ليه ظروفنا صعبة؟.. إجابة تفصيلية من السيسي

كتب- محمد نصار:

رد الرئيس عبد الفتاح السيسي على تساؤل يطرحه الكثيرون من أبناء الشعب المصري، نصه: ليه ظروفنا صعبة؟.

وقال السيسي، خلال اليوم الأول من مؤتمر حكاية وطن، السبت: دايما نقول ليه ظروفنا صعبة؟، إحنا بنحاول نقرر واقع ونقول للناس إيه الحكاية، بنقول الحكاية عشان لازم نتخلص منها.

وأضاف الرئيس: لما هي دولة من سنة 80 لغاية دلوقتي دايما عندها، يعني إيه إيراد ويعني إيه مصروف، الدكتور محمد معيط اتكلم، بيقول دخلي مش أد مصروف مصر.

وتابع: مصر لم تستدين حتى سنة 70، لم يكن عليها ديون، لكن تداعيات الحرب فرضت على مصر عشان تتجاوز الأزمة بتاعة الحرب، بدأت الدولة تجيب موارد بالدين، يعني كان فيه واقع من الخمسينات لغاية سنة 70، ثم واقع ما بعد عام 70، ده مهم نعرفه بما إنها بلدنا وعايزين نشوفها في مكان تستحقه، القلة والعوز مش مشكلة، المشكلة إنك تقبله، إنك تبقى مش مستعد تقاتل من أجل إنهاءه، طيب اللي قبلنا حاولوا، اه، بس يمكن يكون حجم التحدي كان كبير أوي.

وواصل: عايز أقولكم على حاجة، يقولوا الرئيس السادات عمل السلام، ومش مقدر إن الحرب صعبة والدولة صعب تعيش في التحدي ده، الدعم المطلوب كان لازم يعوض البنية التحتية اللي توقفت من 67 إلى 73 على الأقل، ده حال الدولة.

واستطرد: لازم نزود مواردنا، الدكتورة هالة السعيد اتكلمت على الزيادة السكانية، ومصر حاولت منذ عبد الناصر والسادات ومبارك ولم تنجح، وحتى الآن لم نحقق المطلوب، تصوروا من 2011 حتى الآن نمونا ثابت، فيه دول كده؟، أه، الوفيات أد المواليد، يعني في الفترة دي زدنا 25 مليون نسمة، يا ترى إحنا مواردنا، ده إحنا أساسا الخطين (الإيراد والمصروفات) عمرهم ما قربوا من بعض، أنت في 2011 خسرت 450 مليار وكأن ملهمش تأثير، كل أزمة هيكون لها تداعيات.

وأضاف الرئيس: بقول الكلام لكل إنسان مصري بسيط ماشي في الشارع، الدولة بتدفع تمن الخسارة دي من لحم الحي، وأنت كمواطن عايز تعيش وأنا معاك، وعايز تربي أولادك واحنا جنبك وده حقك، هنعمل ده إزاي إذا مكناش نفهم الحكاية، ليه بلدنا كده بقالها 43 سنة، عايزين نخرج منها، ولا نقول كلام متحققش.

وتابع: الدكتور معيط بيقول أزمة كوفيد بدأت في 2020، في الوقت ده كان فيه 5 ملايين مصري شغالين في المشروعات، لما قعدنا القعدة دي، أنا بقعد مع مين، مع ناس متعلمة ومخلصة، وزمايلنا في الجامعة ليهم اتصال بالوزراء اللي في تخصصاتهم، وما دامت وجهات النظر منطقية وعلمية هنقبلها، قولنا هنعمل تحفيز للاقتصاد تقريبا 600 مليار جنيه، طب جبتهم منين؟ شوفوا.

تغطية مباشرة لمؤتمر حكاية وطن.. لحظة بلحظة (اضغط هنا)

المصدر: مصراوي