حاصرونا بـ3 عربيات وطلبوا منا نركن علشان نقعد معاهم..نص التحقيق بواقعة فتيات طريق الواحات
تاريخ النشر: 17th, August 2025 GMT
حصل اليوم السابع على نسخة من نص تحقيقات نيابة أول وثالث أكتوبر، في القضية المعروفة إعلاميا بـ"حادث مطاردة طريق الواحات" والمتهم فيها 4 شباب بمطاردة سيارة يستقلها 3 فتيات على طريق الواحات وتسببوا عقب إغلاق الطريق بالاصدام في سيارة مقطورة الأمر الذى تسبب في إصابتهن بجروح في مختلف أنحاء جسدهن.
بدأت التحقيقات مع المجنى عليها الأولى "رنا .
س ما تفصيلات شكواكم
ج: انا كنت في البيت كلمت "انزال" صحبتى عشان انا حفلة تخرجي يوم 21 أغسطس 2025 المقبل، وكنت عاوزة انزل اشتري حاجات للتخرج فكلمتها امبارح الصبح 13 أغسطس 2025 ، قولتلها تعالي ننزل نشرب حاجة وبعدين نروح نشتري الحاجات، نزلنا روحنا الحي الأول عشان كنت هنزل اشتري فستان من الحصري، قعدنا في إحدى محطات البنزين في الحي الأول وقعدنا في كافيه داخل البنزينة، وشرينا قهوة ، فكان في شوية شباب قاعدين على ترابيزة بره واحنا دخلنا وقعدنا جوه على البار، وطلبنا حاجة نشربها ،والبار قدامه بيبص على المكان اللي الشباب قاعدين فيه فاضطرينا نقوم من على البار عشان منكنش في وش الشباب لاقتهم قاموا وغيروا المكان وجم قعدوا في وشنا تاني فانا نزلت الستارة اللي تمنع انهم يشوفونا
مدير الكافيه قال انهم عايزين ينضفو المكان فعمال النظافة خرجونا بره عشان ينظفوا المكان فخرجنا وقعدنا على ترابيزة بعيدة عن الشباب، قعدنا شوية وبعدين قولتلهم يالا بينا نمشي وركبنا العربية واتحركنا، لاقيت الشباب ركبوا عربيهم واتحركوا ورانا في 3 عربيات خرجوا ورانا على الطريق وفضلوا يرخموا علينا بعربياتهم على الطريق ، واحد فيهم راكب عربية بي ام زنق عليا في الطريق جامد ومشى قدامي والعربية الثانية نوعها كيا كنت على يميني والعربية الثالثة نوعها جيلي كانت على شمالي وكانوا الثلاث عربيات محاصرنا من كل اتجاه وبعدين بدأ اللي في العربية البي ام يقولي انزلي بقولك انزلي طيب اركني نشرب حاجة في مكان هقولك على حاجة، وكل ماجي اطلع منه يجي قدامي معرفش، بعد كده كان في مطب ولمحت حاجة في أيده معرفش بالظبط ايه اللي كان معاه وفضل يقولي اقفى ، وبدأوا يزنقوا جامد عليا كل ما احاول اطلع منهم يزنقوا عليا أكثر واللي كان في العربية الكيا كان يقولي مش هتعرفي تطلعي منا كل ما اسرع يسرعوا معايا كل ما ابطا يبطئوا معايا ، كان في عربية نقل من الكبيرة كانت راكنة على الشمال وانا بحاول اخرج منهم ومكنتش واخدة بالي ان العربية النقل واقفة ، كان كل همي اخرج منهم سرعت جامد عشان احاول اخرج منهم روحت داخلة في العربية النقل الواقفة حاولت افرمل على قد ما قدرت لكن دخلت فيها برضة ومش فاكرة حاجة بعد كدة.
س : متى واين دارت احداث تلك الواقعة؟
ج : امبارح 13 أغسطس 2025 الساعة حوالي 6 الصبح في بنزينة شيل اوت على طريق الواحات.
س : ومن كان برفقتك أنذاك؟
كان معايا نزال صحبتی وبنت اسمها حبيبة صحبتنا بردو بس اعرفها معرفة سطحية.
س : وما هي كانت مناسبة تواجدك في المكان والزمان سالفي الذكر؟
ج : انا كنت نازلة عشان أجيب فستان حفلة التخرج بتاعى وروحت البنزين اقعد شوية لحد ما المحلات.
المصدر: اليوم السابع
كلمات دلالية: حادث طريق الواحات حادث الواحات اخبار الحوادث تحقيقات حادث طريق الواحات طریق الواحات کان فی
إقرأ أيضاً:
شقيق زوج عروسة المنوفية: مراتى كانت بتعملها الأكل ومحرمتهمش من حاجة
أكد شقيق زوج عروسة المنوفية، خلال لقائه ببرنامج “صبايا الخير” المذاع عبر فضائية “النهار”: "أنا كنت بشتغل واللي هي عايزاه كنت بجيبهولها.. وأهلها قالوا على مراتي كلام محصلش.. وكانت بتعملها الأكل وتبعتهولها".
وفي ليلة زفافهما قبل أربعة أشهر فقط، وقفا أمام الجميع يتبادلان عهود المودة والرحمة، تعانقت ابتساماتهما ورسما معا ملامح حياة هانئة ومستقبل يجمعهما ويزينه الأطفال، ولم يتخيل أحد حينها أن تلك الوعود التي بدت ثابتة ستتحول لاحقا إلى ذكرى مؤلمة توجع القلوب، حيث شهدت محافظة المنوفية حادثة مقتل زوجة وجنينها قبل أن يرى النور، على يد من أقسم يوما أن يحميهما، هكذا تحولت قصة زواج العروس "كريمة" و"أيمن" أبناء محافظة المنوفية، إلى مأساة.
تروي خلود خالد، خالة الفقيدة كريمة والمقيمة في محافظة القليوبية، أن كريمة، البالغة من العمر عشرين عاما، تزوجت قبل أربعة أشهر من عامل يدعى أيمن يقيم بقرية ميت بره التابعة لمحافظة المنوفية، مؤكدة أنه لم تظهر خلال تلك الأشهر أي خلافات زوجية كبرى بينهما.
وتشهد خلود لابنة شقيقتها بأنها كانت مثالا لحسن الخلق وحسن المعاملة، وبارة بوالديها طوال حياتها، الأمر الذي جعل خبر مقتلها صدمة هائلة نزلت على الأسرة بأكملها كالصاعقة، خاصة أنها كانت حاملا في الشهر الثالث.
وأضافت خلود- خلال تصريحات لـ "صدى البلد"، أن إحدى جارات كريمة اتصلت بأهلها بعدما سمعت صراخا متواصلا من داخل منزل الزوجية استمر لساعات طويلة قبل أن ينقطع فجأة، وقد حصلت الجارة على رقم الأسرة من أحد الأقارب في المنوفية، لتتواصل معهم محاولة إنقاذ كريمة.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟