حبس رجل أعمال لاتهامه بدهس طالب ووالده وابن عمته أمام كومباوند شهير بالشيخ زايد
تاريخ النشر: 20th, October 2025 GMT
قررت النيابة العامة بالشيخ زايد حبس رجل أعمال 4 أيام على ذمة التحقيقات لاتهامه بدهس طالب ووالده وابن عمته أمام نادي في كومبوند شهير بسبب خلاف بين ابنه والطالب المصاب داخل المدرسة ما أدى لإصابتهم بإصابات مختلفة.
وكشفت تحقيقات النيابة أن طالبان في مدرسة دولية حدثت بينهما خلافات داخل المدرسة واتفق الطرفان على الالتقاء امام النادي لتصفية الخلاف بينهم وذهب ولي أمر كل منهم ووقف على مسافة منهم لحين حل الخلاف إلا أن والد أحد الطفلين قاد سيارته بسرعة كبيرة وقام بدهس 3 أشخاص من الطرف الثاني وهم "الطفل زميل ابنه ووالده وابن عمته".
أضافت التحقيقات أن المصابين أحدهم حالته حرجة والأخرين حالتهما مستقرة إلى حد ما وفرغت النيابة كاميرات المراقبة التي رصدت لحظة دهس المتهم للمجني عليهم وتم التحفظ عليها وإرسالها للجهات المختصة لتفريغ محتوها وكتابة تقرير كامل بها
وعبر صفحتها الشخصية سردت والدة الطفل المصاب تفاصيل تعرض زوجها وابنها وقريبه للدهس من ولي أمر زميله أمام النادي في كومبوند شهير بالشيخ زايد وقالت في منشور طويل: "قررت احكي عشان في ناس كتير وجرائد بيتكلمو عن لساني كلام انا ماتكلمتش مع اي صحافة ولا هتكلم اصلا مش خناقة عيال... ده محاولة قtل متعمدة!
اللي حصل في مدرسة في الشيخ زايد يوم الأربعاء اللي فات مش خناقة ولاد…اللي حصل جريمة، وناس بتلعب بحياة البشر، وأرواحنا بتدفع التمن!
والثمن والنتيجة: جوزي في العناية المركزة في غيبوبة ونزيف في المخ، ده غير الجروح والكدمات الشديدة؛ ابني حازم كسر في الكاحل وعملية شرائح ومسامير، وجروح وخياطات في وشه وجسمه.
سعيد ابن عمة حازم: كسر في الأنف، ارتجاج في المخ، فتح شديد في الشفاه، خياطات وجروح في أكتر من مكان في الوش، وكدمات في الجسم كله.
وأضافت:"القصة بدأت ابني حازم، في مدرسة انترناشونال في زايد اتلم عليه 6 ولاد جوه المدرسة واتعدّوا عليه بالضرب على خوانه…منهم 3 إخوات... وركّزوا على الـ3 دول لأن دول أساس المشكلة واللي حصل كله بسببهم.. مش أول مرة يعملوا كده، دول معروفين في المدرسة بتصرفاتهم العدوانية ومشاكلهم المتكررة، وكل الناس كانت بتشتكي من أسلوبهم
طب إيه اللي خلاهم يعملوا كده؟!
شوفوا السبب العجيب بجد:
ولد منهم معجب ببنت، والبنت دي زميلة حازم في المدرسة زمالة محترمة في حدود المدرسة… فإزاي هي بتتكلم مع ولد جوه المدرسة قام جمع أخواته ال3 ومعاهم 3 كمان من أصحابهم و وعملوا اللي عملوه!
وعلى فكرة المدرسة عاملة فيهم محضرين قبل كدة ولكن الوسطة خلتهم يفضلو رغم انف المدرسة شايفين العنف بطولة، والسلوك العدواني هل الناس دول فوق القانون ويعملوا اللي هما عايزينه براحتهم؟؟؟
رجع حازم البيت نفسيًا مش كويس ومضايق جدًا لأنه يعرف ياخد حقه وكان ممكن يرد لو مكانش اتاخد على خوانه هم اتعاملوا معاه بطريقة جبانة وخدوا علي غفلة، وإحنا كأهل قررنا ناخد حقنا بالطريقة القانونية ونفهمه إن الحق مش دايمًا بيتاخد بالإيد وإن في قانون.
بس اللي حصل بعدها كان فيلم رعب حقيقي… نفس ال 3 ولاد الاخوات ظهروا قدام بيتنا بعربية جولف، مشغلين أغاني بأعلى صوت وبيستفزوا حازم في الوقت ده ابن عمة حازم الكبير سعيد كان موجود معاه في البيت اخد حازم وطلع عشان يحاولوا يحلوا المشكلة بهدوء لأنهم ولاد صغيرين.
سعيد حاول يتكلم بالعقل: "عيب كده، خلونا نحترم بعض وقالهم إن الرجولة مش في الضرب واننا ممكن ناخد حقه بنفس الطريقة ولكن احنا مش عايزين مشاكل.. مشيوا وسكتنا... قلنا خلاص.
واستكملت والدة الطفل المصاب سرد الحكاية :"بعدها بكام ساعة، جه لحازم تليفون ولد من الإخوات الثلاثة بيقول: تعالى عند النادي (Beverly Hills Club) مستنيك، عايزين نصلح.”
حازم كأي ولد في سنه هيحس إن لو ما راحش ممكن يتهموه بالخوف، وهو مش خايف منهم واحنا كمان فكرنا أنه يروح بس بشكل نكون متابعين من بعيد .. باباه وصله للنادي ومعاه سعيد ابن عمته ووقف بعيد يعمل تليفون وسابهم يروحوا هما للاولاد يتكلموا مع بعض ، وكل اللي فكرنا فيه إن دول خناقة أولاد ويمكن يتصالحوا ماكنّاش متوقعين إنهم مخططين لحاجة أشد من كده لكن اللي استناهم كان أخوهم الرابع الكبير – ملاكم سعيد حاول يتفاهم معه، وبدؤوا يتكلموا بالعقل إن دول ولاد صغيرين والمفروض نحلها بالسلمية.
وفجأة ومن غير سابق إنذار، الولد ده مسك حازم من وشه وحاول يضربه، وسعيد دخل يحميه واتعرض لضربات شديدة أدت لكسر في الأنف وارتجاج ونزيف.. حازم جري على والده، ولما رجع لقى سعيد على الأرض بينزف، والولد لسه بيعتدي عليه.
زوجي رد عليه بلكمة على وجهه عشان يبعده عن سعيد، بس للأسف الجبان ماستحملش منه لكمة وجري، لكن هنا حصل الأسوأ.. أبو الولد كان مستني في العربية، وجبان بردو وخاف يواجه زوجي ولما شاف ابنه بيهرب ــ لف بالعربية وبأقصى سرعة صدم أحمد (زوجي) وحازم وسعيد، وداس عليهم بالعربية وخد ابنه وهرب بعدها.
ده طبعا متعمد وخطير جدًا، والفيديوهات بتوثق اللي حصل.
والنتيجة إيه بقى بعد كل ده؟
ابني حازم: كسر في الكاحل، عملية شرائح ومسامير، علاج لعِدة أشهر، وكدمات وجروح في الجسم.
أحمد (زوجي): نزيف في المخ، غيبوبة، فاقد الوعي، في العناية المركزة، جسمه كله كدمات وجروح وخياطات.
سعيد (ابن عمة ابني): كسر في الأنف، ارتجاج في المخ، قطع في الشفاه وخياطات تجاوزت الـ12 غرزة وكل ده مثبت في التقارير الطبيية
المصدر: صدى البلد
كلمات دلالية: النيابة العامة حبس رجل أعمال دهس طالب كومبوند اللی حصل ابن عمته فی المخ کسر فی
إقرأ أيضاً:
بلاغ رسمي يسلط الضوء على اتهامات التحريض في قضية الفنان سعيد مختار
تقدم محامي أسرة الفنان الراحل سعيد مختار، أنيس عاطف الميناوي، ببلاغ رسمي إلى نيابة أكتوبر، رفقة ابنتي الفنان من زوجته الأولى، متهمين زوجته الثانية سحر شحته بالتحريض على قتله واستدراجه إلى مكان الحادث، في خطوة جديدة تفتح أبعادا غير مسبوقة للقضية التي تشهد تطورات متسارعة منذ وقوع الحادث داخل أحد الأندية قبل أيام
تحرك قانوني لمتابعة ملف التحريض على القتلتلقى قسم شرطة أكتوبر أول إخطارا بحدوث مشاجرة أسفرت عن إصابات متعددة أمام ناد شهير بدائرة القسم، وعلى الفور انتقلت قوات الأمن لمكان الواقعة، حيث عثر على الفنان سعيد مختار، البالغ من العمر 56 عاما، إلى جانب زوج طليقته، مصابين بطعنات وجروح متفرقة استدعت نقلهم للمستشفى قبل أن يلفظ مختار أنفاسه الأخيرة متأثرا بإصاباته
أكد الميناوي أمام جهات التحقيق أن الأسرة سلمت مستندات رسمية تثبت أن سحر شحته ما تزال مرتبطة بالفنان قانونيا، رغم إعلانها أن المتهم بتنفيذ الجريمة هو زوجها العرفي وخطيبها، مشيرا إلى وجود علاقة غير مشروعة تربطها بالمدعو عاطف وقت وقوع الحادث، وهي مستندات تعيد إلى الواجهة الخلافات العائلية التي سبقت الحادث، خاصة بعد أن حرر مختار ضدها محضرين باتهامات الزنا إثر اكتشاف خيانتها
استدراج الفنان إلى النادي واندلاع المشاجرةأوضحت التحريات الأولية أن الفنان سعيد مختار توجه إلى النادي لرؤية نجله، وعند وصوله لاحظ طليقته بصحبة شخص آخر، ما أدى إلى نشوب مشادة تحولت إلى مشاجرة، حاول خلالها مختار الاعتداء على الرجل الآخر، فتلقى إصابات بالغة أسفرت عن وفاته بعد نقله إلى المستشفى
كشف البلاغ الجديد الذي تقدم به الميناوي عن بعد جديد في مسار القضية، حيث أشار إلى أن سحر شحته هي من دعت الفنان إلى النادي يوم الواقعة، وهو ما اعتبره محامي الأسرة نقطة محورية في إعادة توصيف الاتهامات، موجها التركيز نحو شبهة التحريض والاستدراج وليس مجرد المشاجرة العادية التي بدأت التحقيقات بها
إجراءات نيابية وفنية لتحديد مجريات الحادثتابعت النيابة عمليات الفحص الفني لمكان الحادث، وسجلت أقوال الشهود والعاملين بالنادي، مع مراجعة كاميرات المراقبة لتحديد تسلسل الأحداث بدقة، كما تعمل على مطابقة الإفادات مع المستندات المقدمة من أسرة الفنان لضمان رصد جميع التفاصيل القانونية، وهو ما قد يغير ملامح التحقيق ويقود إلى اتهامات إضافية
أشارت مصادر مطلعة إلى أن تقديم البلاغ من قبل محامي الأسرة قد يدفع التحقيقات إلى مسار مختلف، حيث يركز على الدور الذي قامت به سحر شحته في استدراج الفنان إلى موقع الحادث وتحريضه على الحضور، وهو ما يفتح الباب أمام إعادة تصنيف القضية رسميا ضمن الجرائم المعقدة التي تشمل التحريض واستغلال العلاقات العائلية
تسعى الجهات القانونية إلى جمع كل الأدلة المتعلقة بالحادث، وتدقيق المستندات والوثائق الخاصة بالزواج والعلاقات الشخصية للفنان الراحل، في محاولة لفهم أبعاد القضية بالكامل قبل إصدار أي قرارات نهائية بشأن الاتهامات الموجهة، بينما يواصل محامي الأسرة متابعة كل المستجدات لضمان تقديم كل الحقائق إلى النيابة
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟