عمرو أديب: الرئيس السيسي أدرك ضرورة إنهاء التكية في وظائف الحكومة

أشاد الإعلامي عمرو أديب، بالكلمة التي ألقاها الرئيس السيسي خلال افتتاح الملتقى والمعرض الدولي السنوي للصناعة.

عمرو أديب: قد نستيقظ على إزالة أحياء كاملة من قطاع غزة غدا عمرو أديب: حركة مصر بتهز الدنيا.. والأيام الصعبة ما زالت قادمة

وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم السبت، "كلام الرئيس مهم ولا بد أن ننتقل إلى المرحلة التالية مفيش بلد في العالم شغالة بالقطاع العام خصوصا لو فيه دولة فيها مشاكل وأزمات والرئيس وصل إلى هذه القناعة والرئيس يقول من جد وجد ومن زرع حصد".

تساؤلات من عمرو أديب 

وأضاف متسائلًا "ليه مصر متبقاش مثل أي دولة في العالم، وإحنا بنشوف ازاي أي بيسافر برة بيشتغل ازاي هو هو ولما بيشتغل في مصر ازاي، دلوقتي انا عايز اتعين في الحكومة شوفلي واسطة وياريت في الكهرباء والبترول ولو مكنش يقول شوفلنا في التعليم".

وتابع "لان هي دي الابعدية تروح متروحش تشتغل متشتغلش تعيش في التكية وعندك معاش وتأمين صحي وجنب ده تروح تشتغل في القطاع الخاص، بس يبقى أنت أمنت نفسك في الابعدية اللي الدولة قاعدة تصرف فيها وتخسر وانا مش عايز اقول نماذج تضايق حد".

وتساءل "هل فيه حد في مصر عنه قناعة أن هذه القطاعات والطريقة في التوظيف والتعليم اللي بنعمله يطلعوا يعملوا نفس الحاجة اتعمل تطوير عظيم في المدارس الفنية ومن يشرف عليها الصناع الكبار بتوع القطاع الخاص، وفيه مصانع بتخسر وفيه ناس بتقبض من غير ما تشتغل".

المصدر: بوابة الفجر