رجل محترم وخيّر.. إيناس الدغيدي: رفضت الزواج من صديقي بمجتمع الميم (فيديو)
تاريخ النشر: 5th, April 2024 GMT
كشفت المخرجة إيناس الدغيدي عن رفض زواجها من مثلي جنسيًا قائلة: “عرض زواجي من صديقي المثلي جنسيًا رفضته، هو كان صديق بره عايش في إيطاليا، وكان سنه كبير”.
وأكملت المخرجة التي تبلغ من العمر 71 عاما: "هو عارف إني عارفة، وكان عايزنى عشان أبقى رفيقة، لأن سننا مش بتاع شهوة، وضحكت لما عرض عليا، ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: “عمري ماحسدت حد، وبحب أشوف الفنجان، وكل شهور واحدة بتجيلي تقرالي الفنجان، لإني مقتنعة إن اللي بشوفه بحققه، وآخر مرة من أسبوع واحدة قالتلي هيجيلك موبيل هدية، قلت ايه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق”.
وعن رأيها في ليلى عبد اللطيف قالت، : "هي صديقتي لكن شافتلي مرة ومتحققش، عندي شراهة للسفر، لما برجع من رحلة بفكر في اللي بعدها، وانا حاليا في آخر حياتي عايزة الف العالم، يارب ابعتلى مليون دولار عشان الف العالم، ونفسي اشتغل مع إلهام شاهين مسرح لأنها خريجة مسرح ولغتها كويسة".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
وفي الجزء الأول من اللقاء، كشفت المخرجة إيناس الدغيدي عن وضعها على قوائم الاغتيال، مشيرة إلى أن جماعة تسمى ر اسمها وضعتها في المرتبة الثالثة للمطلوب اغتيالهم بعد الرئيسي محمد حسني مبارك وشيخ الأزهر.
رقم 3 في قوائم الاغتيالوقالت إيناس الدغيدي خلال حوارها في برنامج أسرار الذي تقدمه الإعلامية أميرة بدر على قناة النهار:وائل الإبراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها.
وتابعت إيناس الدغيدي: "مرة حطوا ليا في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها، قالولي منعرفش، وجوزي قالي بلغي البوليس، قلت له يمكن واحد أهبل مش عاجبه أفلامي، ومرة راجعة بالليل لقيت ملثمين دخلوا ورايا الجراج بموتوسيكل، أنا خوفت ومطلعتش من العربية.
وأردفت :"لما الإخوان مسكوا أول حاجة فكرت فيها أني آلاقي مكان آخر ليا، وكنت هروح دبي، لأنها كانت بتدي إقامات في الوقت دا وبالفعل خدت إقامة هناك".
المصدر: بوابة الوفد
كلمات دلالية: أميرة بدر أيناس الدغيدى الإعلامية أميرة بدر المخرجة إيناس الدغيدي أميرة بدر و المخرجة إيناس الدغيدي اسرار اميرة بدر اميرة بدر النهار برنامج اميرة بدر اسرار برنامج اسرار اميرة بدر برنامج اميرة بدر النهار إیناس الدغیدی
إقرأ أيضاً:
شوبير لجماهير الأهلي: اللي بيكرهك مش هيسقفلك حتى لو كسبت
انتقد الإعلامي أحمد شوبير، الهجوم على لاعبي الأهلي و المدير الفني الجديد بعد تراجع نتائج الفريق و خسارتة امام بالميراس البرازيلي، ضمن منافسات الجولة الثانية، من مجموعات بطولة كأس العالم للأندية.
وقال شوبير عبر قناة الاهلي:اللي بيكرهك مش هيسقفلك حتى لو كسبت ،مهما عملت، هيفضل يقول أصل الفريق التاني كان تعبان، أصل البطولة ضعيفة، هو ببساطة مش بيحبك".
وأضاف:"نعم، من حق الجماهير تزعل، تتضايق، تعاتب، لكن في النهاية لازم تفتكر شعارنا: على الحلوة والمرة معاه.
و تابع:أنت لسه واخد الدوري، ولسه بطل أفريقيا، ولسه بتمثل القارة في كأس العالم للأندية.
مباراة الأهلي القادمة
ويواجه الأهلي العديد من التحديات قبل لقائه المرتقب مع بورتو البرتغالي في الجولة الثالثة من دور المجموعات بكأس العالم للأندية 2025 المقامة بالولايات المتحدة، حيث يدخل المباراة بصفوف منقوصة وأزمات تهدد طموحاته في التأهل.
رغم تعقيد موقف المجموعة، تبقى آمال الأهلي قائمة بشرط الفوز على بورتو بفارق هدفين مع خسارة إنتر ميامي أمام بالميراس بنفس النتيجة، وهو السيناريو الوحيد الذي يمنح الفريق بطاقة العبور استنادًا لفارق الأهداف، في حال تساوي النقاط مع إنتر ميامي.
بالتعاون مع الملحن أحمد زعيم.. آدم البنا يطرح أغنية بتاع الصبر