إيناس الدغيدي: كل يوم بشكر ربنا رغم إني مش متدينة ورافضة فكرة الحجاب
تاريخ النشر: 6th, April 2024 GMT
حلت المخرجة إيناس الدغيدي ضيفة ببرنامج "أسرار" مع الإعلامية أميرة بدر، وكشفت عن الأسرار وراء عدم اقتناعها بالحجاب “مبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين”.
وأضافت "حجيت مرتين وبتاع 30 عمرة، أول مرة رحت حسيت بحاجة غريبة لكن بعد كده بتبقى طقوس أكتر من إحساس ومدعيتش عشان كنت بعيط، وطلبت الشهره والفلوس والمجد، وعمري ماندمت على أي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس، الخطأ والصواب بنتعلمه، ومش ندمانة على تصريح الحجاب".
وتابعت "والدتي ماتت 80 سنة ومش محجبة ومش معناه انها مش كويسة، والدي متدين جدًا وكنا نلبس ميني جيب، وانا في الحج رحت بشعري وأول مانزلت هناك اتحجبت ومكنتش طايقة، مبهتمش أشوف فرض ولا لاء المهم أنا عايزة ولا لاء، وعملت الخط بتاع الحجاب ده في فيلم امرأة واحدة لا تكفي".
ونستعرض المزيد من التفاصيل من خلال الفيديو جراف التالي.
المصدر: صدى البلد
إقرأ أيضاً:
الفنان محمود عامر يستغيث من قلة العمل بهذه الطريقة
أعرب الفنان محمود عامر، عن استيائه من قلة المشاركة في الأعمال الفنية خلال الساعات القليلة الماضية، مشيرا إلى أنه يواجه العديد من الأزمات والتحديات مقابل الحصول على فرصة عمل.
واستغاث محمود عامر، عبر حسابه الرسمي بموقع التواصل الاجتماعي «فيسبوك» من قلة العمل، قائلا: «على فكرة، احنا لما بنطلب أن احنا نشتغل، فده مطلب مشروع، مش عيب ولا حرام، مفيش فيه أي إحراج أو قلق».
أضاف محمود عامر: «لأن دي مهنتنا، ربنا سبحانه وتعالى أعطانا إياها، فلما حد بيجي يبعت رسالة لمخرج ولا لمنتج ولا لمساعد مخرج ولا مدير إنتاج، ده اسمه سعي بكرامة وعزة نفس، لكن في بعض من الناس دول للأسف الشديد».
وتابع عامر: «بيعتبروا الرسائل الخاصة ليهم للبحث عن عمل، نوع من أنواع التسول، وتصبح صك عليهم، وأحيانًا بيفرجوا الناس عليها، رغم أنها رسائل خاصة، بجد حرام كلنا في مركب واحد».
وأضاف: «كلنا مدخلات لمخرجات، وكلنا بنكمل بعض، فيا عزيزي من بيدك الأمر، رفقا بمن هم موجوعين بالكرامة، ولك كل الشكر والتقدير، ويارب تكون رسالتى وصلت واتفهمت، من غير أى تفسيرات مغلوطة، وبكرة أحلى بإذن الله».
زواج محمود عامروفي وقت سابق، تصدر اسم محمود عامر محركات البحث عبر منصات التواصل الاجتماعي، بعد زواجه خلال الأيام السابقة، ثم توجيهه رسالة اعتذار لأبنائه الثلاثة خلال حلوله ضيفًا على برنامج «قعدة ستات».
ووجه محمود عامر، رسالة لأبنائه بعد زواجه، في برنامج «قعدة ستات»، قائلا: «متزعلوش مني لو اللي حصل ضايقكم بس أنتوا أقرب ناس وعايشين معايا وعارفين أنا كنت إيه أوعوا تنسوني.. أقول لإبراهيم ابني مدير التصوير ربنا يكرمك ويرزقك ببنت الحلال اللي تسعدك.. محمد حبيبي في رابعة مونتاج معهد سينما نجم جميل أنا واثق تمام الثقة إنك هتقف على رجليك وهتشرف كل العيلة.. بنوتي بنت عمري أميرة ربنا يبارك في عمرك وأشوفك مطربة وملحنة قد الدنيا».
اقرأ أيضا:
محمود عامر ينهار باكيا على الهواء بعد 10 أيام من زواجه.. فما القصة
الفنان محمود عامر يصل الغردقة لقضاء شهر العسل
محمود الليثي يطرح الإعلان الرسمي لـ فيلم «عنب» بطولة آيتن عامر
بالتعاون مع الملحن أحمد زعيم.. آدم البنا يطرح أغنية بتاع الصبر