تامر حسني يوجه رسالة للجمهور في عيد الأم
تاريخ النشر: 22nd, March 2024 GMT
نشر الفنان تامر حسني منشورًا بمناسبة عيد الأم عبر حسابه الشخصي علي موقع التواصل الاجتماعي فيسبوك.
وكتب تامر حسني :"جمعه مباركه يا أغلى الناس ????❤️…النهارده بكتبلكم بوست عن الأم و نفسي من جوه قلبي تقروه من اخ لأخواته و ناتج من تجربه حقيقيه بيني و بين أمي هحاول اختصره لأن الكلام عن الام يحتاج كُتب كتير
هبدأ كلامي بإن اكتر موقفين في عمري زعلت فيهم هما اللي كنت معاندها في الرأي و كل الناس كانت في كفه و هي لوحدها في كفه ،، اقسم بالله الأم بتشوف و بتحس اللي انت متعرفش تحسه ،، اوعى تقول انا خلاص كبرت و مش هاخد رأيها والله والله بيبقى عندك دليل و حد بيطمنك او بينبهك من مستقبل الموقف و انت مش عايز تسمع و فاكر ان هي مش مواكبه الدنيا فهيكون رأيها راجعي تفتكر ربنا هيخلق قلب ام له فترة صلاحيه يعني بيحس لفتره محدوده !!!؟ اكيد لا مركز احساسها ممدود لآخر العمر في حاجه جواها بتقولها يا اه يا لأ.
وتابع كلامه :افتكر مره زمان أمى فضلت تقولي على واحد صاحبي انه مش كويس و غدار و حقود انا فضلت اقولها حرام عليكي دا احسن واحد في صحابي و ادافع عنه باستماته لحد ما الايام دارت و فعلاً خرج منه الجرح الكبير و الحقد الكبير اللي ميطلعش من انسان بيكرهني اصلاً و عرفت ساعتها ان في ناس حوالينا لابسين قناع الحب لحد ما المصلحه هتروح و بعدين يبان وشهم الحقيقي فعلمت نفسي متعشمش اوي في الناس عشان لما يغدروا متعبش اوي و الناس الطيبين بجد اكيد هيبانوا و يبهرونا بحبهم و ثباتهم الطويل اللي مش مشروط ولا قائم على مصلحه يعني برضو مش هنظلم حد كويس بس هنلغي فكرة التسرع في العشم الزائد
وأضاف : هاجي بقى لنقطة نفسية غريبة انا كل ما تكون ايد امي على راسي والله والله والله بحس لو تعبان اني مرتاح لو مهموم اني مبسوط وكأنها بتشفط و بتسحب اي طاقه سلبيه مش كويسه و تحطلي طاقه جميله كلها خير و راحه
الايام اللي غصب عني مش بعرف اشوفها فيها بكون متوتر قلقان و لما بشوفها بقول في سري انا بحمد ربنا عشان اتولدت لقيت الست دي امي
يلا نوريهم قد ايه بنحبهم و اللي مزعل اهله يروح فوراً يصالحهم يلا عندك سبب جميل اهوه جه من عند ربنا متخافش روح صالح ربنا هيكون معاك و هيخليك مجبور الخاطر صدقني …..و اكيد اتمنى لو يفضل ده شكل علاقتنا بيهم طول الحياه مش بس في عيد الام ،، كل سنه و انتي طيبه يا امي ….
كل سنه و انتي طيبه يا بسمه و كل سنه و والدتك الجميله طيبه … انا كل يوم يا بسمه بحكي لولادنا عن الاصول دي و مصورلهم كل تعبك معاهم من و انتي لسه هعدي عصبيتك عليا في الوقت ده مش مشكله حقك المهم مصورلهم مجهودك لحظه بلحظه عشان يعرفوا انتي و انا تعبنا عشانهم ازاي و لما يكبروا ان شاء الله هما يعملوا كده مع ولادهم ???? وكمان يراعوا ربنا فينا لما احنا نكبر اوي ???????????? ان شاء الله هتشوفي فيهم كل الخير عشان انتي ام جميله و مخلصه ليهم قدام ربنا .. كل سنه و كل ام في الدنيا طيبه و يلا ندعي لكل ام مش معانا ربنا يرحمها و يرفع من قدرها في الجنه ????
المصدر: صدى البلد
كلمات دلالية: أغلى الناس الفنان تامر حسني مناسبة عيد الأم كل الناس فترة صلاحية جمعة مباركة
إقرأ أيضاً:
«الانتقاد يدمر نفسيتنا».. حمزة العيلي يدعم منى زكي قبل عرض «الست» ويوجه رسالة للجمهور
حرص الفنان حمزة العيلي، على دعم الفنانة من زكي بعد تعرضها لموجة من الانتقادات قبل انطلاقة عرض فيلم «الست» بالسينمات، مشيرا إلى أن صناع الأعمال يواجهون الكثير من الصعوبات أثناء العمل.
ووجه حمزة العيلي، عبر حسابه الرسمي بموقع التواصل الاجتماعي «فيسبوك»، رسالة للجمهور قائلا: «إلى السادة الجمهور الفاضل المحترم تحية طيبة ومحبة كبيرة، بعيداً عن زمالة المهنة و بعيداً عن أي شيء عاوز أقول كلمتين ليس لهم أي علاقة بتوجيه أو اعتراض أو دعم أو غيره».
وأشار حمزة العيلي: «إحنا كمشاركين في صناعة الأعمال الفنية بجميع أقسامه اللي بيتعبوا جداً، وتحديداً فيما يخصنا نحن كممثلين مشوارنا صعب و طويل وشاق ومجهد و مهما بلغت نجوميتنا و لما ربنا يكرمنا ويكون لنا جمهور عزيز نحبه ونحترمه بنسعى دائماً لإرضائه و إمتاعه، ونيل احترامه، وهذا أعظم أهدافنا».
وتابع حمزة العيلي: «لذا عندما نهاجم من جمهورنا الحبيب على شخصية أو دور قدمناه لكم بكل ما واجهناه فيه من تعب، كي يخرج للنور فهذا حقاً يحزننا كثيراً و يصيبنا بإحباط شديد، وفي بعض الأحيان يدمر نفسيتنا تماماً، والأمثلة في ذلك حدثت ومازالت تحدث أذكر منها الآن دور أم كلثوم للفنانة والنجمة الكبيرة، التي أمتعتنا في أعمال كثيرة الأستاذة منى زكي».
وأضاف حمزة العيلي: «أياً ما كان فلنشاهد و نحكم سواء عليها أو على أي ممثل أو ممثلة و لا أستثني نفسي أبداً، وإذا لم نلاقي إستحسانكم فهذا، وارد جداً ولكم كل الحق و الفنان الحقيقي يهتم بالنقد أكثر من المدح ولكن النقد البناء نحن نحترم ذلك جداً أما الهجوم الشرس والسخرية والإهانة وما إلى هذا فإنه يفطر القلب حزناً و ألماً وخيبة أمل».
وأكد حمزة العيلي، أن هذا الأمر يحدث في جميع المجالات، قائلا: «يسري هذا مع كل الناس في جميع مجالات العمل وفي حياتنا عموماً، كلمة واحدة من الممكن أن تدمر إنساناً أو تجعله يطير فرحاً من السعادة بنجاحه، دعونا نكون أكثر هوناً على بعضنا البعض.. لكم مني ومن جميع الأساتذة و زملائي الأعزاء خالص محبتنا والإحترام والتقدير، فبعد عون الله وتوفيقه و كرمه علينا أنتم عزوتنا و سندنا وهدفنا الجليل إسعادكم».
وتابع: «إن شاء الله في لقاءٍ ما يوما ما هحكي موقفا عظيما بالنسبة لي عن مدى إنسانية وجمال ورُقي وكرم أخلاق نجوم كنت وما زلت واحدا من جمهورهم وبحبهم جدا، ومحبتهم في قلبي تضاعفت ألف مرة بعد هذا الموقف، الحبايب الغاليين أحمد حلمي ومنى زكي وأحمد رزق، ونقيبنا العزيز دكتور أشرف زكي، ومعظم النجوم والزملاء اللي تعاملت معهم لهم معي ومع غيري مواقف إنسانية رائعة علمتني الكثير».
اقرأ أيضا:
من بينها طائرة «حمزة».. رئيس الهيئة العربية للتصنيع يكشف تفاصيل أبرز المنتجات في معرض «إيديكس»
عائلة أم كلثوم تحضر العرض الخاص لفيلم "الست" بالقاهرة وتُشيد بالعمل
«ارتكبوا جريمة في حقي».. رحمة حسن تكشف تفاصيل أزمتها الصحية بسبب خطأ طبي
القوات الروسية تسقط 77 طائرة مسيرة أوكرانية الليلة الماضية