تعرف على أبرز تصريحات أورتيجا لبرنامج سبوت لايت
تاريخ النشر: 12th, August 2023 GMT
أكد الفنان أورتيجا أنه مازال غاضبًا من تصريحات الفنان عمرو مصطفى الأخيرة، واتهامه مطربي المهرجانات بسرقة الألحان.
وقال أورتيجا خلال لقائه مع الإعلامية شيرين سليمان ببرنامج "سبوت لايت" المذاع عبر قناة صدى البلد: "إحنا ناس فاهمين ودارسين وصناع مزيكا، وناس كبيرة في الوسط الفني بنعمل لها توزيع ولحن وكلمات وميكس وماستر، والأغاني بتحقق ملايين زي أغانيه".
وأضاف: "لو حد سرق منك أغنية ارفع عليه قضية واتكلم عنه، مش تقول كل الناس نجحت بالسرقة".
أورتيجا:عمرو مصطفى بينحت ألحان
وتابع: "كلها بتسرق، وحتى عمرو مصطفى بينحت ألحان، بيسمع لحن من حتة معينة ويكمل، وإحنا هارشين وفاهمين"
أورتيجا يكشف تفاصيل تعرض صفحاته للاختراق ومطالبته بمبلغ مالي ضخم
وقال: "مؤخرا في شوية مخترقين خربوا حياتي، وقفلوا قناتي على يوتيوب، وتيك توك وإنستجرام، وبدأت صفحات جديدة من الصفر".
واستكمل: "لما لقيت حياتي بتدمر لجأت للمتخصصين، ومعايا صور لناس طلبوا مني 4 آلاف دورلا علشان يفتحوا شغلي بعد ما قفلوه".
وواصل: "إحنا كنا مش عارفين حاجة عن حقوق الملكية، وقابلت واحد بالصدفة واعترف لي إنه كان بيحصل على فلوس علشان ينهيني".
أورتيجا:إحنا إتغفلنا، وعملنا نجاح كبير قبل ما تنتشر السوشيال ميديا
واختتم: "إحنا إتغفلنا، وعملنا نجاح كبير قبل ما تنتشر السوشيال ميديا، وعلشان إحنا ناس قديمة كنا متعودين ننزل الأغنية تنجح، مش فارق معانا رعاة وكل الكلام ده، لكن بدأت شغل على جميع المنصات".
المصدر: بوابة الفجر
كلمات دلالية: أورتيجا عمرو مصطفى صدى البلد
إقرأ أيضاً:
تامر فرج يهاجم حلقة الدحيح بشأن الحضارة المصرية.. إيه السبب ؟
هاجم الفنان تامر فرج، حلقة برنامج "الدحيح"، بشأن الحضارة المصرية القديمة .
وكتب تامر فرج، عبر حسابه على «فيس بوك»: "معنديش مشكلة مع أحمد الغندور ، لكن الشخص اللى بيكتب الحلقة فايحة منه ريحة العيال اللى بتستخف بالحضارة المصرية القديمة لصالح فكرة إحنا عرب ومش عارف ايه".
وأضاف : "أنا مع كل ما يجمع ولا يفرق ويفتت، إحنا بننتمى للثقافة العربية وبننتمي للديانة والمعتقدات الإسلامية وبننتمى للجغرافيا الأفريقية والأسيوية ، وبننتمى للفكر والرقي الفرانكوفوني، وبننتمى للمناخ المتوسطى وبننتمى للقوميه الشرق أوسطية - إحنا بنتجمع مع الناس كلها فيما يجمع ولا يفرق".
وأوضح: "لكن أولا وأخيرا نحن عرقية وحضارة مصرية أولا وأخيرا نحن مصريون أولا وأخيرا انتماءنا مصري مصري مصري".
وختم: "الحقيقة اللى مش عايز يفهمها المتشدقون بالانتماء للعرب وبيقولوا نحن أحفاد الصحابة الكرام عمر وعلي وأبو بكر ، والرسول عليه الصلاة والسلام خدوا التقيلة: العرب أنفسهم هم أحفاد اسماعيل عليه السلام وإسماعيل هو ابن هاجر المصرية!!!! يبقى اللى عايز ينتمى يبقى ينتمى لمصر وللمصريين".
"العالم الإسلامي" تثمّن توجيه خادم الحرمين بتوفير احتياجات حجاج إيران