«سبحان الله دي صدفة يا جماعة».. تعليق مثير من خالد الغندور عن تواجد علي ماهر داخل بعد هزيمة بيراميدز

تحدث الإعلامي خالد الغندور، نجم الزمالك السابق، على تواجد علي ماهر، المدير الفني لفريق سيراميكا كليوباترا، داخل النادي الأهلي، مباشرة عقب هزيمة المارد الأحمر من بيراميدز في الدوري المصري.

وسقط الأهلي في فخ الهزيمة بهدفين نظيفين أمام فريق بيراميدز، وذلك ضمن منافسات الجولة الخامسة من مسابقة الدوري الممتاز «دوري نايل»، للموسم الكروي الجديد 2025-2026.

وأكد الإعلامي خالد الغندور، عبر تصريحات إذاعية اليوم الإثنين: «عماد النحاس هو اللي يكمل واللي مصر عليه الكابتن محمود الخطيب، عايزه يكمل لغاية ما يتم التعاقد مع مدير فني أجنبي، فكرة إن حسام البدري يجي فكرة مرفوضة حتى الآن».

أضاف: «سبحان الله على ماهر يوم ما الأهلي خسر من بيراميدز تاني يوم راح الشهر العقاري.. دي صدفة يا جماعة صدفة».

وتابع: «عل ماهر ساكن في التجمع الخامس، واتقال إنه كان رايح الأهلي علشان يجدد بطاقته، طب كان ممكن يجدد بطاقته في أي كشك من اللي جنبه أو في أي مول، وفي نادي أهلي في مدينة نصر، وفي التجمع برده، لكن سبحان الله على ماهر طلع صحي قالك أنا عندي شوية حاجات في الشهر العقاري، فهتمشى لغاية النادي الأهلي اللي في الجزيرة، فلما المسؤولين شافوه قالولوه تعالي نتفاوض معاك شوية كده، طبعًا رمي كلام مضحك».

وأتم: «تريزيجيه والشناوي عايزين على ماهر يجي، وهو السبب في انقاذ تريزيجيه لما كان في قطاع الناشئين، وأيضًا حسين الشحات وكذا لاعب عايزين على ماهر».

المصدر: الأسبوع