ناقد رياضي: زيزو رحل عن الزمالك من أجل المال وليس الكرامة
تاريخ النشر: 8th, April 2025 GMT
كشف الناقد الرياضي شادي عيسي عن السبب الحقيقي لرحيل نجم الزمالك أحمد سيد زيزو عن الفريق عبّر حسابة بموقع التواصل الإجتماعي فيسبوك.
وكتب شادي عيسي:زيزو رحل عن الزمالك ليس بسبب خلاف او اختلاف مع حسين لبيب او ممدوح عباس.
وتابع :زيزو رحل ليس بسبب اهدار كرامة او الخطأ ف وكيله اللي هو أبوه.
وأضاف:زيزو رحل عن الزمالك عشان العرض الافضل والاعلانات اللي كان عاوز يعملها والزمالك معرفش يخليه من نجوم الاعلانات.
واستكمل :زيزو رحل وخلص الموضوع ومع شديد احترامي لكل التصريحات اللي خرجت من جانب زيزو وايضا من والده مش مصدقها ولا دليل عليها.
واختتم :ثم هو تم سؤاله اليوم وقعت للأهلي فرد وقال اعتبرني وقعت فتم اتخاذ قرار الاستبعاد وانتهي وقت زيزو ويا فرحة اللي جابه للزمالك برحيله عن الزمالك.
أكد أحمد مصطفى "زيزو" نجم الزمالك إنه لم يوقع لأى نادى مؤكداً أنه يحترم القلعة البيضاء .
وكتب زيزو عبر "أستورى إنستجرام" عبر حسابه الرسمى :"الحمد لله أنا راجل بحترم كل الناس لكن للأسف عدم ردي علي المعلومات المغلوطة والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور".
وتابع: "بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن إذا كان كلامه صحيح ، كمان اللي عنده دليل على توقيعي لأي نادي برضو يتفضل يطلعه على الملأ الناس لازم تعرف كويس".
وواصل: " أنا بقدر جدا الكيان الكبير اللي بلعب فيه ولا يمكن أنكر فضله عليا لكن فيه حاجة أنا مكنتش حابب أتكلم فيها خالص لأنه للأسف الأمور في الإعلام كلها في إتجاه واحد ليه محدش اتكلم عن حقوقي المشروعة زي أي لاعب في الدنيا ".
واكمل:"ليه محدش اتكلم إن الناس سابتني بقالها شهور طويلة ومش عايزين يجددوا عقدي ليه محدش اتكلم عن المستحقات المتأخرة اللي ليا بقالها كثير ومش لاقي حد".
واختتم:"محدش كمان اتكلم إن ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود ورغم كل ده قلت وهفضل أقول أنا منتظر كلمة النادي. ورد لإعتبارات كتير مش لتجميل الصورة.
المصدر: صدى البلد
كلمات دلالية: زيزو رحيل زيزو عن الزمالك تصريحات زيزو لأهلي المزيد عن الزمالک
إقرأ أيضاً:
جمال عبدالحميد يهاجم إمام عاشور ويُعلق على رحيل زيزو
وجّه جمال عبدالحميد، نجم نادي الزمالك السابق، انتقادات حادة للاعب إمام عاشور بسبب رحيله عن الزمالك وانضمامه لاحقًا إلى الأهلي، مؤكدًا أن طريقة انتقاله لم تكن واضحة، واتهمه بالخداع. كما أبدى استياءه من عدم استفادة الزمالك ماليًا من رحيل النجم أحمد سيد زيزو.
جمال عبدالحميد يهاجم إمام عاشور ويُعلق على رحيل زيزووقال عبدالحميد، خلال ظهوره في برنامج "الكلاسيكو": "إمام عاشور عمل تمثيلية علينا عشان يروح الأهلي. من البداية كنا حاسين إن عرض ميتلاند الدنماركي كان مجرد كوبري، عشان يوصل إمام في الآخر للأهلي."
"عرفنا إنه بيضحك علينا لما عيط وهو ماشي، وفي الحقيقة مكنش في أي أزمة ترجعه الزمالك تاني من الدنمارك."
"على الأقل استفدنا من إمام وقت ما كان معانا، لكن زيزو مشينا من غير ما نستفيد منه فلوس حتى."
تصريحات عبدالحميد جاءت وسط حالة من الجدل الكبير حول طريقة رحيل بعض نجوم الزمالك في السنوات الأخيرة، والانتقادات الموجهة للإدارة بشأن إدارة ملفات العقود والانتقالات.
«وفر في البنزين».. خطوات تحويل السيارات للعمل بالغاز الطبيعي