طبيب يقدم 23 قاعدة يجب اتباعها للتعامل مع السكر في 2024
تاريخ النشر: 2nd, January 2024 GMT
يتعرض الكثيرون للإصابة بأمراض مزمنة مثل السكري من النوع الثاني ويعد من أكثر الأمراض شيوعاً بسبب نمط الغذاء المشبع بالدهون والسكريات أصبح مفتقر إلى طعام صحي يحتاجه الجسم، وفى هذا الصدد قدم الدكتور احمد السبعاوي اخصائي السكر والغدد الصماء المعهد القومي للسكر نصائح لأتباع نظام غذائي صحي وتضبيط نسبة السكر بالدم.
نصائح للتعامل مع السكر:
١. مريض السكر طبيب نفسه فعلا بس في حدود
٢. مفيش حاجة اسمها عندي سكر واسيبه عالي ومش باخد علاج عشان مفيش أعراض
٣. يمكن يكون السكر عالي وانت مش حاسس
٤. ممكن السكر يكون قليل وانت مش حاسس خاصه لو السكر بقاله كتير عندك وكبار السن
٥. الست اللي عندها سكر تقدر تحمل وتخلف وتجيب دستة عيال كمان
٦. مفيش حاجه اسمها علاج حلو وعلاج وحش كله ليه مميزات وعيوب شطارتك تعرف العيوب ايه عشان نسيطر عليها
٧. الأنسولين آمن علاج فالدنيا ومش عارف الناس خايفة منه ليه
٨. متفق ان التوتر النفسي يعلي السكر بس كتر الاكل يعلي اكتر
٩. ضرورة تظبيط السكر لانه يعتمد على ٩٠٪علي تنظيم اكلك وشوية حاجات تانيه معاه
١٠. العلاج يبقى اسمه علاج لما يكون مظبطك لكن طول ما انت سكرك عالي ده مسمهوش علاج
١١. تحاليل دورية يساوي فلوس بتندفع عشان تطمن بيها على صحتك ولولاقدر الله في مشكله نكتشفها بدري
١٢. مفيش حاجه اسمها حقنه بتضيع السكر ولا أعشاب بتظبط السكر
١٣. يجب استشارة الطبيب المختص لتضبيط السكر ومتابعة نسبة السكر بأنتظام .
١٤. جهازك في ايدك اهم من موبايلك
١٥. زهقت ومليت ده من عند ربنا وخليك واثق ان ربنا مش بيسبب حاجه وحشه
١٦. ينفع تاكل محشي وفرسيكا وعسلية متحرمش نفسك بس بحساب صحتك أهم من المحشي والعسلية والبسبوسة والمكسرات
١٧. قريبك اللي حصله مضاعفات بسبب السكر كام عشان شويه إهمال متعملش زيه وانت مش هيحصل ليك حاجه
١٨. نوع اول عنده وجع في بطنه او ترجيع يساوي اسيتون لحد ما يثبت العكس
١٩. اتحرك انت مش كنبة
٢٠. السكر مرض عادي جدا جدا جدا جدا بس انت اللي باصص من نضارة سودا
٢١. الدنيا دار ابتلاء احمد ربنا ان ابتلاءك خفيف
٢٢. مفيش علاج حلو وعلاج وحش نفس العلاج ممكن يبقي حلو ليك ووحش لغيرك
٢٣. العلاج بالاكسجين مش بيقضي على السكر
المصدر: صدى البلد
كلمات دلالية: جهاز السكر الدهون السكريات
إقرأ أيضاً:
ياسمين عبد العزيز عن الشهرة: "مفيش حرية"
طرحت قناة ON الجزء الثاني من لقاء الفنانة ياسمين عبد العزيز مع الإعلامية منى الشاذلي في برنامج "معكم"، وتحدثت خلال اللقاء عن حياتها الشخصية ورأيها في الشهرة، مؤكدة أن النجومية ليست دائمًا بالصورة الوردية التي يتخيلها الجمهور.
أبرز تصريحات ياسمين عبدالعزيز
وخلال الحوار، عبرت ياسمين عبد العزيز عن موقفها الواضح من الشهرة، قائلة: "الشهرة مش أحسن حاجة.. وبستغرب الناس اللي بتجري وراها".
وأشارت إلى حرصها الشديد على إبعاد أبنائها عن الأضواء، وأضافت: "بدليل إن ابني وبنتي مخبياهم ومقولتلهم مفيش تمثيل، بعيد خالص عن الأضواء".
وتحدثت ياسمين عبد العزيز عن القيود التي تفرضها الشهرة على حياتها اليومية، موضحة: "مفيش حرية، كل حاجة بتتحسب علينا.. يعني مثلا لو اتعرضت على حد وقعدت معاه واتعشينا، إيه اللي هيتقال؟ دا ياسمين راحت وخرجت وعملت.. كله بيتحسب عليا"، مؤكدة أن الخروج مع أولادها قد يتحول أحيانًا إلى مصدر قلق بسبب نظرات الناس وكلامهم.
وأشارت الفنانة إلى أنها تتعامل بحذر شديد في أي ظهور إعلامي، قائلة: "أنا قاعدة في البرنامج وكل كلمة بقولها بحاول على قد ما أقدر أمسك نفسي.. في ناس بتمسكلنا الغلطات.. الشغل ده مفيهوش حرية"، موضحة أن طبيعتها لا تسمح لها بتجاهل الانتقادات أو العيش بلا حساب، على عكس بعض الفنانين الآخرين.
كما كشفت ياسمين عبد العزيز عن تأثير الشهرة المبكرة على حياتها، مؤكدة أنها لم تعش حياة طبيعية مثل غيرها، وقالت: "أنا مشهورة من وأنا عندي 12 سنة.. عمري ما عشت حياتي.. طول عمري بخلص شغلي وبرجع بيتي"، مشيرة إلى أن هذه التجربة الطويلة جعلتها أكثر تمسكًا بخصوصية بيتها وأسرتها.
وخلال الحلقة، تحدثت ياسمين أيضًا عن المخرجين الذين تتمنى التعاون معهم في الفترة المقبلة، وهم طارق العريان، مروان حامد، وكاملة أبو ذكري.
الظهور الأول لـ هدير عبد الرازق وطليقها أوتاكا أمام المحكمة