أحمد حلمي: "حاسس بالعجز من يوم 7 أكتوبر.. وسناء منصور ضهرنا"
تاريخ النشر: 17th, November 2023 GMT
حل النجم أحمد حلمي في ضيافة الإعلامي محمود سعد، في برنامج “ SOLD OUT”، المذاع عبر شاشة CBC بعد إذاعة الحلقة عبر منصة watch it وكشف فيها عن أسرار في حياته الشخصية.
وصرح أحمد حلمي عن اسم عائلته ومعاناته معه بالإضافة لتوجه بالشكر للجمهور، قائلًا: “اسم العائلة عواد كنت بتذل به زمان ومكنتش بحب أقوله زمان.
أحمد حلمي عن أصعب لحظات حياته:"لحظة الحزن بتكرر كتير من يوم 7 أكتوبر"
وأردف أحمد حلمي قائلًا: “ أتمنى لحظ الفشل متجيش لأن لو وصلت دي بتكون النهاية ومشوار النجاح زي السلم والتعبان”، وعن أصعب اللحظات: “لحظة الحزن بتكرر كتير من يوم 7 أكتوبر دي لحظات عمري ما عشتها في حياتي، وحسيت بالعجز وأتمنى صمود الأشقاء ينتهي بالنصر”.
كما كشف أحمد حلمي عن جملة مؤمن بها: “نفسي أرجع أعيش الأيام اللي مكنتش فاهم حاجة دي لحظة حلوة وفي جملة مؤمن بها أنت تعيش في نعيم لأن متعرفش اللي أنا عارفه، لما تاخد بالك من نجاحك ممكن تفشل ولكن مركزش في النجاح عشان ماتفشلش، بتحس أنك حصلت على الدنيا لما بتوفق في عملك، وكتر القراءة بيعرفك حاجات ولازم عشان تفهم يكون عندك وجهة نظرك لكن الدنيا مستحيل تتفهم”.
أحمد حلمي يتحدث عن سناء منصور
كما تحدث أحمد حلمي عن سناء منصور، حيث قال: “هي ضهرنا مهما عملنا بنقولها منبى ماسبيرو، كان صعب أني أدخله وقابلت سناء منصور هناك وطلبت منها أشتغل في الإخراج ووافقت، وأشتغلت في برنامج أحلام العصافير مساعد مع صديقي محمد خلف للأطفال”.
وأختتم حلمي قائلًا: “مسكت الميكرفون واتكلمت مع الطفل نحو نص ساعة والمخرج صور كتجربة وعجبهم وسناء منصور طلبت تشوف الفيديو وضحكت جدًا وطلبت 30 حلقة من الفكرة دي، سناء منصور قالت لي محدش هيقدم البرنامج غيرك”.
المصدر: بوابة الفجر
كلمات دلالية: أحمد حلمى أبرز تصريحات أحمد حلمي برنامج sold out أحمد حلمی عن سناء منصور
إقرأ أيضاً:
السيسي للمستثمرين والوزراء: عايزين نحط إيدينا في إيد بعض
كتب- محمد عمارة:
وجه الرئيس عبدالفتاح السيسي، رسالة إلى الوزراء في حكومة الدكتور مصطفى مدبولي، والمستثمرين والقطاع الخاص، بضرورة التعاون والتكاتف لإنجاز الأعمال الخاصة بمشروع مستقبل مصر.
جاء ذلك، اليوم الأربعاء، على هامش افتتاح المرحلة الأولى من مشروع مدينة مستقبل مصر الصناعية.
وقال الرئيس السيسي: عايز أقولكم لما نيجي نقول فيه تخطيط، بكلم الحكومة والمستثمرين وكل من يقدر ينجح الفكرة، لما نيجي نقول عايزين ندخل الأرض دي زراعة، بتقابلنا تحديات، البنية الأساسية طاقة المفروض تبقى موجودة، وبنية تخدم على الزراعة، زي مدقات وطرق وحاجات كتير، لما أقول عايز أدخل 600 ألف فدان، لما تيجي تضيّع مني سنة، عشان مفيش تنسيق، عزيمتنا مكنتش كفاية، لما تضيع مني موسم زراعي، بتضيع مني سنة، الـ600 ألف فدان، متوسط دخل الفدان 50 ألف جنيه، يعني 30 مليار جنيه، يبقى انت ضيعت مني 30 مليار جنيه في السنة، نتيجة إنك زرعت متأخر، نتيجة أي أسباب أنا مش عارف، الزراعة بتحسن جودة الأرض، ثم الـ600 ألف فدان، هيشتغل فيهم كام؟ فرد على الفدان؟ الفريق عبدالمجيد بيقولي 3.. لأ خلينا نقول فرد، يعني 600 ألف إنسان، لو كل إنسان ورا منه أسرة، ابتدى يبقى له دخل مش هيقل عن 7 آلاف جنيه في الشهر، يعني فيه 600 ألف إنسان حرمتهم.
وأضاف السيسي: حد يقولي احنا قاعدين قعدة حلوة لزومه إيه الكلام ده! بقوله عشان وزير الكهرباء والري يحطوا إيديهم معايا بقوة، حتى المستثمرين، الأرض متاحة لكم، احنا قطعنا شوط كبير، لا انت محتاج توصل مية ولا كهرباء ولا تعمل طرق، حتى معدات الزراعة موجودة، يعني كل الموجود منكم تخدم الأرض، وعايزين القطاع الخاص يكون موجود على حجم المتاح.
وأوضح السيسي: لما نيجي نتكلم على مشروع، وفي الطاقة، الشغل كله مش هيمشي من غير منطقة، وممكن تكون الأرض خارج نطاق الشبكة، وبالتالي فيه شغل واستثمارات، يعني عشان تدخل الشبكة لـ2.2 مليون فدان، بيتكلم في فلوس كتير أوي، بقول للناس، وانت يا بهاء بتقول الطرح ده والمسار ده كويس، عشان أدخل 100 ألف فدان للزراعة الحقيقية، وإلا يبقى اللي قبلنا عمل، لأ عشان تعمل 100 ألف فدان، الفدان محتاج 200 و300 ألف جنيه ده على فرضية إن الكهرباء موجودة.
وأكمل الرئيس السيسي: أنا عايز أقولكم عشان ده يطلع الحكومة والدولة بتبذل جهد كبير جدا، عشان تطلع هذا الأمر، هقولكم أنا بس عشان بعمل بنية أساسية مركزية، لو قولتلك خش انت اعمل، هتعمل 5 أو 10 آلاف فدان، والكهرباء هتدخل أو لأ، قولنا نعمل عمل مؤسسي من الدولة، ثم نتيحه للقطاع الخاص، عايز تشتري أو تأجر أهلا وسهلا.
وتابع الرئيس: أنا حبيت أقول النقطة دي، عشان كل ما هندخل أرض زراعية، الناس مبتشوفش، مش عشان هي مش عايزة تشوف، بس فيه تفاصيل وجهد عشان المشروع يخرج ويشتغل، لما نيجي نقول عايزين بفضل الله، 500 ألف فدان بتوع سيناء، يخشوا في الخدمة، يبقى محافظ شمال سيناء وبورسعيد والإسماعيلية والتنمية المحلية والزراعة والري، يبقى لما تدخل الـ500 ألف فدان السنادي، مش السنة الجاية، تخيل تدخل 500 ألف فدان، يبقى 500 ألف أسرة، يبقى الكهرباء والسكة الحديد اللي بيعملها كامل الوزير، وهتوصل للعريش وطابا، بقى لها قيمة، كان لازم أتدخل، انت قلت يا بهاء في سبتمبر اللي جاي هتدخل 800 ألف فدان، إن شاء الله هنشوفهم، أنا عارف إن فيه بنية أساسية المفروض تخلص في شهر 6، أرجو نحط إيدينا في إيدين بعض، عشان الأراضي تكون جاهزة في شهر أغسطس.
لمعرفة حالة الطقس الآن اضغط هنا
لمعرفة أسعار العملات لحظة بلحظة اضغط هنا
الرئيس عبدالفتاح السيسي السيسي المستثمرين الدكتور مصطفى مدبوليتابع صفحتنا على أخبار جوجل
تابع صفحتنا على فيسبوك
تابع صفحتنا على يوتيوب
فيديو قد يعجبك:
الأخبار المتعلقةإعلان
إعلان
السيسي للمستثمرين والوزراء: "عايزين نحط إيدينا في إيد بعض"
روابط سريعة
أخبار اقتصاد رياضة لايف ستايل أخبار البنوك فنون سيارات إسلامياتعن مصراوي
اتصل بنا احجز اعلانك سياسة الخصوصيةمواقعنا الأخرى
©جميع الحقوق محفوظة لدى شركة جيميناي ميديا
القاهرة - مصر
27 14 الرطوبة: 17% الرياح: شمال شرق المزيد أخبار أخبار الرئيسية أخبار مصر أخبار العرب والعالم حوادث المحافظات أخبار التعليم مقالات فيديوهات إخبارية أخبار BBC وظائف اقتصاد أسعار الذهب أخبار التعليم فيديوهات تعليمية رياضة رياضة الرئيسية مواعيد ونتائج المباريات رياضة محلية كرة نسائية مصراوي ستوري رياضة عربية وعالمية فانتازي لايف ستايل لايف ستايل الرئيسية علاقات الموضة و الجمال مطبخ مصراوي نصائح طبية الحمل والأمومة الرجل سفر وسياحة أخبار البنوك فنون وثقافة فنون الرئيسية فيديوهات فنية موسيقى مسرح وتليفزيون سينما زووم أجنبي حكايات الناس ملفات Cross Media مؤشر مصراوي منوعات عقارات فيديوهات صور وفيديوهات الرئيسية مصراوي TV صور وألبومات فيديوهات إخبارية صور وفيديوهات سيارات صور وفيديوهات فنية صور وفيديوهات رياضية صور وفيديوهات منوعات صور وفيديوهات إسلامية صور وفيديوهات وصفات سيارات سيارات رئيسية أخبار السيارات ألبوم صور فيديوهات سيارات سباقات نصائح علوم وتكنولوجيا تبرعات إسلاميات إسلاميات رئيسية ليطمئن قلبك فتاوى مقالات السيرة النبوية القرآن الكريم أخرى قصص وعبر فيديوهات إسلامية مواقيت الصلاة أرشيف مصراوي إتصل بنا سياسة الخصوصية إحجز إعلانك
مصر .. هزة أرضية يشعر بها سكان القاهرة الكبرى