منشور يثير قلق الفتيات للتحذير من سرقة صورهن الشخصية ونشرها بمواقع إباحـ ية
تاريخ النشر: 29th, August 2025 GMT
أثار منشور حالة من الجدل لدى الفتيات، بشأن تطبيق لسرقة وتخزين صور الفتيات ومحاولة استرجاعها لاستغلالها أو نشرها في مواقع اباحية.
وقال أحمد نجاح، أحد رواد منصات التواصل، عبر حسابه على فيسبوك: "ترددت إني أتكلم في الموضوع دا على الملأ بس حجم الكارثة كبيرة جداً.. فلازم ناخد بالنا. من كذا شهر كان حصل تسريب لصور بنت مصرية (صور بملابس البيت وملابس داخلية)، الصور تم نشرها على نطاق ضيق شوية لأنها مش معروفة أو مشهورة، تم تداول صورها على حسابات على تطبيق إكس (تويتر) والحسابات دي شغلتها إنها بتنزل صور عريـ ـانة لبنات وتسريبات".
وتابع: “حساب من ضمن الحسابات اللي نشرت الصور دي كان حاطط لينك لويب سايت بيبيع الصور بفلوس فحبيت أستكشف الموضوع بشكل أكبر لقيت فعلا فيه مواقع محتواها إنها بتبيع محتوى جنـ ـسي! الألبوم بـ 40 جنيه وفيه بـ 50 وفيه بـ 100 جنيه، على حسب الطلب على الألبوم”.
واستكمل: “الموقع بيعرضلك صورتين مثلا فري ولو عجبتك الشخصية أو الشكل وعايز تتفرج على باقي الألبوم تخش تدفع بالفيزا علشان تقدر تتفرج! مفهوم المواقع الإبـ ـاحية معروف عند الكل وبيزنس كبير بيتصرف عليه سنوياً ما لا يقل عن 50 مليار دولار من إنتاج أفلام وإعلانات، ولكن اللي كان غريب بالنسبالي إن الموقع اللي بتكلم عنه بيبيع صور لبنات عادية مش معروفة، البنات دي ممكن تكون أختك، مراتك، أمك أو حتى جارتك! أشخاص طبيعيين وصور عادية مش احترافية”.
واستطرد: “والغريب في الأمر إني اكتشفت إن النوع دا من المحتوى مطلوب وليه جماهير كبيرة جداً لأنه وطبقا لاعترافات واحد من الكومنتات على بعض الصور، إن دي صور حقيقية لبنات حقيقية مش تمثيل فليها إثارة أكبر للمتابعين اللي بيشتروا الألبومات دي بعدها اكتشفت إن فيه سورس أو مخزن بيتخزن فيه كل الصور اللي بيتم بيعها والتجارة فيها، موقع تخزين سحابي اسمه Telebox دا موقع وأبلكيشن بيتخزن عليها داتا ضخمة جداً ومساحات التخزين دي بيندفع فيها فلوس بالدولار لحفظ البيانات دي”.
وأوضح: “عن طريق واحد على تويتر قدرت أوصل إني أدخل على الستورج دي وهنا كانت الصدمة الكبرى بالنسبالي، أكتر من 300 ألف صورة متسربة لبنات من على موبايلاتهم، الصور متقسمة فولدرات كل فولدر فيه فولدر صور وفيديوهات، مئات الآلاف من الصور والفيديوهات متقسمة بشكل منظم، فيه بعض الفولدرات محطوط فيها بيانات شخصية للبنت، زي اسمها وحسابها على فيسبوك أو انستجرام وأحياناً عنوان بيتها كمان، وبيكون محطوط ليها صور عادية بملابس خروج وبيتم البيع بيها لو عايز صور البنت دي من غير ملابس اشتري الألبوم!! آلاف من الألبومات اللي لو قعدت سنة كاملة مش هتقدر تخلصهم!! والأكبر من كدا كمان إن الألبومات دي بتتحدث بشكل لحظي! بدون أدنى مبالغة كل كام دقيقة بيدخل صور جديدة وألبومات جديدة!!".
وأضاف: “وبما إن عندي خبرة كويسة في مجال السوشيال ميديا قدرت أوصل لشبكة من الأكونتات على فيسبوك وإكس بيتاجروا بالصور دي بعيداً عن المواقع المدفوعة، وحاولت إن أقفل الأكونتات دي، بس كما هو متوقع بيتعمل حسابات تانية في نفس اليوم، على سبيل المثال فيه واد شاب كان بيشتغل بحسابات بنات اسمها كنزي عمل 15 أكونت في أقل من شهرين!”.
سرقة البيانات من محلات الصيانةوحذر: “التسريبات اللي من النوع دا بيكون ليها أكتر من مصدر، أهمهم وأخطرهم على الإطلاق هي مراكز ومحلات صيانة الموبايلات! والاختراقات اللي بتتم عن طريق التطبيقات اللي بتنزل على الموبايلات وبنديها أكسس كامل على كل الداتا اللي عندنا على الموبايل، وأحيانا بتتبعت لأشخاص قريبين مننا وهما بينشروها بغرض الابتزاز مثلا! حضرتك لما موبايلك بيحصل فيه عطل مثلا بتوديه لمحل يصلحه، الشخص اللي بيصلح موبايلك بيكون عنده إمكانية وصول كاملة على كل الداتا اللي على موبايلك حتى لو إنت مسحتها، برنامج بربع جنيه بيقدر يرجع الداتا المحذوفة، فالراجل بياخد بصة على الداتا اللي عندك خصوصاً لو الموبايل بتاع بنت.. وهنا بنسة 80% هتلاقي صور مش كويسة للبنت! سواء بقى البنت متصورة الصور دي لجوزها أو لواحد بتحبه فبعتاله صورها بملابس خفيفه أو عريانة! أو حتى لو البنت متصورة لنفسها من باب حب الذات وخصوصا إن فيه بنات كتير بتتصور من باب إنها بتحب تتصور حتى لو مش هتبعت الصور دي لحد! وكون إن موبايلك بيتصلح فالصور دي كلها بتتنقل، لو الراجل صاحب المحل دا عنده علم بالمتاجرة أو التربح من الصور اللي زي دي هيبقى بالنسباله بزنس مربح أكتر من أرباح مركز الصيانة نفسه! ولو معندوش علم هيحتفظ بالصور دي لنفسه ولأصدقائه وهيتم تداول الصور لحد ما توصل لشخص هيبيعها.. أو على الأقل ممكن يبتز صاحبة الصور! طبعا فيه مراكز صيانة محترمة ودا مش تعميم خالص، لأن في كل مكان وكل مجال فيه الحلو والوحش!”.
نصائح لحماية البيانات الشخصيةوأضاف: “فرجاء لو حضرتك بنت وبتقرأي الكلام دا، بلاش تحفظي صور شخصية ليكي على موبايل حد غيرك يمسكه! ولو الموبايل محتاج تصليح تختاري شخص موثوق منه أو تروحي التوكيل أضمن! ولو الموضوع صعب فالحل الأمثل إنك تمسحي كل الداتا اللي على الموبايل وبعد كدا تملي كل الستورج بتاعة الموبايل بأي حاجة تانية زي إنك تنزلي أفلام على موبايلك وتملي بيها المساحة كاملة وبعد كدا تمسحي الأفلام وتكرري الموضوع دا مرتين وتمسحيهم، كدا هتضمني إن لو بتاع الصيانة قرر يرجع داتا محذوفه هيرجع الأفلام! لو إنت شاب حاول توعي كل البنات القريبين منك وعيلتك، لأن الموضوع واصل لكل البيوت حرفياً”.
المصدر: صدى البلد
كلمات دلالية: مواقع اباحية الصور دی
إقرأ أيضاً:
أبويا ما أجرمش| منشور مثير من نجل سائق محمد صبحي بعد انفعال الفنان على والده
تصدر الفنان القدير محمد صبحي مؤشرات البحث على جوجل خلال الساعات الأخيرة بسبب تداول فيديو له عقب تكريمه بمهرجان "آفاق" بمسرح الهناجر في دار الأوبرا.
وظهر صبحي فى الفيديو وهو يقوم بتوبيخ السائق،لعدم وجوده بجوار سيارته بعد انتهاء التكريم.
وانقسمت الآراء بين مؤيد ومعارض لموقف محمد صبحي حيث جاء هجوم كبير من رواد السوشيال ميديا على محمد صبحي ، بسبب إهانته لسائقه.
بينما برر البعض موقف"صبحي" بسبب تعرضه لوعكة صحية وخروجه من المستشفى منذ أيام، وأنه لم يكن قادرا على الوقوف بجوار السيارة فترة طويلة لعدم وجود السائق.
كما تعرض الفنان محمد صبحي لمضايقات من بعض الموجودين الذين قاموا بالالتفاف حوله، وتوجيه عدسات موبايلاتهم على وجهه.
فيما علق نجل سائق الفنان محمد صبحي على الفيديو المتداول الذي أثار جدلا على مواقع التواصل الاجتماعي ، والذي انفعل فيه صبحي على والده بعد تكريمه على مسرح الهناجر بدار الأوبرا المصرية، فبعد مغادرة الفنان للمسرح التف الجمهور والمصورون حوله فانزعج لتأخر السائق عليه.
وأرسل نجل سائق محمد صبحي رسالة إلى إحدى الصفحات التي تناولت الموضوع وعلق قائلاً: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا. هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
وأضاف: “بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وختم: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله .. يعني أبويا مش بيذل نفسه ولا هو اللي عمل كده في نفسه زي ما الناس بتقول”.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟