حلقت شعرها زيرو.. مروة صبرى: أسما شريف منير مستفزة ووالدها أهان الجمهور
تاريخ النشر: 20th, September 2023 GMT
كشفت الإعلامية مروة صبرى عن رأيها فيما فعلته أسما شريف منير بعد ما أثارت حالة من الجدل عبر السوشيال ميديا بعد أن حلقت شعرها على الزيرو.
وقالت مروة صبرى، فى ندوة “صدى البلد”: "أزمة أسما شريف منير والتى فسرها البعض أنه هجوم عليها من جانب ولكنه وجهة نظرى، أولا هى بلوجر وفنانة ولا بنت شريف منير، حقيقة الأمر هى بنت شريف منير وقامت بحلق شعرها على السوسيال ميديا وكان هذا سببا فى إثارة الجدل، خاصة عندما قالت "متعملوش زيي أنا مكتئبة وشعرى بيقع من الصبغة"، وهذا ظهر مع حفل مهرجان القاهرة للدراما فى العلمين وكانت حريصة على تسجيلها مع القنوات الفضائية من أجل أن تصبح تريند، وتكلمت عن سبب قص شعرها وأنها معجبة به كذلك".
وأضافت مروة صبرى: “إزاى شعرها بيقع من الصبغى ورايحة تصبغه أصفر بعد ما حلقته، أمر فى قمة الاستفزاز وتسببت فى هجوم الناس على شريف منير والدها النجم الكبير”.
وأوضحت مروة صبرى: “المدهش والمفاجئ بالنسبة لى أن شريف منير يطلع فى فيديو بياكل وبيستهزأ بالجمهور ويدعم ابنته وبيقول لها برافو عليكى التريند”.
وتابعت: “أمر فى قمة الاستهزاء ويهين الجمهور بهذا الكلام، ومن المفروض أن يحترم عقلية المشاهد، خاصة أنك قبلت ظهور ابنتك للجمهور بهذا الشكل، ولذلك أصبح حياتها على المشاعر، ومن حق الجمهور أن يعلق سواء بالسلب أو بالإيجاب”.
مروة صبرىوعلقت الإعلامية مروة صبري، على الانتقادات التي تعرضت لها الفنانة داليا شوقي، بسبب أحد مشاهد مسلسل “سفاح الجيزة”.
وقالت مروة صبري، خلال برنامجها "قعدة ستات"، المذاع على شاشة "القاهرة اليوم": "الناس انتقدتها بشكل يجرح بسبب مشهد، وقعدت تقولها أنتِ مشلولة بتكلمي كده ليه وإيه الريأكشنات دي، في كل عمل يا جماعة في شخص مسئول عن ردود أفعال الفنان وده غير المخرج، بيقولها تعمل إيه ومتعملشإيهه".
وتابعت مروة صبري: “قولولها نقد بس بشكل لطيف، متجرحوهاش، انتوا كده بتدبحوها يا جماعة، واحد يقولها هو ده تمثيل، الناس اللي بتمثل بتتعب وتشقى يا جماعة والمشهد اللي بتشوفوه على الشاشة دقيقة”.
ونوهت بأن التدريب على هذه الأدوار ليس سهلا، معقبة: “بتكتبوا روحي اعتزلي أو ملكيش في التمثيل، ميصحش نمحي شغل كامل لمجرد مشهد معجبكمش، متعرفوش ده بيأثر على نفسية الشخص ازاي”.
برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
المصدر: صدى البلد
كلمات دلالية: أسما شريف منير شريف منير مروة صبري الفنان شريف منير شریف منیر مروة صبری
إقرأ أيضاً:
«عايزة أتجوز وأتستر».. أول تعليق لـ أسما شريف منير بعد احتفالها بزواجها
تصدرت الإعلامية أسما شريف منير، مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، وذلك بعدما لفتت الأنظار إليها أمس الجمعة باحتفالها بزفافها من مدرب الرقص الشهير أحمد الشامي.
وفي هذا السياق، كشفت أسما شريف منير، عبر حسابها الرسمي بموقع تداول الصور والفيديوهات «إنستجرام» لقطات من احتفالها بزفافها في أجواء عائلية، والتي ظهرت خلالها بإطلالة بسيطة ومميزة، حيث اختارت فستان من الستان الفاخر دون إضافات، مع تسريحة شعر مسترسل.
وعلقت أسما شريف منير، على احتفالها بزفافها، قائلة: «أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير قوي اتعلمتها، تجارب دخلت فيها، اختيارات وصلت لها».
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
كما أضافت أسما: «حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود».
وتابعت أسما: «قعدت فترة كبيرة جداً بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا».
وأضافت: «حاولت إني أدعي ربنا كتير قوي إنه يقف جنبي ويختار لي، وكنت دايماً بقول: يا رب اختار لي ولا تخيرني. وكنت مركزة جداً في موضوع إني أتعامل بالتوكل، وتوكلت على ربنا تماماً تماماً في القرار ده».
وتابعت ابنة شريف منير: «تعاملت على إنه هو اللي هيجوزني وهو اللي هيقول لي أعمل إيه. قلت له: سهل لي الطرق المعينة اللي أنت عايزني أعملها. أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض».
وأردفت: «كلمت مع ربنا كتير لحد ما جه وقت صدقت جداً وكان عندي يقين غير عادي إن ربنا هيحقق لي الحاجة دي، لأني كنت عديت بفترة تعب كبيرة قوي نفسي علشان أقدر أتخطى ده. كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح».
وأشارت أسما: «ده اللي حصل، عمري ما كنت أتخيل إني هتعرف على أحمد إزاي ولا إن إحنا لما تعرفنا على بعض إن إحنا كنا هنتجوز أصلاً أو أي حاجة، وحتى أنا بيني وبين نفسي، عشان كان عندي يقين، كنت عارفة إني هتجوز».
وتابعت: «كنت قايلة إن أنا هتجوز في تاريخ معين يوم 25-5-5، كنت خلاص بقول للناس كلها إن ده يوم فرحي وإن أنا هتجوز اليوم ده، وأصلاً مكانش فيه حد في حياتي خالص، من كتر يقيني إن ربنا هيبعت لي حد وإنه هيرزقني بالزواج الصالح اللي يريح قلبي ويعوضني ويحسسني بالأمان وبالاحترام وبالاحتواء».
واختتمت: «اللي شدني في أحمد إنه قريب من ربنا و بيغيرش الحقايق، وعارف مسؤولياته تجاه ربنا و عيلته، وعارف معاملاته تجاه ربنا عاملة إزاي، فلقيت الشخص اللي ممكن يبقى بيعامل الناس وجواه سالك، جواه إيمان، ده حد تقدر تثق فيه وتحس إنه تقدر تبني معاه حياة وإنت متطمن، أكيد بنتضايق ونزعل من بعض، احنا الاتنين فينا عيوب وكل حاجة زي كل البشر، بس فكرة إن الاختيار نفسه ربنا وفقني فيه و سهلها من عنده، يا رب يبقي خير، لحد ما أموت يبقى هو في حياتي».
اقرأ أيضا:
أسما شريف منير تحذف جميع صورها على مواقع التواصل الاجتماعي.. ما السبب؟
«موهبة بشكل فريد ».. أسما شريف منير توجه رسالة لـ شيرين عبد الوهاب
أسما شريف منير تكشف عن 38 شيئا تعلمته من تجارب الحياة
إجلاء جوي عاجل ينقذ حاجًا عراقيًا من أزمة قلبية حادة