تعليق مثير من فنان عن هايدي صاحبة تريند كيس الشيبسي
تاريخ النشر: 28th, August 2025 GMT
علق الفنان محمود ياسين، على موقف الطفلة هايدي، صاحبة تريند كيس الشيبسي، وكتب على حسابه الشخصي بموقع فيسبوك: "نفسي الناس متستغلش البنت بتاعت الشيبسي ويحاولو يخرجه منها بأي تريند وتبدا الناس تزهق منها و تغلط فيها، نفسي القصه تتقفل حلو منغير ما نشوها زي ما بنشوه كل حاجه حلوه".
خطفت الطفلة الصغيرة «هايدي» التي لا يتعدّ عمرها الثانية عشر عامًا قلوب الناس بتصرفها الإنساني، بعدما قررت التنازل عن رغبتها الشخصية لمساعدة رجل مسن يجلس في الشارع .
وقالت هايدي صاحبة ترند كيس الشيبسي في حديثها لصدي البلد :كنت بجيب فطار ليا انا و ماما شوفت الراجل الغلبان وصعب عليا و قررت اديه اخر خمسة جنيه معايا.
و أضافت :قبل كده شوفت ست بتشحت و صاحب السوبر ماركت زعقلها و مشيت زعلانه فأديتها اخر عشرة جنيه معايا.
و تابعت:ماما و بابا علموني لو لقيت حد بتنمر علي حد ازعقلة و أساعد الناس.
وعن أنتشار الفيديو قالت مكنتش أعرف اني هتشهر لقيت ماما بتصحيني و بتقولي اتشهرتي و الناس شافت عملتي ايه.
و اختتمت حديثها قائلة: لو معانا فلوس وحد محتاجها نساعد الناس و لو مش معانا نقولهم كلمه حلوه حتي من غير ما نضايقهم او نزعقلهم.
قصة طفلة الشيبسي
تسجيل الكاميرات أمام محل سوبر ماركت أظهر الطفلة هايدي طفلة الشيبسي في الفيديو وهي تُعيد كيس "شيبسي" إلى صاحب محل تجاري، مفضلة الاحتفاظ بثمنه لتمنحه لرجل مسن يجلس في الشارع.
وبدأ رواد السوشيال ميديا ومستخدمو مواقع التواصل الاجتماعي في مصر، مشاركة الفيديو بكثافة عبر صفحاتهم الشخصية، ومنهم من كتب عبارات يشيد فيها بتربية الطفلة ومدى حُسن أخلاقها وجميل صنيعها.
“يسلم اللي رباكي”.. بهذه الكلمة أشاد الكثيرون بما صنعت الطفلة وإيثارها الرجل المسن المحتاج على نفسها حيث لم يكلفها الأمر سوى الاستغناء عن “كيس شيبسي” قيمته 5 جنيها، لتمنحها للرجل المسن وتغادر دون ضجيج.
المصدر: صدى البلد
كلمات دلالية: الفنان محمود ياسين كيس الشيبسي الطفلة هايدي فيسبوك صدي البلد کیس الشیبسی
إقرأ أيضاً:
طلع الغل اللي جواك.. شقيقة محمد صلاح تهاجم فنان مشهور بسبب "الشماتة" في أخيها
كسرت رباب شقيقة محمد صلاح، لاعب ليفربول الإنجليزي، صمتها لترد على الفنان عباس أبو الحسن بعد هجومه الأخير على شقيقها، وذلك خلال منشور عبر حسابه الشخصي بموقع التواصل الإجتماعي الأشهر “فيسبوك”.
كتبت شقيقة محمد صلاح: "أول مره أعرف إن محمد صلاح كان ليه يد فى اللى بيحصل فى غزه دول كاملة مكانتش قادرة توصل لحل العالم كلة كان على مسمع ومرأى من اللى بيحصل بس المشكله عندنا كمصريين كانت إن محمد صلاح فين؟ اتكلم ولا لا ؟نزل بوست ولا لا ؟".
وأضافت “رباب صلاح”: "بوست زى دا فى وقت زى دا يوضح قد إيه عندنا ناس لا بتحب النجاح ولا بتحب اللى ينجحوا ونفضل ناكل فى نفسنا كدا لحد مانشوف الناجح دا عنده وقعة كدا علشان نطلع الغل اللى جوانا بجد".
واختتمت منشورها قائلة: "محمد صلاح وصل لمرحلة ما شاء الله مفيش حاجة يثبتها تانى".
مطر: زيارة المفتي امام إلى أوستراليا تعكس تقدير الجالية لنهج الاعتدال