محمد سامي: "محمد رمضان متصنف فتوة الشعبيين زي فريد شوقي"
تاريخ النشر: 12th, March 2024 GMT
علق المخرج محمد سامي على نجاحه الدائم مع الفنان محمد رمضان وسبب حبه له والعمل معه.
وقال سامي خلال استضافته ببرنامج "اسرار" مع الاعلامية اميرة بدر، المذاع على قناة النهار: "محمد رمضان ممثل مهم وموهبة مهمة، ولكن مهما كان فهو في احتياج لفريق عمل قوي حواليه ومخرج قوي، هو عنده كاريزما لكن مش مسئول عن كل العناصر".
واضاف سامي: "اشتغلت مع غادة عبد الرازق والسقا وتامر حسني لكن شغل محمد رمضان كان نجاح استثنائي، وده بسبب ان كيميتنا راكبة أو ي مع بعض، وبنفهم بعض بالاشارة".
محمد ساميّ يتحدث عن محمد رمضان
واستطرد سامي قائلًا: "محمد رمضان طيب ومش بيفكر ينجح مع حد غيري عشان يثبت حاجة معينة لإنه مش بالشر ده، وهو نجم مبالغ في نجوميته وهو عارف إنه ناجح دايمًا".
وأضاف سامي قائلًا: "محمد رمضان متصنف فتوة الشعبيين لان فريد شوقي فضل كده طول عمره، وانا ضد تغيير جلد الفنانيين، لان احمد زكي فيه حاجات مصدقتوش فيها وانا اقل من اني اقيمه، لكن الاستاذ عادل امام هو الأنجح ع الاطلاق، وهو البهجة والانبساط ووظف نفسه حلو وعمل كل حاجة".
كما أضاف سامي عن عمل جزء تاني لجعفر العمدة قائلًا: "جعفر العمدة مالوش الا جزء، فكرة الجزء التاني فكرة المنتج محمد السعدي وكنا رافضينها انا ورمضان وكتبت منه ١٧ حلقة محبتوش، لأن ليه اعيد اجزاء وتكرار لما ممكن اعمل حاجة تاني وانجح بيها".
برنامج اسرار تقدمه الإعلامية أميرة بدر على شاشة النهار يوميًا في تمام الساعة التاسعة مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الفجر
كلمات دلالية: محمد سامي الفنان محمد رمضان الإعلامية أميرة بدر برنامج أسرار محمد رمضان
إقرأ أيضاً:
بيدينا مثل.. هيدي كرم تكشف موقفها من العمل مع محمد رمضان
كشفت الفنانة هيدي كرم موقفها من العمل مع الفنان محمد رمضان، وردت على انتقادات لقب «نمبر وان».
قالت هيدي كرم عبر لقائها في بودكاست وفيها إيه على قناة ستوري بالعربي: «أحب أشتغل معاه جدًا.. اللي ينكر نجومية وذكاء وإصرار وتطور محمد رمضان يبقى بيضحك على نفسه».
وتابعت: «أنا معنديش مشكلة مع محمد رمضان لا على المستوي الفني أو الشخصي، بشوفه شخص لطيف جدًا في الأماكن العامة وحبوب جدًا بيتصور مع كل الناس وباله طويل ابتسامته دايمًا عريضة وبيتعامل مع كل الناس في الشارع المصري بكل مستوياتهم بحب واحترام، فالحقيقة أنا شخصيًا معنديش مشاكل مع محمد رمضان هو نجم كبير وأي حد يتمنى يشتغل معاه».
واستكملت هيدي كرم: «ليه كل الناس اعتبرت أغنية نمبر وان أن محمد رمضان واخدها على نفسه!، ممكن أي حد يغنيها على نفسه ويقول إنه نمبر وان، هو عنده طريقة يقصدها وهي ذكاء منه فيها شوية استفزاز بس تمام، ولكن في الآخر ليه منعتبرش محمد رمضان مثال للنجاح اللي من تحت لفوق».
واختتمت: «ليه مشوار محمد رمضان منعتبرش أنه إلهام ليك إن كل شئ ممكن لو الواحد عنده الإصرار والعزيمة، ليه نشوف إن محمد رمضان بيستفزنا؟! ليه منشوفش إنه بيدينا مثل، وكل واحد يشوف الموضوع بنفسيته، وكل نجوم العالم الكبار مستفزين».
أعمال هيدي كرميذكر أن هيدي كرم عرض لها مؤخرا مسلسل "الوصفة السحرية"، الذي يشاركها في بطولته شيري عادل، بسمة داود، إسلام جمال، عمر الشناوي، كارولين عزمي، لقاء سويدان، سلوى محمد علي، وليد عبد الغني، رانيا منصور، محمد أبو داود، عماد رشاد، سلوى عثمان، والعمل من تأليف مصنع الحكايات لمؤسسها هاني سرحان، وفكرة مي سعيد، وإشراف على الكتابة دعاء عبد الوهاب، وسيناريو وحوار منة فوزي وإيرين يوسف ومي سعيد، وإخراج خيري سالم.
معركة هارفارد وضرب غزة بالنووي