يوسف حسن لمجلس إدارة الزمالك: حسبنا الله ونعم الوكيل في كل ظالم
تاريخ النشر: 13th, June 2024 GMT
كشف يوسف حسن مهاجم الفريق الأول لكرة القدم بنادي الزمالك، أسباب غيابه عن التدريبات الجماعية للفريق الأبيض خلال الفترة الأخيرة.
وكتب حسن على صفحتة الرسمية بموقع التواصل الاجتماعي فيس بوك: أنا هتكلم بس مش عايز جمهور الزمالك يزعل مني ف اي حاجه.. أنا بسبب اللي بيحصل معايا ده هبطل كوره بالشكل ده انا لا بتأهل ولا بتدرب ومستقبلي بيضيع".
وأضاف:" أنا الكورة هي شغلي وأكل عيشي ومش عارف انا أذنبت في اية ولا عملت اية علشان اللي بيحصل معايا دة.. عمر ما حد شاف مني حاجة وحشة ولا شاف اني بعمل مشاكل أنا دايما فحالي".
وتابع:" بس اللي حصل فيا مش قليل عارف الناس ممكن متصدقش اللي بيحصل معايا بس وحياة الأيام المفترجة دي.. أكيد انتم عارفين بموضوع العملية ومحدش كان راضي يعملها من الإدارة وعملتها بعد مجهود كبير جدا جدا بعد 6 شهور قاعد ف البيت".
وأكمل:" بتحصل معايا نفس الحاجة بعد ما الإدارة الجديدة وعدوني هنوديك علاج طبيعي انت لاعيب مهم وانت وانت وانت.. أول شهر ودوني لدكتور علاج طبيعي اسمه خالد الشناوي.. روحت شهر و اتنين والنادي مدفعش الفلوس لدكتور العلاج الطبيعي وكل شوية يطلب فلوسه".
وواصل:" طبعا انا اتكسفت اني اروح تاني العلاج الطبيعي أنا بقالي 3 شهور قاعد في البيت.. وحياة ربنا وحياة ربنا ما حد عبرني بمكالمة تليفون ولا حد بيرد عليا أصلاً.. حسبنا الله ونعم الوكيل في كل ظالم.. أول مرة اشوف كده اول مره أشوف ظلم بعيني فعلا عمري ما حصلي كدة في حياتي".
وأردف:" كل ما اروح لحد يقولي اتكلم مع الإدارة اتكلم يقولولي مش عارف اية.. مفيش حد وقف معايا نهائي بس غلطتي اني مكنتش بطلع اتكلم.. انت جايبني بفلوس مش قليلة مفروض تقدرني مفروض أنا لاعيب منتخب مصر".
وأتم:" ليه بيحصل معايا كدة أنا في نادي كبير واسم كبير.. وجمهور الزمالك عارف انا بحبهم ازاي بس انا اتظلمت كتير وغلطتي اني كنت ساكت مش عايز اتكلم.. ولما لقيت الناس كلها بتهاجمني انا وفاكرين انا اللي قاعد في البيت بمزاجي.. محدش يزعل مني اي حد زعلته حقه فوق دماغي أنا بحب جمهور الزمالك".
المصدر: الأسبوع
كلمات دلالية: الزمالك فريق الزمالك مجلس إدارة الزمالك يوسف حسن مهاجم الزمالك يوسف حسن لاعب الزمالك
إقرأ أيضاً:
هاني حتحوت ينتقد مسؤول الزمالك بعد هجومه على رابطة الأندية بسبب اللائحة:«مضيتوا عليها ليه»
انتقد الإعلامي هاني حتحوت، اليوم الثلاثاء، عمرو أدهم، عضو مجلس إدارة نادي الزمالك، بعد هجومه على مسؤولي رابطة الأندية، بسبب لائحة الدوري، للموسم الكروي الجديد 2025-2026.
وهاجم عمرو أدهم، منذ قليل، رابطة الأندية بسبب المادة 63 من لائحة الدوري، التي تنص على أن القرارات الصادرة من الرابطة نهائية وبالة ولا يجوز الاعتراض عليها أو استئنافها امام اللجان القضائية.
وفي هذا الشأن قال هاني حتحوت ردًا على عمرو أدهم عبر موقع التواصل الاجتماعي «إكس»:«ما اعترضتوش ليه؟ كان فيه شهر ممنوح للأندية تقول ملاحظاتها، كانت إيه ملاحظات إدارة الزمالك؟».
واختتم: «مضيتوا ليه على لايحة معترضين عليها؟ أنا عاجبني كلام حضرتك جدًا بصراحة بس يطلع من إعلامي، مش من عضو مجلس إدارة نادي متضرر وكان عنده الحق في الاعتراض وبعد ما مضى معترض إنه مش هينفع يعترض!».
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية