لما نعوزك هنطلبك.. حازم إمام يكشف تفاصيل أزمة ميدو والزمالك ويوجه رسائل نارية
تاريخ النشر: 27th, August 2023 GMT
طالب حازم إمام نائب رئيس قطاع الناشئين في نادي الزمالك بعدم التفريط في نجوم القلعة البيضاء وفى مقدمتهم أحمد سيد زيزو وأحمد فتوح ومحمود عبد الرازق شيكابالا.
وكشف حازم إمام نائب رئيس قطاع الناشئين في نادي الزمالك عن كواليس صادمة بشأن الأزمات التى واجهت القلعة البيضاء خلال الفترة الأخيرة.
صدى البلد يستعرض أبرز التصريحات النارية التي أطلقها حازم إمام نائب رئيس قطاع الناشئين في نادي الزمالك.
أكد حازم إمام نائب رئيس قطاع الناشئين بنادي الزمالك في تصريحات تليفزيونية أنه وجه رسالة الي نجوم الفارس الأبيض وقال:
بقول لزمايلي في الفريق الأول إحنا عدينا حاجات أصعب من دي بكتير والسنة الجاية في فرصه نفرح الجمهور.
تابع حازم إمام نائب رئيس قطاع الناشئين في نادي الزمالك: التكاتف والقرب من بعض يخلينا نجيب بطولتين أو 3 ، العلاقات بينهم لازم تقرب من بعض مش تدريب وماتش وخلاص، إحنا كنا بنقعد مع بعض اكتر ما بنقعد في بيوتنا، لو عندكوا مشاكل انتوا حلوها مع بعضكوا.
أضاف حازم إمام نائب رئيس قطاع الناشئين في نادي الزمالك: أنا شايف ان الزمالك مينفعش يبقى مفرغه من اللاعبين وأنا مع قرار ان زيزو يبقى موجود وشيكابالا يبقى موجود وكل الاسماء الكبيره تفضل، مينفعش اجيب 15 صفقه وامشي القوام الاساسي، إحنا شوفنا الكلام ده السنه دي عقبال ما لمينا نفسنا كانت البطولات كلها ضاعت.
استطرد حازم إمام نائب رئيس قطاع الناشئين في نادي الزمالك: فتوح من أبناء النادي وأنا شايف انه احسن باك ليفت في افريقيا، الزمالك اللي عمل فتوح وزيزو وشيكابالا وعملنا كلنا، لازم تشيل جميل النادي فوق دماغك وانا عارف انه هيقدر ده ، اتمنى يفضل فالنادي باذن الله
وزاد : احنا من صغرنا في نادي الزمالك ودورنا دلوقتي إننا نقف جنب النادي في الظروف الصعبه اللي بيمر بيها.
أكمل: الفرق كلها كانت طلعت معسكرات وإحنا لا، كابتن ميدو بجهود ذاتيه قدر يوفر لينا معسكر في الإسماعيلية وعدم وجود معسكرات قبل كده كان بيأثر علينا في بداية الدوري وكان عندنا أمل أن الراجل السويسري يجي القطاع ونستفيد منه ولكن محصلش نصيب قدر الله وماشاء فعل
وقال حازم إمام نائب رئيس قطاع الناشئين في نادي الزمالك: احنا مستفيدين بصورة كبيرة جدا من كابتن ميدو لانه بيعمل محاضرات مستمره وشغل على أعلي مستوى مكنش بيحصل، أنا من شهر واحد اللي فات مكنتش بشوف المدربين غير فالتدريب أو الماتشات دلوقتي بييجوا وكابتن ميدو بيدي محاضرات، هو كان نفسه الراجل السويسري يعمل كده ولكن هو تطوع يعمله.
وقال حازم إمام نائب رئيس قطاع الناشئين في نادي الزمالك أيضا: إحنا كنا محتاجين تدعيمات شويه وهنشوف مصطفى محمد تاني وميدو تاني بس بشويه تدعيمات وميدو حاول أن يتدخل أكثر في الامور بالحديث مع مسئولين الزمالك عن امتلاكه افكار كويسة للفريق ويريد أن يعرضهم عليهم، لكنه اتصدم لما اتقاله لما نعوزك هنطلبك.
شدد على أن التواصل مع أوسوريو سهل لأن عبد الواحد السيد كان معانا قبل ما ينضم ليه ومدرب الزمالك الكولومبي مهتم بالناشئين وبيتابعهم وبيتفرج على ماتشاتهم.
واختتم حديثه قائلا: فرق 2003 و 2005 مكنوش بيلعبوا في نادي الزمالك، لان الاشتراطات أن الملعب يبقى نجيل طبيعي وده مش متوفر في الزمالك ولكن بعد ضغط من كابتن ميدو وكابتن اسماعيل يوسف السنه دي هنلعب على ملعب حلمي زامورا بإذن الله.
المصدر: صدى البلد
كلمات دلالية: الزمالك حازم امام زيزو فتوح شيكابالا ميدو
إقرأ أيضاً:
نائب رئيس الزمالك: لن نقبل ببديل لأرض أكتوبر وسنلجأ للرئيس السيسي
أكد هشام نصر، نائب رئيس نادي الزمالك، أن الأزمة الحالية المتعلقة بأرض النادي ليست مجرد خلاف حول قطعة أرض كما يعتقد البعض، بل هي أكبر بكثير وتمس مستقبل النادي واستقراره المالي والإداري.
وقال نصر، خلال مداخلة هاتفية ببرنامج الحكاية المذاع على قناة MBC مصر ويقدمه الإعلامي عمرو أديب، إن الرسالة التي يوجهها اليوم صادرة عن مجلس إدارة الزمالك وجماهيره، موضحًا أن الحلول المطروحة، وعلى رأسها نقل النادي لأرض بديلة في أكتوبر، قد لا تكون مناسبة.
وأضاف: "المشكلة اللي هتحصل إنه بناءً على الموافقات اللي خدناها بدأ يبقى عندنا ديون والتزامات مع مقاولين ومستثمرين في الأرض الحالية… هل لو نقلتني لأرض جديدة هتبقى بنفس المستوى؟ أكيد لأ، وإحنا أصلاً رافضين الفكرة".
وأوضح نائب رئيس الزمالك أن النادي يقف أمام أزمة مالية وإدارية ضخمة، مشيرًا إلى أن عدم حصول الزمالك على الأرض سيجبر الإدارة على اللجوء للرئيس عبد الفتاح السيسي، لأن الأمر أصبح مرتبطًا بـ"مستقبل 50 مليون زملكاوي".
وتابع: "يا جماعة الموضوع مش أرض.. لو نادي الزمالك ما وقفش على رجله ويسدد ديونه الوضع هيبقى صعب جدًا ليه منتظرين؟ ليه الدولة عاوزة تاخد الأرض وتدينا أرض جديدة؟".
القضاء والوزارات المعنية
وأكد نصر أن مجلس الإدارة لجأ إلى القضاء وجميع الوزارات المعنية، لكنه يرى أن هناك "تقارير غير مكتملة" وصلت بشأن وضع الأرض الحالية، وهو ما أدى إلى تفاقم الأزمة.
واختتم قائلًا: “الموضوع أكبر من أرض.. إحنا عندنا مشكلة كبيرة جدًا، وبنناشد الرئيس تشكيل لجنة من المجلس لمناقشة الأمر والوصول لحل يحفظ حقوق النادي”.
عبد الرؤوف يجتمع بلاعبي الزمالك استعدادًا لمواجهة حرس الحدود