أحمد سليمان: صفقة خوان ألفينا الأغلي في أخر 5 مواسم

كشف أحمد سليمان، عضو مجلس إدارة نادي الزمالك، إن هناك وجهة نظر للمدير الرياضي جون إدوارد، بشأن تدريبات الفريق خارج النادي.

أحمد سليمان: جون إدوارد لديه رؤية لفريق الكرة

وقال «سليمان» في تصريحات تليفزيونية: «تدريب فريق الكرة بنادي الزمالك خارج النادي، هي رؤية المدير الرياضي، ومحدش في الإدارة يقدر يقوله ليه؟، لأنه جاي مخصوص عشان يمشي فريق الكرة بنظام، فالإدارة مش هتقدر تتدخل وتقوله ليه بتعمل كده؟».

ورد عضو مجلس إدارة الزمالك على مقترح إهدار الأمور في إيجار الملاعب ومنحها للاعبين، طالما أن هناك أزمة مالية، قائلا: «هي دي رؤية جون إدوارد، ومحدش بيكلمه عشان ده شغله اللي جاي عشانه، عنده أفكار بينفذها وخطة شغال بيها».

وعن الأزمة التي يعاني منها الزمالك، وترديد البعض بأن النادي يموت، أوضح أحمد سليمان: « لا طبعا، الزمالك لن يموت، وشعبيته قد الأهلي في الخليج والعرب، والزمالك كبير وهيفضل كبير، المشكلة إن اللاعبين اللي انضموا الموسم ده بيتدفع فيهم فلوس كتير جدا، عندك خوان ألفينا مثلا جاي بمبلغ ما اتدفعش في لاعب في الزمالك من خمس سنين».

ورفض عضو مجلس إدارة الزمالك، التعليق بشأن صفقة خوان ألفينا، التي كلفت خزينة النادي ما يقرب من مليون و800 ألف دولار، قائلا: « لا لا، معرفش، الأرقام دي داخلية في النادي ومش بتطلع لحد».

المصدر: الأسبوع