رضا حامد يكشف سبب غيابه عن الساحة الفنية: في شللية بتشتغل 8 و9 مسلسلات «فيديو»

كشف الفنان رضا حامد عن سبب غيابه عن الوسط الفني خلال الفترة الماضية وتفاصيل محاولاته للتعاون مع عائلة السبكي.

قال رضا حامد حواره مع الإعلامية انجي هشام في برنامج المنسي عبر قناة هي: «المشكلة دي مش أنا المسئول عنها المسئول عنها هما الناس المسئولة عن العمليات الفنية والإنتاج وأنت بتشوفي فنان واحد ممكن يعمل 5 أو 6 مسلسلات وفنان تاني قاعد مع إن اللي قاعد ممكن يكون أحسن من اللي شغال».

وأضاف حامد: «أي الحكاية هل هي تارجيتات، هل هي كومبينات، هل هي شللية إذن في شللية ولما يكون في شلة إذن العملية فيها منفعة وأنا معروف عني أني جريء ودايما يقولولي بتكلم كده ليه مش هتشتغل بقولهم يعني أنا دلوقت بشتغل ما أنا برضو مبشتغلتش».

وتابع «حامد»: «في شللية وفي ناس معندهمش إدراك للعملية الفنية وللتنوع لأن ده هيفيد العملية الفنية، ميبقاش واحد مقطع نفسه في كل عمل والمسلسلات تقعد تستنى بعضها لحد ما الفنان يخلص.

النقابة لها دور في تشغيل الفنانين.. والسبكية نسيوا رضا حامد

وكشف عن تفاصيل محاولاته للتعاون مع عائلة السبكي:' تواصلت مع السبكية لكن محمد مش موجود هنا دا اللي اشتغلت معاه كتير، وأحمد اشتغلت معاه فيلم واحد كان هائل وكان مبسوط جدا مني وفجاة مع كتر الأعمال اللي بيعملوها نسيو رضا حامد رغم أنه كان مبهور بيا.

واختتم «رضا»: «أهم شغلانه للنقابة أنهم يوفروا شغل، في فنانين بتعمل 8 و9 مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع».

يذكر، أن برنامج «المنسي» هو برنامج على قناة «هي» تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساء ويستضيف عددا من نجوم الفن والإعلامين الذي غابت عنهم أضواء الشهرة والنجومية.

المصدر: الأسبوع