«مبقاش موجود بس بحبه».. شيكابالا يوجه رسائل مؤثرة لـ زيزو بعد اعتزاله كرة القدم
تاريخ النشر: 4th, July 2025 GMT
حرص محمود عبد الرازق شيكابالا، قائد الفريق الأول لكرة القدم، على توجيه رسائل خاصة لـ أحمد مصطفى زيزو، لاعب النادي الأهلي، وذلك عقب اعتزاله بشكل رسمي.
وأعلن شيكابالا لـ اعتزال كرة القدم، رسميًا مع الإعلامي إبراهيم فايق على قناة «أم بي سي مصر»، قائلًا:«قولتلك يا إبراهيم من سنة إن دي هتكون دي آخر سنة ليا، قعد معايا ناس كتير بس أنا كنت واخد القرار خلاص».
وقال محمود عبد الرازق شيكابالا في تصريحات تليفزيونية عبر برنامج «الكورة مع فايق»: «لما كنت معاك السنة اللي فاتت كنت بقول إني هسلم الراية لـ زيزو من بعدي، لكن هو دلوقتي مش موجود، وده اللي مزعلني منه أوي، لكن هسلم الراية لجماهير الزمالك».
وأضاف: «كنت بقول إن زيزو هيشيل الراية معاكم، لما مشي ومسلمتش عليه ده حب وحاجة كنت راسم ليها من سنين، ومكنتش تصور مشيانه، بس أنا بحبه أوي».
وتابع: «كل احتفالتي في الأهداف كانت مع زيزو، بتمناله كل التوفيق طبعًا في القرار اللي خده، ولكن أنا زعلت».
المصدر: الأسبوع
كلمات دلالية: الزمالك شيكابالا زيزو اعتزال شيكابالا اعتزال شيكابالا كرة القدم شيكابالا وزيزو
إقرأ أيضاً:
شيكابالا حتة من القلب .. إعلامي يوجه رسالة مؤثرة للاعب الزمالك
وجه الإعلامي مينا ماهر رسالة مؤثرة للاعب محمود عبد الرازق شيكابالا بعد اعلان رحيله عن نادي الزمالك عبر حسابه الشخصي علي موقع التواصل الإجتماعي فيسبوك.
وكتب مينا ماهر :" من وإحنا صغيرين، كنا بنشوفه فوق… بيجري بالكرة كأنها جزء من روحه، بنحلم نكون زيه، نلبس زيه، نحتفل زيه. وكبرنا… وكبر هو في قلبنا أكتر.شيكا كان البداية.. وكان الحلم.. وكان الأمان في وقت الهزيمة.
وتابع :"النهاردة، وأنا بكتب الكلام ده، قلبي موجوع..مكنتش فاكر إن اللحظة دي هتيجي… لحظة نودّع فيها الراجل اللي كبرنا على حبه، واللي كل تفصيلة في حياتنا الكروية ليه فيها بصمة.
واضاف :" أنا مش بس مذيع عرفه، أنا طفل كان بيجري ورا صورته، وشاب كان بيقلد احتفالاته، ورجل اتشرف إنه قرب منه، وشيكابالا مش لاعب بيعتزل، شيكابالا حتة من القلب بتتحرك، حتة من الذكريات اللي مستحيل تتعوض..كان الضهر وقت الغلط، والفرحة وقت الفوز، والبسمة اللي بتخلي حب الزمالك له طعم.
واتم : في جزء مننا بيغيب، بس اللي زي شيكا عمره ما بيغيب، بيفضل عايش في كل هتاف، في كل صورة، في كل مرة هنلبس فيها تيشرت الزمالك ونقول “الكابيتانو هنا”.
شكرًا يا كابتن على كل لحظة صدق.. شكرًا إنك خلتنا نحب الكيان أكتر من نفسنا..إنت مش مجرد أسطورة… إنت الحب، والحنين، والدمعة اللي على خد كل زمالكاوي النهاردة
هتوحشنا????
«وفر في البنزين».. خطوات تحويل السيارات للعمل بالغاز الطبيعي