خلونا نقول إنو البرهان خائن و جبان و عميل .. فاذا ده حقيقي يبقى العطا و كباشي برضو خونة و جبناء و عملاء لانهم شايفين الخائن و ما ربطوهو بالحبل و اذا قلنا انهم شركاء للبرهان يبقى بقية هيئة القيادة برضو خونة و عملاء و جبناء لانو مافي راجل فيهم بيقدر يحسم الفوضى و الخيانة .. فبالتالي يا كائن لامن تطلع تقول لينا البرهان خائن و عميل و جبان فانت كده ما بتتهم البرهان بس .
كل واحد عاطل ماسك ليهو تلفون عايز يكلمنا عن خيانة البرهان .. جداد فاخر و غبي .. كل شوية طالع لايفاتي يكلمنا عن خيانة البرهان البيعرفها هو و جماعته لكن العطا و كباشي و قادة الاستخبارات و هيئة القيادة ما عندهم علم .. المعلومات دي موجودة بس عند الناشط و خالو الشغال في الجيش .
ديل معظمهم بتدورهم غرف إلكترونية بيطلعوا في وقت واحد يكلمونا عن إنو البرهان خائن .. دي غرف شغالة بي فن و هندسة .. بيهندسوا الشعب السوداني بي ذكاء .. ديل اخطر من الجداد البيكتب و يقول ( في حاويات دخلت الشمالية مفروض تتفتش ) او تلقاهو كاتب ( الحقوا قائد فرقة خشم القربة قبل ما يبيع ) .. ديل كلهم بيخدموا في أهداف و مخططات ادارة الحرب النفسية في جهاز استخبارات المليشيا بي علم او بدون علم .. عايزين يدمروا نفسيات الجنود و الضباط و بقية الشعب السوداني .
لو انت مؤمن بالله مفترض نفسيتك ما تتأثر و لو انت عسكري راضع لوحك و سافي تراب ميدانك بالجد ما مفترض تتأثر نفسيتك ابدا” .. الحرب النفسية اخطر سلاح في العالم بعد النووي .. انت كمواطن مؤمن بالله و واقف خلف قواتك المسلحة يبقى تدعمها لحدي آخر نفس لآخر عسكري فيها .. المساندة الحقيقية بتكون وقت الشدة و وقت الهزائم .. مش في اوقات الرخاء و الانتصارات .. مفترض الحرب دي تكون علمت اي سوداني دروس عظيمة و اهم درس فيها هو ( الرجال مواقف ) .. انت كمواطن مفترض تكون الحرب دي علمتك إنو معادن الرجال ما بتظهر إلا في النار .. حاليا” إحنا في نار و جيشنا في نار و كل معدن اصبح مكشوف نوعه شنو .
حنظل ندعم و نساند قواتنا المسلحة حتى آخر نفس لآخر عسكري فيها مهما حدث او سيحدث .. البرهان ممكن يخون على كرتي و يخون القحاطة و يخون الدعامة لكن ما بخون الوطن و الجيش .. شوفو ليكم طلس غير كده .
نزار العقيلي
المصدر: موقع النيلين
إقرأ أيضاً:
"فيها إيه يعني" يتربع على عرش الإيرادات قبل عرضه على يانغو بلاي
واصل فيلم "فيها إيه يعني" تألقه في شباك التذاكر، محققًا نجاحًا جماهيريًا واسعًا بعد مرور عشرة أسابيع على طرحه في دور العرض، حيث تجاوزت إيراداته 90 مليون و400 ألف جنيه، قبل أن ينتقل غدًا الخميس إلى منصة يانغو بلاي الرقمية ليصل إلى جمهور أوسع.
الفيلم من بطولة النجم ماجد الكدواني، والنجمة غادة عادل، إلى جانب أسماء جلال، مصطفى غريب، ميمي جمال، وريتال عبد العزيز، وهو من إنتاج أحمد الجنايني وتامر مرسي، وتأليف مصطفى عباس، محمد أشرف، ووليد المغازي، وإخراج عمر رشدي حامد.
ويقدم العمل رؤية اجتماعية وإنسانية ضمن إطار رومانسي كوميدي، حيث يبرز فكرة أن الحب لا يعرف قيود العمر، فـصلاح وليلى يلتقيان صدفة بعد سنوات من الفراق، لتبدأ رحلة مليئة بالمشاعر، المفاجآت، والتقلبات غير المتوقعة، مؤكدًا مكانته بين أبرز الأعمال السينمائية لهذا الموسم.
عروض وطنية وثقافية.. مدينة الزينية تحتفل بالعيد القومي للأقصر