كفاية خناقات| أول تعليق من ميدو على أزمة شيكابالا مع مرتضى منصور
تاريخ النشر: 10th, August 2023 GMT
علق أحمد حسام ميدو على أزمة مرتضى منصور رئيس نادي الزمالك السابق مع محمود عبد الرازق شيكابالا قائد فريق الكرة الأول بنادي الزمالك.
قال ميدو في تصريحاته عبر برنامج الريمونتادا على قناة المحور: "الزمالك عنده مشاكل كتيرة جدا الكل عارفها ومش محتاج مشاكل زيادة، حتى لو في مشكلة لازم نتجنبها دلوقتي لو من جوا النادي"
وأضاف: "الكلام اللي قاله مرتضى منصور فيما يخص شيكابالا مكانش وقته إنه يتقال، والبعض بيحاول يستغل الأزمة عشان يطلع تريند"
وواصل: "بطالب المستشار مرتضى منصور، أرجوك كفاية خناقات ومشاكل الزمالك مش محتاجها دلوقتي، في حاجات لازم تعديها، النادي بيمر بوقت صعب وكل الناس اللي عايشين في النادي عارفين ده" .
واختتم: "مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن في فلوس متأخرة على سبورتنج لشبونة".
المصدر: صدى البلد
كلمات دلالية: مرتضى منصور
إقرأ أيضاً:
شيكابالا ينتقد إدارة الزمالك على رحيل جوميز:« لما جبنا جروس حصل خلل في الفريق»
شن محمود عبد الرازق شيكابالا، قائد الفريق الأول لكرة القدم بنادي الزمالك، هجومًا لاذعًا على إدارة القلعة البيضاء، على قرارها بالسماح للبرتغالي جوزيه جوميز، بالرحيل عن النادي الأبيض في منتصف المُنصرم.
وقرر الزمالك في منتصف الموسم الماضي، رحيل جوميز للفتح السعودي، واختيار السويسري كريستين جروس لتدريب الفريق الأبيض، قبل أن يرحل الأخير لسوء نتائج القلعة البيضاء على المستوى المحلي.
وقال شيكابالا في تصريحات عبر «بودكاست» مع أحمد حسام ميدو، عضو لجنة التخطيط بنادي الزمالك: «الفريق بتاعنا مبني على إننا نلعب كورة».
وأضاف: «الزمالك خسر جوزيه جوميز، وهي دي المشكلة، لما اتغير كان لازم تجيب حد شبهه نفس الفكرة، فجبت أنت مستر كريستيان جروس فالخلل حصل».
وأكمل: «قعدنا نلعب هنا ولا هنا، واللاعيبة حست بكدة، أتمنى السنة الجديدة في الزمالك مدرب بيلعب كورة».
وعن إمكانيات الزمالك: «رغم كل الظروف الصعبة عندنا، لكن بنقدر نحقق بطولات، مع إننا ما عندناش الإمكانيات الكافية، وكأننا بنلعب كفريق الزمالك في الدوري الإنجليزي، وسط أندية تملك كل شيء، وإحنا داخلين فقط بالشعار وبجمهورنا».
وواصل: « الأهلي الجميع يساندهم، وده أمر غير طبيعي، هل تريدون كرة قدم حقيقية أم أن فريقاً واحداً فقط هو من يفترض أن يفوز؟ لو الأمر كذلك، فلنُغلق النادي ونلعب كرة خماسية ونستمتع».
واختتم: «ما يحدث حالياً غير منطقي، ولابد أن يكون هناك دعم من الدولة، لأن نادي الزمالك يستحق مكانة أفضل من الوضع الحالي. قوة الدوري لا تكون إلا عندما يكون الأهلي قوياً، وبيراميدز، والزمالك كذلك».
أسعار الأسماك والجمبري اليوم السبت 31 مايو 2025.. البوري بـ 200 جنيه