بتاع الكيا قال مش تتطلعى مننا.. نص التحقيق بواقعة مطاردة فتيات طريق الواحات
تاريخ النشر: 17th, August 2025 GMT
حصل اليوم السابع على نسخة من نص تحقيقات نيابة أول وثالث أكتوبر، في القضية المعروفة إعلاميا بـ"حادث مطاردة طريق الواحات" والمتهم فيها 4 شباب بمطاردة سيارة يستقلها 3 فتيات على طريق الواحات وتسببوا عقب إغلاق الطريق بالاصدام في سيارة مقطورة الأمر الذى تسبب في إصابتهن بجروح في مختلف أنحاء جسدهن.
بدأت التحقيقات مع المجنى عليها الأولى "رنا .
س ما تفصيلات شكواكم
ج: انا كنت في البيت كلمت "انزال" صحبتى عشان انا حفلة تخرجي يوم 21 أغسطس 2025 المقبل، وكنت عاوزة انزل اشتري حاجات للتخرج فكلمتها امبارح الصبح 13 أغسطس 2025 ، قولتلها تعالي ننزل نشرب حاجة وبعدين نروح نشتري الحاجات، نزلنا روحنا الحي الأول عشان كنت هنزل اشتري فستان من الحصري، قعدنا في إحدى محطات البنزين في الحي الأول وقعدنا في كافيه داخل البنزينة، وشرينا قهوة ، فكان في شوية شباب قاعدين على ترابيزة بره واحنا دخلنا وقعدنا جوه على البار، وطلبنا حاجة نشربها ،والبار قدامه بيبص على المكان اللي الشباب قاعدين فيه فاضطرينا نقوم من على البار عشان منكنش في وش الشباب لاقتهم قاموا وغيروا المكان وجم قعدوا في وشنا تاني فانا نزلت الستارة اللي تمنع انهم يشوفونا
مدير الكافيه قال انهم عايزين ينضفو المكان فعمال النظافة خرجونا بره عشان ينظفوا المكان فخرجنا وقعدنا على ترابيزة بعيدة عن الشباب، قعدنا شوية وبعدين قولتلهم يالا بينا نمشي وركبنا العربية واتحركنا، لاقيت الشباب ركبوا عربيهم واتحركوا ورانا في 3 عربيات خرجوا ورانا على الطريق وفضلوا يرخموا علينا بعربياتهم على الطريق ، واحد فيهم راكب عربية بي ام زنق عليا في الطريق جامد ومشى قدامي والعربية الثانية نوعها كيا كنت على يميني والعربية الثالثة نوعها جيلي كانت على شمالي وكانوا الثلاث عربيات محاصرنا من كل اتجاه وبعدين بدأ اللي في العربية البي ام يقولي انزلي بقولك انزلي طيب اركني نتشرب حاجة في مكان هقولك على حاجة، وكل ماجي اطلع منه يجي قدامي معرفش، بعد كده كان في مطب ولمحت حاجة في أيده معرفش بالظبط ايه اللي كان معاه وفضل يقولي اقفى ، وبدأوا يزنقوا جامد عليا كل محلول اطلع منهم يزنقوا عليا أكثر واللي كان في العربية الكيا كان يقولي مش هتعرفي تطلعي منا كل ما اسرع يسرعوا معايا كل ما ابطا يبطئوا معايا ، كان في عربية نقل من الكبيرة كانت راكنة على الشمال وانا بحاول اخرج منهم ومكنتش واخدة بالي ان العربية النقل واقفة ، كان كل همي اخرج منهم سرعت جامد عشان احاول اخرج منهم روحت داخلة في العربية النقل الواقفة حاولت افرمل على قد ما قدرت لكن دخلت فيها برضة ومش فاكرة حاجة بعد كدة.
س : متى واين دارت احداث تلك الواقعة؟
ج : امبارح 13 أغسطس 2025 الساعة حوالي 6 الصبح في بنزينة شيل اوت على طريق الواحات.
س : ومن كان برفقتك أنذاك؟
كان معايا نزال صحبتی وبنت اسمها حبيبة صحبتنا بردو بس اعرفها معرفة سطحية.
س : وما هي كانت مناسبة تواجدك في المكان والزمان سالفي الذكر؟
ج : انا كنت نازلة عشان أجيب فستان حفلة التخرج بتاعى وروحت البنزين اقعد شوية لحد ما المحلات.
المصدر: اليوم السابع
كلمات دلالية: حادث طريق الواحات حادث الواحات اخبار الحوادث تحقيقات حادث طريق الواحات طریق الواحات کان فی
إقرأ أيضاً:
إحالة المتهمين في واقعة مطاردة فتيات على طريق الواحات للمحاكمة الجنائية العاجلة
قررت جهات التحقيق بأكتوبر، إحالة المتهمين في واقعة مطاردة طريق الواحات للمحاكمة ذلك لاتهامهم بإصابة الفتيات نتيجة مطاردتهم للضحايا وتعمدهم مضايقتهن.
وكان طالب المحامي شريف قطب، دفاع المجني عليها رنا، بادعاء مدني قيمته مليون جنيه على سبيل التعويض، في حادث مطاردة الواحات في مدينة 6 أكتوبر.
وكشف دفاع إحدى المجني عليهن في واقعة مطاردة طريق الواحات، تفاصيل جديدة بشأن الواقعة، وملابسات وتفاصيل التحقيق مع المتهمين والمجني عليهن.
وتحفظت الأجهزة الأمنية على كاميرات المراقبة الخاصة بأحد الكافيهات الملحق بمحطة بنزين بطريق الواحات، وذلك في إطار التحقيقات بواقعة مطاردة 3 فتيات على الطريق.
وكشفت التحريات الأولية في الواقعة، أن المتهمين المضبوطين أحدهما طالب بكلية الطب، والآخر طالب بكلية السياسة والاقتصاد، وكانا يقودان سيارتين من ماركة BMW وGILl، والسيارة الثالثة من ماركة KIA.
كما كشف التقرير الطبي الصادر عن حالة إصابة الفتاتين ضحيتي حادث مطاردة من 3 شباب بطريق الواحات، عن إصابتهما بإصابات خطيرة، استلزمت نقلهما للمستشفى وإجراء تدخل جراحي.
رونالدو يتصدر.. الكشف عن قائمة الأعلى أجرًا في الدوري السعودي