مي عمر: أنا مبحبش زوجي يشتريلي أشياء غالية.. بجيبها لنفسي| فيديو
تاريخ النشر: 27th, March 2024 GMT
حلت الفنانة مي عمر ضيفة مع الإعلامية أميرة بدر في برنامج “أسرار” المذاع عبر فضائية “النهار”، و قدمت بعض التصريحات نرصد لكم أبرزها في هذا التقرير:
جوزي ميتحطش في مقارنة مع حد
قالت الفنانة مي عمر، : "الراجل المتجوز ده خط أحمر، و الراجل اللي مش مبسوط في حياته يطلق"
وسألت الإعلامي أميرة بدر "مي عمر"، قائلة:لو أتعرض عليكي عمل لكاملة أبو ذكري، وعمل لمحمد سامي هتختاري ايه"، وردت مي عمر:" متحطيش محمد مقارنة مع أي حد.
.لو محمد أتحط في مقارنة مع أي حد أكيد هختاره"
وتابعت مي عمر،قائلة:"أنا بحب الأستاذة كامله أبو ذكري جداً، وبحترم شغلها و أتمنى أشتغل معاها"
مي عمر عن حديث فريدة سيف النصر: استغربت لما سمعت الكلام ده
ردت الفنانة مي عمر عن حديث الفنانة فريدة سيف النصر، بأن كواليس مسلسل "رانيا و سكينة" كان فيها مشاكل كثيرة بين مي عمر و روبي، قائلة:"استغربت جداً لما سمعت الكلام ده،
ومعرفش هي قالت كده ليه؟، ومعرفش هي إللي قالت كده، و لا حد قال إنها قالت الكلام ده".
وأضافت "مي عمر"، قائلة: أنا و روبي أصدقاء للغاية، وأنا بحبها جداً ، و هي بتحبني، مؤكداً أنها لم تختلف مع الفنانة روبي في وجهات النظر من قبل.
وتابعت مي عمر، قائلة: "وطول الوقت كنا قعدين مع بعض أثناء التصوير، و قعدين في كرفان واحد، و لما المسلسل خلص أنا وهي كنا زعلانين جداً المسلسل هيخلص"
"اسمه لازم يتكتب الأول".. مي عمر تفـجر مفاجأة عن أزمة فيلم هارلي
قالت الفنانة مي عمر ، إنها تحب الفنان محمود حميدة للغاية، معلقة:" أنا مبسوطه إني أشتغلت معاه، و أتعرفت عليه"
وأضافت "مي عمر"، قائلة:"أنا لما بمضي أي عمل بتفق على إسمي في المكان اللي أنا شيفاه مناسب ، و أنا ماضيه فيلم هارلي من زمان، من و هو بيتكتب"
وتابعت:" وأتفاقات أستاذ محمود حميدة مكنش ليها علاقه بيا، ، ومشكلته مكنتش معايا، أنا أتشرف إني أشتغل مع أستاذ محمود، و معنديش أي مشكلة أن أسمه يتكتب قبلي"
وأستكملت:"طبيعي إن أسم محمد رمضان يتكتب الأول، لأنه فيلمه ، و هو بطل العمل"
مي عمر عن محمد سامي: «بيحب يجبلي حاجات كتير.. وبقوله بلاش أفورة»
سألت الإعلامية أميرة بدر الفنانة مي عمر، قائلة: "محمد سامي اللي غششنا السؤال، وبيشتكي منك، إنتي عندك شهوة لشراء الأشياء و الشوبينج؟"
مي عمر: بحب لما أجيب حاجة كبيرة وغالية أجيبها لنفسي
وردت مي عمر،قائلة:" أنا بحب أشتري، لكن مش لدرجة الشهوة"، معلقة عن زوجها محمد سامي: "هو اللي بيحب يشتريلي حاجات، وأنا اللي بمنعه، وبقوله بلاش أفورة".
وأكد الفنانة مي عمر، قائلة: "أنا مبحبش زوجي يشتريلي أشياء غالية الثمن، وبحب لما أجيب حاجة كبيرة وغالية أجيبها لنفسي".
المصدر: صدى البلد
كلمات دلالية: مي عمر الإعلامية أميرة بدر كاملة أبو ذكرى محمد سامى فريدة سيف النصر روبي الفنان محمود حميدة الفنانة می عمر محمد سامی
إقرأ أيضاً:
مشهد فيه بوسة .. هيدى كرم ترفض تقديمها مع يوسف الشريف في «آخر الدنيا»|فيديو
روت الفنانة هيدى كرم تفاصيل مشهد جمعها بالفنان يوسف الشريف فى فيلم آخر الدنيا حيث كان عبارة عن قبلة وهو ما رفضته تمامًا.
وقالت هيدى كرم في بودكاست وفيها إيه بقناة story بالعربي: “كلمة جريئة دي مفتوحة، الدور ممكن يبقى جرئ في اللبس أو المشاهد أو الحوار، الناس بتقول عليا إني جريئة لكن أنا مش شايفة كده، والمفروض أكون مخفش من الهجوم أو الفكرة، وفيه فنانات كبار كانوا بيعملوا مشاهد أجرأ مني، زي النجمة هند رستم، أدوراها كلها عظيمة وجريئة وأنا بحبها، وفيه مشاهد جريئة بتكون مكتوبة في الاسكريبت لكن بنتحايل وبنعملها بشكل مرضي للجمهور”.
أضافت هيدى كرم: في فيلم آخر الدنيا كان فيه بوسة مع يوسف الشريف، وأنا مكنتش عايزة أعملها، فقولت للمخرج أمير رمسيس أنا مش هقدر ومش حابة أعمل كده، هو قالي أنا عارف لكن مش هقدر ألغيها عشان مهمة في أحداث الفيلم، فقالي أنا هتصرف، غير تكنيك الكاميرا خلاها تلف، وعملها بطريقة إن وجهي كان في قفاه، فظهر للجمهور إننا هنبوس بعض لكن مفيش تلامس حصل، الموضوع كان محتاج حرفنة مش أكثر".
هيدى كرم تهنئ عادل إمام بعيد ميلادهمن ناحية أخري هنأت الفنانة هيدي كرم، الزعيم عادل إمام بعيد ميلاده، الذي يوافق الـ 17 من مايو من كل عام.
وقالت الفنانة هيدي كرم، في عيد ميلاد الزعيم الـ84 عاما، في لقاء خاص لموقع “صدى البلد” الإخباري "كل سنة و حضرتك طيب يا زعيم و بخير، يا صاحب السعادة ربنا يخليك لينا يارب".
وأضافت هيدي كرم: "أنا بحب جدا الزعيم عادل إمام وبحب كل أعماله وهو صاحب السعادة".
بعد 50 عامًا.. جدل حول صاحب صورة فتاة النابالم الأيقونية في فيتنام