شهرين بدون نادي.. نجم الزمالك يوجه رسالة صادمة بعد فسخ عقده مع الزمالك

وجة محمد طارق لاعب الزمالك رسالة مؤثرة بعد فسخ تعاقدة مع النادي وغلق باب القيد .

و كتب محمد طارق عبر خاصية الاستوري عبر انستجرام: بعد إغلاق القيد عاوز أقول كلمتين أولا بلاش تتخدعو في الناس والواحد مكنش محتاج حاجة من حد غير شويه احترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين بدون نادي.

 

وأضاف: لكن تعالو نعكسها كده لو أنا لاعيب وسبت النادي بتاعي وهو محتاجتي اوي وروحت نادي تاني علشان فلوس أو غيرو الناس والجمهور بيقلبو الدنيا أما لما النادي إلى اتربيت فيه ولعبت وكسبت معاه بطولات وجزء ولو صغير من النادي وابن النادي وأكون راجع من اولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك.

 

وتابع: على فكره معنديش مانع تفسخ معايا عادي جدًا هي ديه الكورة وده جزء من الاحتراف لاكن انتو لا ترتقو انكو تكونو مسؤولين في نادي كبير ولا تعرفو يعني ايه احترام للاعب الصغير قبل الكبير عكس أي نادي تاني.

 

وأستكمل : لكن الجمهور واللاعبين أحب اشكرهم على كل يوم قضيتو داخل النادي وبحبكو جدا وشكرا على كل الحلو إلى عشتو والبطولات إلى خدناها سوا وأسف لو قصرت في يوم من الأيام.

المصدر: صدى البلد