الأب قتل ابنته بالفيوم لرفضها ووالدتها بيع المنزل لإتمام زواج شقيقها
تاريخ النشر: 25th, May 2024 GMT
تمكنت أجهزة الأمن بالفيوم من فك لغز العثور على جثة فتاة بجوار شريط القطار فى قرية العدوة وان الاب هو المتهم بقتل ابنته فى عزبة جويلي التابعه للوحدة المحلية لقرية العدوة بدائرة مركز شرطة الفيوم في محافظة الفيوم ،والتى شهدت مقتل فتاه تدعي حبيبه حمدي صبحي " 15 سنه على يد والدها ، إثر مشادة كلامية تحولت لمشاجرة لرغبة الإب المتهم في بيع منزله بغرض إتمام زواج نجله الأكبر ورفضة الزوجة وابنته بيع المنزل ، وإثر ذلك قام الإب بذبح ابنتها والقى الجثه بجوار شريط القطار بقرية العدوة .
كانت تحريات المباحث قد توصلت إلى أسباب الحادث وأنه وقعت مشادة بين الأب وابنته وزوجته وذلك بسبب رغبة الاب في بيع المسكن ورفضة الزوجه والفتاه ، ما أدى إلى قيام الاب بذبح ابنته ، لاتهامه بأنها تحرض الزوجه علي رفض بيع المنزل.
تم نقل الجثمان إلى ثلاجة حفظ الموتى في مستشفى الفيوم العام، تحت تصرف النيابة العامة، وتحرر المحضر اللازم، وقررت النيابة انتداب الطبيب الشرعي لتشريح الجثة وبيان سبب الوفاة والتصريح لدفنها عقب التشريح وتولت التحقيق.
كان أبناء قرية العدوة قد أشادوا بحسن أخلاق الفتاة القتيلة على صفحات الفيس بوك ونشروا صورة تكريمها فى مسابقة حفظ القران فى رمضان الماضى .
المصدر: بوابة الوفد
كلمات دلالية: فتاة العدوة الفيوم الأب النيابة العامة المتهم
إقرأ أيضاً:
مشاكل من أول شهر زواج ولمدة 8 سنوات.. زوجة تكشف أسباب رش زوجها مادة حارقة عليها.. خاص
ينشر موقع صدى البلد تفاصيل أقوال زوجة رش زوجها عليها «كلور»، في حلوان، لخلافات سابقة بينهما، ومشكلات ظهرت من أول شهر زواج ولمدة 8 سنوات، ما اضطرها لرفع قضايا نفقة ورد منقولات وطلاق للضرر.
حلفت اليمين
س : ما تفاصيل حدوث إصابتك؟
ج اللي حصل إن أنا متجوزة من هلال من حوالي ٨ سنين ومن أول شهر جواز واحنا فيه بينا مشاكل بسبب المصاريف لأنه بصراحة بخيل ومش بيصرف عليا ولا على العيال ودائماً يعمل معايا مشاكل ويغضبني عند أهلي وكتير أوي كان بيكسر العفش وبيضربني ويطردني من البيت وخنقني من رقبتي قبل كدة مرتين وعملت فيه محضر السنادي في شهر واحد وكنت واخدة عليه تعهد بعدم التعرض ليا قبل كدة ورفعت عليه قضايا نفقة وقائمة ٣ مرات، لكن كنت برجع واتنازل عن القضايا دي ونرجع نتصالح تاني، ولما زود في اللي بيعمله وأنه مش بيصرف على البيت وطاردني وطول الفترة دي قاعدة عند أهلي أنا والعيال قمت رافعة عليه قضايا في محكمة الأسرة بالنفقة ورد منقولات وطلاق للضرر، بس هو مكنش يعرف أني رفعت عليه القضايا دي لحد أول امبارح لما نزله محضر يعلنه بجلسة قضية الأسرة اللي أنا رفعاها عليه وانا عرفت أنه أعلن بالجلسة فى لقيته جالي عند المنطقة بتاعة بيت أهلي في الشارع الرئيسي في المساكن الاقتصادية الصبح وانا نازلة أوصل بنتي المدرسة وأروح الشغل بعدها، هو كان واقف على الناصية وشايفني وشايفاه عادي متكلمناش لحد ما رحت وصلت بنتي للمدرسة لأنها قريبة من البيت وكنت لسة رايحة أوقف ميكروباص فلقيته ظهر فجأة قدامي وكان ماسك في ايده كيس بلاستيك أسود ولقيته فجأة حدف على وشي مية نار حرقتلي عيني وعيني قفلت ساعتها مبقتش عارفة أفتحها وقعدت أصرخ جامد لحد ما سمعت الناس اللي في الشارع جنبي وسمعتهم بيقولوا هاتوا مية طفوها ده هدومها بتتحرق فقعدوا يحدفوا مية على جسمي وقعدوني على كرسي في الشارع لحد ما اتصلوا بأهلي جم خدوني على القصر العيني وكشفوا عليا هناك والدكتور قعد ينضفلي عيني وقالولي هتمشي على علاج لمدة ١٥ يوم وأني احتمال أعمل عملية بعدها لأن القرنية فيها مشكلة وده كل اللي حصل.
س : متى وأين حدث ذلك؟
ج: جوزي حدف عليا مية النار امبارح حوالي الساعة 8 الصبح في الشارع الرئيسي بتاع المساكن الاقتصادية جنب بقالة أبو بطة في حلوان.
س : وما سبب ومناسبة تواجدك بالمكان والزمان سالفي الذكر؟
ج: أنا كنت نازلة الصبح أودي بنتي المدرسة وأروح شغلي بعدها.
س: وما صلتك بالمدعو / «هلال .ر .م»؟
ج : هلال يبقى جوزي واحنا أصلاً قرايب من بعيد.
س : ما طبيعة عمل زوجك سالف الذكر ؟
اهو شغال في مطعم كبدة اسمه «على .ب» في شارع منصور في حلوان من ساعة ما اتجوزنا.
س : وما طبيعة الحالة المادية لأسرتك؟
ج انا جوزي مشكلته انه مش منتظم في الشغل مع أن شغلته بتكسب كويس وانا مش بشتغل فإحنا مشكلاتنا المادية دايماً وحالتنا مش أحسن حاجة وده سبب كل المشاكل اللي احنا فيها.
س : منذ متى وأنتما متزوجان؟
ج احنا متجوزين من حوالي 8 سنين.
س: وهل رزقكما الله بذرية؟
ج: أيوه عندي منه طفلين حنين ٨ سنين وياسين ٦ سنين.
س : وهل من ثمة خلافات بينك وبين زوجك؟
ج أيوة.
س: وما طبيعة تلك الخلافات تحديداً ؟
ج: احنا متجوزين صالونات أصلاً ومن ساعة ما اتجوزنا واحنا فيه بينا مشاكل بسبب المصاريف لأنه بصراحة بخيل ومش بيصرف عليا ولا على العيال ودايماً يعمل معايا مشاكل ويغضبني عند أهلي وكتير أوي كان بيكسر العفش وبيضربني ويطردني من البيت وخنقني من رقبتي قبل كدة مرتين.
س : وهل تحرر بشأن تلك الخلافات ثمة محاضر أو دعاوى قضائية؟
ج: أيوة أنا رافعة عليه قضايا كتير قبل كدة لكن كنت اتنازلت عنها بس رجعت رفعت عليه أربع قضايا بالنفقة ورد منقولات وطلاق للضرر وكنت عملت فيه محضر رقم ۹۹ لسنة ٢٠٢٥ إداري حلوان.
س: وما الذي انتهت إليه تلك الخلافات؟
ج: أنا كنت واخدة عليه تعهد بعدم التعرض ليا في رمضان السنادي ورفعت عليه قضايا نفقة وقائمة 3 مرات لكن كنت برجع واتنازل عن القضايا دي وترجع نتصالح ثاني، ولما زود في اللي بيعمله وأنه مش بيصرف على البيت وطردني وطول الفترة دي قاعدة عند أهلي أنا والعيال، قمت رافعة عليه قضايا في محكمة الأسرة بالنفقة ورد منقولات وطلاق للضرر.
س وأين كنت تقيمين أثناء تلك الخلافات؟
ج: أنا من شهر يناير ٢٠٢٥ وهو طردني مني البيت أنا وعيالي الاتنين ومن ساعتها وانا قاعدة في بيت أهلي اللي في عرب راشد الجديدة بحلوان.
بتكلفة 1.7 مليون ريال.. افتتاح مدرسة الشيخ جاعد بن خميس الخروصي بجنوب الباطنة