صاحبتنا كل ما الدعم السريع يسيطر علي منطقة تنزح منها لمنطقة مسيطر عليها الجيش
تاريخ النشر: 21st, March 2024 GMT
عندنا واحدة صحبتنا قالت هي محايدة وما فارق معاها ينتصر منو والطرفين وااااحد و الجيش زاتو ميلشيات كيزانية وهراء من هذا القبيل .. الغريب انو صحبتنا دي كل ما الدعم السريع يسيطر علي منطقة تنزح منها لمنطقة مسيطر عليها الجيش ???? الاغرب بقي انها اليومين ديل داقة جرس في انو الجيش مركز علي امدرمان واتأخر في تحرير بحري وهي عايزة ترجع بيتهم خلاص فترت !! ????????????
الواحد يحسسك انو دي مباراة كورة في دوري الدرجة الثالثة في المكسيك !!! ياخ دي حرب مهددة لوجودك ولمستقبلك تبقي فيها محايد كيفن بس ؟ انا ممكن افهم انك عايز الحرب تقيف لكن اصلو ما ممكن افهم تكون محايد في حرب زي دي !
وزي ما قال مارتن لوثر كينغ ( اسوأ مكان في الجحيم محجوز لهولاء الذين يبقون علي الحياد في اوقات المعارك الاخلاقية العظيمة )
Suzy Khalil
.المصدر: موقع النيلين
إقرأ أيضاً:
يوم يقنعو من الدعم السريع حيعملو ليك فتنة جديدة
القحاته شايلين الصورة دي ولافيين بيها
وانو يا بلابسة دي نهاية البلبسة و ما يغشوكم ووووو ولا للحرب
وكلامهم لا شك فيهو تغيير للحقائق ولعب بالمصطلحات
جون قرنق ده شخص مجرم حقود عميل بدرجة الامتياز يخدم الأجندة الصه..يونية
حارب الدولة السودانية من السبعينات و ارتكب عدة مجازر تجاه المدنيين والعزل و تعاون مع بعض دول الجوار لإسقاط الدولة السودانية
منذ عهد نميري وحرب الجنوب دي للما عارفين بدأت من الخمسينات ما عملوها الكيزان
لكن جون قرنق ده لمع اسمه تقريبا في عهد نميري
حاولت الحكومة السودانية على مختلف العقود انو يقعدو معاهو في طاولة السلام لكن كان رافض ومغتر بقوته وما يجد من دعم دولي و إقليمي و عطل النهضة في السودان لعشرات السنين
لمن جاءت ٨٩ الزول ده كان قاب قوسين انو يسقط السودان كلو وكان على تخوم كوستي وكانت الدولة تمر بأسوأ حالاتها
حتى جاء إنقلاب البشير وتغيرت الموازين
واستطاعوا أن يعيدوا للجيش هيبته وقوته وما مرت فترة يسيرة حتى تم دحر الحركة الشعبية إلى توريت
ولما أيقن جون قرنق و المجتمع الدولي بعدم قدرته على القضاء على الدولة السودانية جاء وجلس في طاولة التفاوض والسلام
فالسلام ده ما جاء عشان هو حمامة سلام أو كما يشاع لكن جاء بقوة السلاح
وعشان تعرف التربص بالسودان ما أن بدت ملامح نهاية الحرب في الجنوب ولعوا ليك دارفور
والقضية ما قضية كيزان و لا لا
ياهو حسي الجنوب انفصل والكيزان مشوا وما زالت الحروب قائمة في الجنوب و في السودان
لأن العدو لا يريد استقرار لهذه المنطقة
والليلة يوم يقنعو من الدعم السريع حيعملو ليك فتنة جديدة
وببقى الحل الوحيد لاستقرار السودان هو الوعي بحقيقة المؤامرة علينا
تبا للقحاطه تبا لهم تبا لهم
مصطفى ميرغني
مراسل تلفزيون فلسطين يتعرض لحادث دهس خلال بث مباشر (شاهد)