«بلاش أنت».. زيزو يخرج عن صمته برسالة نارية بعد شكوى الزمالك

رد أحمد مصطفى زيزو، جناح الفريق الأول لكرة القدم بالنادي الأهلي، على الانتقادات اللاذعة التي يتعرض لها منذ رحيله عن نادي الزمالك وانضمامه بشكل مباشر للقلعة الحمراء.

وانتقل زيزو من الزمالك إلى الأهلي في صفقة انتقال حر، وذلك بعد تعثر المفاوضات مع الفارس الأبيض، لينضم اللاعب لكتيبة المارد الأحمر خلال فترة الانتقالات الصيفية الجارية.

ونشر زيزو تغريدة على صفحته الشخصية على موقع التواصل الاجتماعي «إنستجرام»، ردًا على الانتقادات التي يتعرض لها الفترة الأخيرة، قائلًا: «السؤال الوحيد والأوحد اللي مش عايز يطلع من دماغي ونفسي، الاقي له إجابة.. هو بجد لما حد يخوض في عرض الناس ويقعد، يشتم فيهم ويسب ويتنمر دا بيعود ولا بيرجع عليه بأيه».

وأضاف: «هل بيروح البيت بيلاقي بيته اتغير، طيب بيبص تحت بيته، بيلاقي العربية اللي نفسه يجيبها؟ طيب ولاده وصلوا للمكانة، اللي بيتمناها؟ طيب عيش أبوه وأمه في حاجه يستحقوها».

وتابع: «مش قادر استوعب فعلا الموضوع، بلاش أنت، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانه؟ معندوش نفس البيت؟ طب والعربية؟ حياتكو يعني اتغيرت؟ الإجابة لا».

وواصل: «طيب ليه بتعمل كده، عمال تكبر وتكتر في ذنوب الله أعلم هتعرف تمسحهم ولا لا ومفيش حاجة على أرض الواقع بتتغير بعد الشتيمة دي كلها، مش بتشوف كل».

وشدد: «الناس اللي فجاءه مبقوش حواليك؟ دي مش حاجه تخليك تتعظ، تخليك تفكر أنا بعمل كده ليه وعشان ايه، فكر كويس عشان والله ما في حاجه مستاهله، أعرف أن رزقك كده كده ربنا كاتبه لك و انت، بتختار الطريقة اللي بيجيلك بيها الرزق فا خليها دايما طريقك كويسة وافتكر دايما انها مش دايمة، صباحكم جميل».

وكان زيزو قد تقدم بشكوى رسمية ضد الزمالك في الاتحاد المصري لكرة القدم، مطالبًا بمستحقاته المالية التي لم يحصل عليها أثناء وجوده بالقلعة البيضاء.

المصدر: الأسبوع