نجم الزمالك يحذر مصطفى محمد من الانتقال للأهلي: «مش هتبقى خليفتي ولا أعرفك»

حذر جمال عبد الحميد، نجم نادي الزمالك السابق، الدولي المصري مصطفى محمد، مهاجم فريق نانت الفرنسي، بعد ظهور أنباء بانتقاله للنادي الأهلي، خلال فترة الانتقالات الصيفية الجارية.

وقال جمال عبد الحميد في تصريحات تليفزيونية: «مصطفى محمد أنا بحبه جدًا، وبشوف فيه حاجات من شخصيتي الكروية وبصراحة، بعتبره خليفتي الحقيقي في الملاعب، لكن بشرط مايروحش الأهلي».

وأضاف: «مش منطقي كل شوية ألاقيه بيقول مش هلعب للأهلي، وبعدين ألاقيه مضى من سنة وعامل إعلان، لازم يكون صريح مع نفسه ومع الجمهور».

واستكمل جمال عبد الحميد: «نفسي مصطفى يكون صريح، زي أكرم توفيق لما قال إنه هيمشي وفعلًا راح الشمال القطري.. دي مواقف محترمة والناس بتقدرها».

واختتم عبد الحميد:« ارتباط مصطفى محمد بنادي الزمالك بيمنحه خصوصية جماهيرية كبيرة، لكن لو راح الأهلي مش هاعرفه.. ساعتها مش هيبقى خليفتي ولا أعرفك».

المصدر: الأسبوع