أغنية "رياح الحياة" لـ حمزة نمرة تتصدر قائمة الأكثر استماعًا على أنغامي ويوتيوب
تاريخ النشر: 19th, August 2023 GMT
تصدرت أغنية «رياح الحياة» للمطرب حمزة نمرة قائمة الأغاني الأكثر استماعًا وتداولًا في مصر والوطن العربي عبر موقع «يوتيوب» ومنصات الموسيقي المختلفة.
وحقق حمزة نمرة نجاحًا كبيرًا برابع أغنيات الألبوم «رياح الحياة»، ووصلت الأغنية لـ 6 ونصف مليون مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.
أغنية رياح الحياة كلمات أغنية رياح الحياة
تهبي يا رياح الحياة دايما بما لا اشتهيه
واللي السنين مقدماه غير اللي قولت نفسي فيه
يلاقي قلبي فين دواه
واللي اذاه اقرب ما ليه دة جرح بيعلم
وصعب تسكن الالام واخرج من اللي فات سليم
وصعب لما اروح انام مفضلش اراجع القديم
طلع مكلف العلام
وخدت درس في الصميم ولسة بتعلم
ركز يا قلبي في اللي جاي والف شكر للي باع
ما صانش حتى بوق شاي سلام يا 300 وداع
واللي لقانا مايساعوش ف خانة الوداع تساع
مشاعرنا مش لعبة
ما تتشغلش باللي فات خليك يا قلبي في المفيد
كبر لاي ذكريات ركز وبس في الجديد
لازم تقسم الخانات بمين قريب ومين بعيد
الحسبة مش صعبة
فرحت م الساعات ساعات
ودوقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
واسئلة بلا اجابات حيرة ورا حيرة
حتى السعادة يوم ويوم حتى المحبة خد وهات
وكله كوم وكومي كوم زمن بيرمي افيهات
وزي عادتي اصوم اصوم
واسد جوعي ذكريات وافضها سيرة
اخرتها يا زمن عنيد كله سبق وانا الوحيد
اللي مشيت وراه سراب واللي بدات من جديد
الكل شاف اللي وراه
حاسبت انا ع المشاريب لوحدي كالعادة
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
اصبر لكل شيء ادان يا حظ ما تادن
ألبوم رايق
يقدم المطرب حمزة نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية يتم إطلاقها بشكل فردى بواقع أغنية جديدة في الأربعاء من كل أسبوع عبر المنصات الإلكترونية المختلفة على مدار موسم الصيف الحالي، وسيتم إصدار الأغاني بشكل كليبات مصورة أسبوعيًا، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».
ألبوم رايق
المصدر: بوابة الفجر
كلمات دلالية: أغنية رياح الحياة تتصدر تريند يوتيوب أغنية رياح الحياة كلمات أغنية رياح الحياة ألبوم رايق ریاح الحیاة حمزة نمرة
إقرأ أيضاً:
تامر حسني يطرح ثالث أغنية من ألبوم "لينا ميعاد" بعنوان "حبيبي تقلان"..تعرف على الكلمات
طرح نجم الجيل تامر حسني ثالث أغاني الألبوم الجديد "لينا ميعاد" بعنوان حبيبي تقلان بالمشاركة مع علي فتح الله الموزع المصري العالمي، والأغنية من كلمات وألحان تامر حسني.
لمسات جديدة في ألبوم لينا ميعاد
سبق وصرح تامر حسني عن التجديدات في الالبوم الجديد معلقًا:"حبايب قلبي الغاليين، الحمدلله مبسوط جدًا بردود أفعالكُم على أولى أغاني ألبوم لينا معاد، المقص وملكة جمال الكون، وإن شاء الله الباقي يعجبكم، اللي عايز أقوله إن ألبوم لينا معاد فيه أغاني متصورة بطريقة الكليبات المتعارف عليها، وأغاني صورتها بطريقة خاصة اعتبرتها تطور للـ Lyrics Video، بس بدل ما أكتب الكلام على صورة، صورت مود خاص شبه مود التراك اللي بقدمه …. بصوره في لوكيشن واحد أو ٢ بشكل مختلف عن الـ Music Video المتعارف عليه، بكون مركز على إبراز المود الموسيقي للتراك أكتر، وسميته
Mood Music Video
ولكن أيضًا له فكرة خاصة".
كلمات أغنية حبيبي تقلان
حبيبي تقلان ولا سائل فيا
بقاله أيام ما سألش عليا
من يومها ما جالي نوم
ولا بتغمض عينيا
ياخي اطمن عليا القسوة دي ليه
بصحى أكتبلك رسالة وأمسحها أوام
مش عارف أخدلي موقف طب ده إسمه كلام
طب إمتى هترضى عني ما أنا عايز أنام
والله حرام عملت أنا إيه
يخرب بيت اليوم اللي أنا حبيتك فيه
ده النوم طيَّرته من عيني
يا حبيب عيني ياللي الغلط منك مسموح
يخرب بيت اليوم اللي أنا حبيتك فيه
ده النوم طيَّرته من عيني
يا حبيب عيني ياللي الغلط منك مسموح
حقك طبعا تعيشها يا صاحب العيون
اللي بضعف قصادها وبنسى الكون
يا نقطة ضعفي إنت حنن عليا قلبك
لسه باعتلك إزّيك رد عليا السلام
على فكرة إنت اللي مزعلني يا مجنون
والمفروض تصالحني إزاي عليك بهون
بس أعمل إيه في قلبي اللي بيجي لحد عندك
يقلب عيل صغير ويرجع في الكلام
يخرب بيت اليوم اللي أنا حبيتك فيه
ده النوم طيَّرته من عيني
يا حبيب عيني ياللي الغلط منك مسموح
يخرب بيت اليوم اللي أنا حبيتك فيه
ده النوم طيَّرته من عيني
يا حبيب عيني ياللي الغلط منك مسموح.
موجة حر قياسية تضرب هذه الولايات اليوم!