يا حليلك يا السودان وطعمة شارع المدارس. ولمن يوم المرتبات بنعز رقبتنا ????????????

من القيم البحب ازرعاها في أولادي أن السعاده قراريعني ما نتشرط ونحكمها بتوفر وضع معينالمتابعين معانا بكونو شافونا ونحن في البقاله قاعدين في الأرض بي طعمية الدكان ومش كابو ومستمتعين بالجو، ولا شارع النيل بالركشة وبيبسي وشبس من اقرب دكان. يا حليلك يا السودان وطعمة شارع المدارس. ولمن يوم المرتبات بنعز رقبتنا قبل كم يوم كان في جو في أرض النزوح، تراب على ريحة الدعاش على هوا لذيذ، اها انا كمواطنه سودانيه اتذكرت أرض الوطن، طوالي قلت لاولادي، الشارع جاك نفر، اي نعم اتغيرت ملامح الصورة الخلفية بس الروح والقلب ما اتغيرو يا قولهم كان طلعنا من السودان، السودان ما بيطلع مننا.

شلنا كورتنا وعلى حديقة أقرب بي حبيبي مفلس بس بمستوى أرض النزوح ههههه، يا حليلك يا اوزون كنت في اللحظات الارستقراطية واول نزول الماهيه. أسى هنا كله شبه اوزون المهم… شنو القيم ألنفسكم تعلموها لاولادكم وشغالين فيها بالبيان بالعمل. إيثار صلاح التايإختصاصي صحة نفسية إنضم لقناة النيلين على واتساب

المصدر: موقع النيلين