تتذكروا البت الطلعت لايف في الشهور الاولى للحرب من مستشفى شرق النيل

#لازم_الناس_تعرف
#عروهم
تتذكروا البت الطلعت لايف في الشهور الاولى للحرب من مستشفى شرق النيل وكانت بتنفى بطريقه حريفة وجود الجنجويد في المستشفيات وإحتلالها وبتتكلم عن انو المستشفى شغاله طبيعي والمواطنين بجوا وبتعالجوا والكهرباء مقطوعه والدكاتره مساكين شغالين في ظروف صعبه بي انوار الموبايلات وهسه نحن شلنا علاجاتنا من الصيدليه وطالعين وو ورغم كلامها ومحاولة نفيها لاحتلال المليشيا للمستشفى ظهرت في اللايف عربات الجنجويد تحت الشجر مستخبيه .

.المهم طلعت واللايف فاتح ركبت رقشه وماشه وتوصف الشارع عادي طبيعي والمواصلات شغاله وهسه انا في ١٣ وماشه بحي الجامعه ووقفنا شلنا فواكه وعيش ودخلنا المول وشلنا حاجات ومارين بالفيحاء والدنيا حلوة .ولا كانوا الجنجويد عذبوا خلق الله ولاحقا ظهرت زعلانه في بهجتنا بي جغم قرن شطة وبتواسي في الجنجويد وبتبكي علي شباب السودان الماتو ساي المهم هسه شفت ليها فيديو بتلعن فينا نحن البلابسه الفرحانين بتحرير القصر وطالعه زعلانه في فيديو وبتنبز فرحانين بتحرير القصر لشنو وهو مش ياهو قصر الانجليز الكان فيهو غردون وما تعرف وتشيل وتقلل من إنتصارات الجيش واستلام القصر والموضوع ظهر انو ماكل معاها جمبه خالص
اها دي طلعت ياها البتطلع لايفات وتبييض لوجه المليشيا وتنفي عنها تهم الاغتصابات والانتهاكات .البت دي واحده من كتيرين مفروض الشعب كلو يعرف من تكون ويوم الحساب جايي ليهم كلهم الهوانات
وطلعت اسمها هبه هاشم الوسيله احمد الموظفه بالشركة السودانية للموارد المعدنيه و الكادر من كوادر استخبارات المليشيا المدربه ومجهزه لمثل هذا الفبركات وورد اسمها في منشور بننك السودان وموجه بحجز وتجميد حسابها المصرفي من ضمن مجموعه من المتعاونين مع المليشيا
Muhaned E Tabidi

إنضم لقناة النيلين على واتساب

المصدر: موقع النيلين