”، “بخاف أفرح”، “فنجان النسيان”، “طول ما أنت بعيد”، “خلي بكرة”، “سيدي وصالك”، و”ياريتك فاهمني”.
تحذير هام جدًا من السفارة الأمريكية في الأردن بشأن ال مشروبات الكحولية ملوثة بالميثانول