يوسف الشريف ونيللي كريم يتحدثان عن تأثير الدراما في ندوة على هامش مهرجان الجونة
تاريخ النشر: 28th, October 2024 GMT
يعقد مهرجان الجونة السينمائي في دورته السابعة، ندوة حاليا تحت عنوان «تأثير الدراما على المجتمع»، بحضور يوسف الشريف، ونيللي كريم، كريم الشناوي.
يوسف الشريف يتحدث عن تأثير الفنوقال يوسف الشريف: «الفن مؤثر في الشعوب، الفن هو المهنة الأكثر تأثيرا في عقل الإنسان، وأنا بعمل مسلسل أو فيلم بفكر امتى هدخل عقل المشاهد وفي أي مشهد، زي لما اعمل رعب، بفكر امتى هرعب الجمهور، وفي أوروبا بيتسعينوا بعدة دكاترة، عشان يعرفوا امتى هيوصلوا لمشاعر الإنسان في أي مشهد وأي زاوية».
وتابع: «عمري ما هروح أقول عايز أعمل فيلم للتحرش، بس دا بيظهر عشان أوصل رسالة معينة، وأنا مش مع أي حد يشوف حاجة في مساسل أو فيلم ويروح يقلدها، وكان في فترة فيلم بأمريكا كان في حوادث كتير وضرب طلاب، ومقالوش إن الفيلم بيعمل بلطجة، في دراسة اتعملت قبل كدا جابوا أولياء أمور كتيرة يتفرجوا على مشاهد عنف كتير، وقالوا ليهم صنفوا عمر هذه المشاهد، والمفاجأة أول مرة اتفرجوا عليهم قالوا 18، بعد ثاني مرة قالوا 16 بعد كذا مرة قالوا 13، فدا بيقولنا إن التعود هو المؤثر في نشر الوعي».
وتابع: «مهمة الفن إنه يأثر طبعا، مثلًا لو فيه عمل بيأثر في الناس وفيه بلطجة هعمل إيه، هل هعمل مسلسل كله مواعظ، طبعا لا، الفكرة كلها هو تكرار نفس النوع بشكل مبالغ فيه، دا اللي ليه تأثير سلبي، جايز لو كل الأعمال فيها بلطجة هيبقى له تأثير سلبي بس أنت عندك كل الأعمال وكل التنوع».
نيللي كريم تتحدث عن مسلسل ذاتبدورها، قالت نيللي كريم إنَّ العمل الدرامي له تأثير كبير، أتذكر جيدا وأنا بعمل مسلسل بنت اسمها ذات، وكنا بنصوره فترة طويلة، وكان عندي مراحل عمرية مختلفة في العمل، وـنا بصور وبشتغل، وفي يوم لبست الشخصية وكنت بلبس حاجات تبين إني تخينة، وفي مرة وأنا ماشية لمحت مراية، لمحت حد تاني غيري ووقفت قولت هي مين دي. ورجعت الأوضة وقعدت عيطت، وجاتلي المخرجة ومديرة التصوير بيهدوني وأنا دخلت في مود اكتئاب ومكنتش عايزة أتصور، ودي كانت أول مرة أفركش في حياتي، وأول ما روحت لبستي لبسي عشان أتأكد إنه أنا».
واضافت: «وقت مسلسل سجن النسا، خرجت وقت تصوير العمل وقابلت مخرج صديقي قالي نيللي مالك، قولتله مفبش حاجة، وبعد فترة لما بصيت في الصورة اللي اتصورتها لقيت فعلا إني كنت ساعتها بشخصية غالية مش نيللي نهائي، ولازم بعد أي عمل أتخلص من كل ملابس الشخصية».
المصدر: الوطن
كلمات دلالية: مهرجان الجونة السينمائي نيللي كريم الفنانة نيللي كريم يوسف الشريف یوسف الشریف نیللی کریم
إقرأ أيضاً:
كندة علوش بطلة مسلسل ابن النصابة.. قريبا
أعلنت شركة الشركة المنتجة ، تحت قيادة المنتجة سالي والي، عن بدء تصوير أحداث المسلسل الأكشن كوميدي الجديد "ابن النصابة"، من إخراج أحمد عبد الوهاب، وبطولة النجمه كنده علوش ونخبة من النجوم الذين يجتمعون في عمل درامي مشوّق يحمل في طياته الكثير من الإثارة والرسائل الإنسانية العميقة.
تدور أحداث المسلسل حول رانيا، المحامية التي تنهار حياتها فجأة بعد اختفاء زوجها وتخليه عنها وعن ابنهما، لتتحول من امرأة مكسورة إلى شخصية قوية تسعى للانتقام وتحقيق العدالة.
وبمساعدة ابنها، بطل سباقات الدراجات، تخوض معركة ضد الرجال الذين تخلوا عن عائلاتهم، وتقاتل في الوقت ذاته لتأمين مستقبل أفضل لها ولابنها.
تؤدي النجمة كندة علوش دور البطولة باقتدار، ويشاركها في العمل كل من انتصار، حمزة دياب، معتز هشام، ياسمينا العبد، وحازم إيهاب، ليقدموا معًا تجربة درامية متميزة تمزج بين الواقع والأمل، القوة والانكسار.
"ابن النصابة" مسلسل يسلط الضوء على قضايا اجتماعية تمس كل بيت، ويُقدَّم برؤية إخراجية ودرامية جديدة تواكب تطلعات الجمهور العربي للدراما القوية والمختلفة.
نجل الشهيد خالد عبد العال: أبي بطل.. ولا نعرف سبب الحريق