"أنا مش بحبه أنا بعشقه".. ياسمين عبد العزيز تدخل في نوبة بكاء
تاريخ النشر: 7th, May 2024 GMT
تابع أحدث الأخبار عبر تطبيق
استضافت الإعلامية إسعاد يونس في برنامجها التليفزيوني "صاحبة السعادة"، الفنانة ياسمين عبدالعزيز، عبر قناة DMC، وكشفت خلال الحلقة تفاصيل انفصالها عن الفنان أحمد العوضي التي لم تتمالك دموعها وانهارت من البكاء وتعلق: "أنا بقيت رقيقة اوي، مكنتش كده والله".
وقالت ياسمين عبدالعزيز: "أنا مش بحب أحمد أنا بعشقه، لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأ هو الحب الحقيقي أحمد، وأنا عن نفسي عملت استخارة وروحت عملت عمرة ودعيت ربنا اللي رايده هيكون".
وتابعت: "وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير، وأنا عارفة أن أحمد بيحبني على فكرة، وهو عارف إني بحبه، وبعيدًا أن فيه سبب من الأسباب مينفعش نتكلم فيه ومش خيانة".
وأضافت عبدالعزيز: "عشان في ناس مؤذية كتير، ده في ناس موراهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقية اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني أيه حب، جواها كره محبوش ميعرفوش يعني ايه حب".
وأوضحت: "لما قعدوا يقولوا انتوا في السحور شوفتوا بعض وكل ده متركب احنا مشوفناش بعض في السحور، الفيديوهات اللي بتتعمل دي كل ده تركيب، هو كان موجود في وقت وأنا كنت موجودة في وقت احنا مشوفناش بعض أساسًا، وبتفرج على الفيديوهات دي بقول هو انا عملت كده يا جماعة ارحمونا بجد، وفي ناس كتيرة مصدقة إن إحنا شوفنا بعض".
المصدر: البوابة نيوز
كلمات دلالية: الفنانة ياسمين عبدالعزيز الفنان أحمد العوضى صاحبة السعادة اسعاد يونس
إقرأ أيضاً:
أحمد السقا يكشف لـ«نجوم إف.إم» عن أصعب مشاهد فيلم السرب
حلّ الفنان أحمد السقا ضيفًا على برنامج «أسرار النجوم» مع إنجي علي، اليوم الخميس، للحديث عن أحدث أعماله الفنية فيلم «السرب».
وكشف «السقا» عن سر اختفائه بعد مسلسل «الاختيار 3»، قائلا «بالعكس عملت مسلسل اسمه (حرب) 10 حلقات، وكان عندي مشروع فيلم لم يُطرح لظروف لا أعلمها، ثم قدمت بعدها مسلسلين (ولد الغلابة) ثم (نسل الأغراب) ثم (السرب)، الذي طرح مؤخرا وعامل رد فعل رائع».
وأضاف «كنت أذهب للسينمات، وسعدت جدا بوجود الشباب الصغير لمشاهدة فيلم السرب، وخارجين وهم يشعرون بالانتماء ويريدون دخول كلية القوات الجوية والحربية، وأنا شخص لست سياسيًا ولكني مستعد أموت عشان خاطر مصر، ولو قالوا لي تعالى على الجبهة حاليا سأكون أول واحد هناك، واللي يجي ناحية حبة رملة من تراب مصر أكله بأسناني».
أصعب مشاهد «السرب»وأضاف: «تحديت كل صناع العمل وقلت لهم إن (السرب) سينجح لأنه بُذل فيه مجهود كبير، والعمل كان فيه مشاهد صعبة كثيرة، وأنا بلعب دور شخص عميل مزدوج ويشتغل مع الخصوم ثم نكتشف إنه ذو إمكانيات خاصة، وتدربت على ضرب النار واشتغلت على نفسي جدا».
وتابع «فيه مشهد لتحرير الأسرى يتم خلاله إلقاء قنبلة لتحريرهم من مكان ما، لكنها انفجرت حولي والحمدلله خرجت منها سليم، وأيضا كان فيه مشهد لطائرة بتنزل من فوق رأسي ظللت بعدها لعدة أيام لا أسمع بأذني، أنا رجل بحب الأدرينالين في شغلي، والفيلم يوثق مرحلة مهمة في تاريخ مصر، وهي أول طلعة جوية نوعية خارج حدود مصر، وحقنا كمصريين رجع بجد، هو عمل للتاريخ مثل الرصاصة لا تزال في جيبي».
«السقا»: ضرورة تقديم بطولات الضباط في السينماوضرب «السقا» مثالا بأهمية تقديم صورة بطولات الضباط في السينما المصرية، موضحا: «مثلا بعد نجاح فيلم (تيمور وشفيقة) أحد المسؤولين أكد لي أنه وقتها حصلت أعلى نسبة تقديم في كلية الشرطة خلال هذه السنة».
وأعرب السقا عن رفضه لكلمات مثل التشخيص والتقمص للفنان، قائلا: «لا أؤمن بالتقمص في الفن، ولكن أؤمن بالسهل الممتنع في تقديم المشهد، مهم المخرج يوجهني ويعرفني ما يريده مني في المشهد وسأقدمه كما يريد، وأنا فيّا عيب وميزة، وأول واحد لفت نظري لهذا الأمر هو الأستاذ شريف عرفة، وقال لي إني ممكن يطلع مني 20 أداء في جملة واحدة بالمشهد وهو عيب يُحير المخرج لكي يختار المشهد المناسب ويضيفه في المونتاج النهائي لأن كلهم جيدين ومختلفين».