غدًا.. فريق شارموفرز فى ضيافة "صاحبة السعادة" مع إسعاد يونس
تاريخ النشر: 7th, January 2024 GMT
تستضيف الفنانة والإعلامية إسعاد يونس، غدا الإثنين، فريق "شارموفرز" في برنامجها "صاحبة السعادة"، المذاع عبر شاشة dmc.
ويحتفل فريق "شارموفرز" خلال الحلقة بمرور 11 عاما على بداية الفريق، ويتحدثون عن رحلتهم الفنية خلال تلك الأعوام، كما يقدمونمجموعة من أغانيهم بطريقة الأوركسترا لأول مرة.
طرح فريق شارموفرز، عبر قناتهم الرسمية بموقع يوتيوب، والمنصات الموسيقية المختلفة، أغنية جديدة بعنوان "هل ؟"،دعما للقضية الفلسطينية، وهى من كلمات محمد الشافعى، وألحان أحمد بهاء، وتوزيع محمد العرقان.
. ومن توزيع شركة"ديجيتال ساوند".
وقرر فريق شارموفرز طرح أغنية "هل ؟"، لتسليط الضوء على الكوارث الإنسانية التي تحدث على الأراضي الفلسطينية، وما يتعرض له أهالي قطاع غزة على يد جيش الاحتلال، وتضامنا من الفريق، وتعبيرا عن حزنهم، فى ظل استمرار الحرب، وبوتيرة قوية تحصد معها أرواح مئات الفلسطينيين يوميا..
وتقول كلمات أغنية "هل ؟":..
هل فيه طريقة .. للرجوع للحياة ؟
بعد الحقيقة .. وبعد اللي شوفناه
بعد انعدام الإنسانية .. والرجوع للجاهلية
والمشاهد المأساوية .. وكل اللي عيشناه
هل فيه طريقة .. نبتسم ونعيش
والناس هناك .. يومهم مايعديش
مع إننا نفس القضية .. وكلنا نفس الضحية
الفرق بينا خطوتين .. يعني المسافة ، مفيش
بعد استماع .. صوت الآهات
ع التليفونات .. رؤيا الوشوش المقهورين
جوه الشاشات
بعد ما عرفنا ألام .. وعيونا بطلت تنام
وحضرنا قَتل الأُمنيات
وشوفنا ناس بِقلوب حَجر .. عُمي النَظر
اخترعوا أسباب للسكات
مايهمهومش لا صوت صريخ.. ولا صوت عِياط
ويهمهم صوت ضحكهم ، وقت الحداد
هل فيه طريقة .. للرجوع للحياة
بعد سمع بُكا البنات ع الأمهات
وجع الأم وحزنها .. خوفها وكسرة قلبها
قلة حيلتها وضعفها .. واملها تحصل معجزات
هل فيه طريقة .. نبتسم ونعيش
والناس هناك .. يومهم مايعديش
مع اننا نفس القضية .. وكلنا نفس الضحية
والفرق بينا خطوتين .. يعني المسافة مفيش
بس احنا برضه مؤمنين بالله .. مين يهزم اللي ربه واقف معاه
المصدر: صدى البلد
كلمات دلالية: الاعلامية اسعاد يونس صاحبة السعادة فريق شارموفرز
إقرأ أيضاً:
تامر عاشور يكشف لـ "صاحبة السعادة" قصة حبه لـ زوجته الإعلامية نانسي نور.. ماذا قال
كشف النجم تامر عاشور، عن قصة حبه لـ زوجته الإعلامية نانسي نور، موضحًا أنه كان معجبا بها منذ سنوات قبل زواجهما.
وقال تامر عاشور، خلال لقائه مع الفنانة إسعاد يونس، في برنامجها صاحبة السعادة: كنت بشوف نانسي على التليفزيون ومكنش ليا أي علاقة بيها، وكنت بقول يا رب يعني الواحد ميتجوزش واحدة زي كده؟، والموضوع اتنسى بالسنين، ولما اتعرفنا على بعض عدى شهور واتقدمت لوالدها وهو صعب جدًا وكان بيختبرني، وبعدين اتفقنا وعملنا كتب الكتاب، يعني ده أصلًا مكنش فرح ده كان كتب كتاب، ولكن من كتر الناس اللي حضرت افتكروه فرح.
وتابع تامر عاشور: فيه ميزة في نانسي لذيذة جدًا أنها سهلة، كلامها سهل وتصرفاتها سهلة ومعندهاش تكليف وهي بتتكلم، وهي بسيطة وده بيخليني على راحتي، إحنا خلصنا الفرح وبعدين سافرنا ومحستش إن فيه وقت لازم نقعده علشان ناخد على بعض، أنا حسيت أنها مني وحاسس أني أعرفها بقالي فترة كبيرة، وهي السبب في ده لأنها لينة وحتى لما تزعل أو لو ألفت زعل زي الستات ما متألف الزعل، لو جتلها النوبة دي بتبقى لذيذة جدًا وسهلة التفاهم.
وأكمل تامر عاشور: بتوفرلي دايمًا الوقت اللي يخليني أعرف ألحن وأقعد مع صحابي وأهلي، ربنا يباركلها ويخليها، وأغنية خليني في حضنك أهدتها ليها وقت الفرح ولغاية دلوقتي تخصها.
طالب يطعن زميلة بسلاح أبيض بعد امتحانات الدبلومات في الفيوم