بلاش أفورة.. مي عمر ترد على اتهام محمد سامي (فيديو)
تاريخ النشر: 27th, March 2024 GMT
ردت الفنانة مي عمر على سؤال على اتهام زوجها محمد سامي بأنها لديها شهوة "الشراء والشوبينج؟"، بعد أن قالت الإعلامية أميرة بدر: “محمد سامي اللي غششنا السؤال، وبيشتكي منك”.
مي عمر: مغيرتش من نجاح جعفر العمدة وأحب محمد ينجح أكتر مني مي عمر تكشف عن فنانة تدفع أموالًا لمهاجمتها على مواقع التواصل (فيديو) محمد سامي بيحب يشتريلي حاجات غالية وبقوله بلاش أفورةوردت مي عمر خلال ل حوارها ببرنامج "أسرار" المذاع على فضائية "النهار" مساء اليوم أنا بحب أشتري، لكن مش لدرجة الشهوة"، مضيفة: "محمد سامي هو اللي بيحب يشتريلي حاجات غالية، وأنا اللي بمنعه، وبقوله بلاش أفورة".
وتابعت الفنانة مي عمر، : "أنا مبحبش زوجي يشتريلي أشياء غالية الثمن، وبحب لما أجيب حاجة كبيرة وغالية أجيبها لنفسي".
وعلقت الفنانة مي عمر، على تكهنات شعورها بالغيرة من نجاح مسلسل جعفر العمدة وعدم مشاركتها فيه، قائلة: "محصلش اني غيرت من نجاح جعفر العمدة، رغم انه كسر الدنيا، واحب ان محمد سامي ينجح اكتر مني، وكنت أسعد واحدة بنجاحه، واحنا صحاب جدًا ودي اهم ميزة في الجواز، وهوايتنا واحدة تقريبًا، وبنستمتع بالحياة مع بعض، ومن قبل الارتباط، كنت أي مشكلة الجأ لمحمد سامي أول واحد".
وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "اتخطبنا انا وسامي وفسخنا الخطوبة وبعدها رجعنا تاني، لان بابا كان خايف عليا، وبابا بيخاف علينا جدًا لأننا 4 بنات، وهو من الفلاحين، كان قافل علينا جدًا، ولينا مواعيد وحدود في البيت، وكان اخرى في الرحلات والخروج دريم بارك، وفي بداية جوازنا كان كل مشاكلنا اني عايزة اخرج كتير، بابا شاف محمد قبل كده وهو بيتخانق، فـ اتوتر شوية، وكان خايف يتغير عليا، وكان قلقان عليا، لكن اكتر حاجة بحبها في محمد سامي حنيته".
وعلقت الفنانة مي عمر على تكرار العمل مع زوجها المخرج محمد سامي قائلة: "محرمتش اشتغل مع محمد سامي لأنه مخرج اي حد يتمنى انه يشتغل معاه، واحنا قصة حب قديمة أوى، وقبل ما يتعرف كنت بتفرج على شغله، وكنت بشوف كم المجهود والضمير واقول هل هيجي اليوم اللي هشتغل عمل من بطولتي وهو مخرجه؟، ويا حظي السنادي أنه مخرج عملي".
وقالت مي عمر، : "نعمة الأفوكاتو من اكتر الشخصيات اللي حبيتها، عشان مختلفة في طريقة كلامها وهزارها وردودها وشكلها ولبسها، وشبه ناس كتير نعرفها، وفي كتيير منها، ومقدرش اقول ان الست غلط، لكن الغلط هو رد فعل الرجل، ورضوى الشربيني هتقتل نعمة، لكن برضو فيه رجالة كويسة، والنماذج كلها موجودة، مش بس في مصر لكن في دول كتير في العالم، اللي يهمني رد فعل الجمهور على العمل، والجمهور بيحب العمل الجيد، ومش الثنائية بتاعتي انا وسامي اللي كده، لكن مع اكتر من ثنائي، والبعض هما اللي مستكترين عليا محمد سامي".
وأضافت مي عمر قائلة: "الاسطورة فاتحة خير وهي اللي قدمني للناس بسبب دور شهد، والكل كان بيناديني بشهد، رغم اني عملت ادوار كتير ناجحة بعده، وسألت محمد ليه الناس بتناديني بشهد كتير،قالي ده طبيعي لنجاح الدور، لحد ما عملت لؤلؤ، وحبيتها جدًا ولما الديكور اتهد عيطت، واتحولت من شهد لـ لؤلؤ".
المصدر: بوابة الوفد
كلمات دلالية: مي عمر محمد سامي الشوبينج آخر اعمال مي عمر بوابة الوفد الفنانة می عمر محمد سامی
إقرأ أيضاً:
بلاش عشان مُرعب.. ياسمين عز للزوجات: سؤال أنت فين بيعمل كوارث
قدمت الإعلامية ياسمين عز، عدة نصائح للتعامل بين الأزواج، سواء في العلاقات الزوجية أو العاطفية، مشيرة إلى أن هناك أسئلة ليس من الجيد أن توجهها المرأة إلى زوجها.
وقالت الإعلامية ياسمين عز، مقدمة برنامج كلام الناس، المذاع عبر قناة “إم بي سي مصر”، مساء اليوم الجمعة، إن: "في العلاقات الزوجية والعاطفية، فيه سؤال غير صحيح ولا يصح أن يكون موجودا، وهو سؤال: أنت كنت فين؟".
ونصحت ياسمين عز، الزوجات: "بلاش سؤال أنت كنت فين؟، بيعمل كوارث، وسؤال مرعب، ويعني الكثير والكثير، ويجب الحذر من هذا السؤال في التعامل مع الزوج، وهذه نصيحتي لكل زوجة من هذا السؤال، والذي يؤدي إلى عدم الثقة في الزوج".
شاهد | الرئيس الإماراتي يستقبل ترامب في قصر الوطن بأبوظبي