أحمد موسى ينفعل بسبب سعر كيلو السكر: «ليه يوصل السكر 50 جنيه؟» (فيديو)

انتقد الإعلامي أحمد موسى، الارتفاع المبالغ في أسعار السكر وبعض السلع بالسوق المصري، قائلا إن مؤشرات السوق الموازي خطيرة جدا.

وأوضح أحمد موسى خلال برنامج على مسؤوليتي المذاع على قناة صدى البلد، اليوم الأربعاء: «أسعار السكر اليوم مبالغة ومحدش لاقيه.. السعر وصل ما بين 45 إلى 50 جنيه لكيلو السكر، متسائلا: ليه يوصل السكر 50 جنيه.

وأضاف: «في احتكار وفي ناس بتخبي.. أيوه طبعا علشان نبقى واضحين مع الناس.. المواطن عايز سكر روح دور بقى وعلى فكرا كل أنواع السكر مش موجودة حتى لو بتدور على سكر صحي».

ولفت إلى أن سعر السكر قديما كان بـ30 قرشا وزاد لـ2 جنيه عندما كان الجنيه له قيمة، مردفا: «في ناس بيكلموني على أنواع سجائر وصلت 135 جنيه للعلبة.. بكلمكوا على بعض الحاجات في السوق».

وفي السياق ذاته، أشاد أحمد موسى، بالمواطن المصري، قائلا دائما المواطن محترم وعلى حق ورغم كل ده واقف مع بلده وداعم للرئيس ويقول الحمدلله إن بلدنا آمنة ومستقرة.

المصدر: الأسبوع