ننشر أقوال شقيق عامل قُتل على يد ابن عمه بالمنيب
تاريخ النشر: 2nd, April 2024 GMT
حصل موقع "الفجر" على أقوال شقيق عامل قتل على يد ابن عمه بمنطقة المنيب بسبب 4 آلاف جنيه.
قال "أيمن محمد" شقيق المجني عليه في تحقيقات النيابة العامة في القضية رقم 20662 لسنة 2023 جنايات الجيزة، عند سؤاله عن ما هي معلوماتك بشان الواقعة محل التحقيق؟
اللي حصل ان فيه مشاكل ما بين أخويا "سيد محمد" وابن عمى "علاء حسين" بسبب إن أخويا كان واخد مبلغ 4000 جنيه من ابن عمي، وهما بينهم شغل مخدرات وبيتاجروا فيها مع بعض، ودايمًا بيتخانقوا بسببها.
واستكمل يوم الواقعة: كنت قاعد في بيتي ولقيت علاء بينده عليا، ولما نزلت لقيت أخويا مرمى في توكتوك ومتعور في صدره ولبسه كله دم، ولما سألت ابن عمي ايه اللي حصل ومين اللي عمل فيه كده، قاللى ان هو لقي اخويا سيد مرمى في الغيط اللي جنب بيته اللي في المنيب متعور وسايح في دمه، وميعرفش مين اللي عوره فركبت معاه التوكتوك، وخدنا أخويا وروحنا مستشفى أم المصريين.
وتابع شقيق المجني عليه: ولما كشفوا عليه هناك لقوه مات فلقيت واحد اسمه رمضان يحيي ومعرفش باقي اسمه، فاتح محل في المنطقة اللي حصلت فيها الخناقة لقيته بيقولي إنه شاف أخويا سيد وابن عمي علاء كانوا بيتخانقوا مع بعض في الشارع، وبعدها دخلوا هما الاتنين في الأرض الزراعية اللي في الشارع وعلاء خرج بعدها بشوية لوحده، وإنه رجع تاني بتوكتوك ودخل خد اخويا في التوكتوك، وقال إنه لقاه متعور وميعرفش مين اللي عوره، وبعدها أنا طلعت علي القسم عملت محضر باللي حصل والحكومة خدت علاء ابن عمي وقالولي هناك إنه هو اعترف إنه قتل سيد أخويا وضربه باله حاده، معرفش هي ايه بالظبط في صدره.
أمر الإحالة
جاء في أمر الإحالة في القضية رقم 20662 لسنة 2023 جنايات الجيزة، بقيام المتهم "علاء.ح" 31 سنة سائق توكتوك، بقتل المجني عليه "سيد محمد" عمدا مع سبق الإصرار بأن بيت النية وعقد العزم علي قتله علي إثر خلاف إستمر بينهما، وما ان ظفـر بـه حتـى سـدد له طعنه بسلاحه الأبيض استقرت بصدره فأحدثت إصابته الموصوفة بتقرير الصفة التشريحية والتي أودت بحياته على النحو المبين بالتحقيقات.
كما أحرز المتهم بغير ترخيص سلاح ابيض " مطواة" على النحو المبين بالتحقيقات.
بنـاء عليـه يكون المتهم قد ارتكب الجناية والجنحة المؤثمة بالمواد: 230، 231 من قانون العقوبات والمواد 1/1 من القانون رقم 394 لسنة 1954 المعدل بالقوانين أرقام 75 لسنة 1958، 165 لسنة 1981، 5 لسنة 2019 والبند رقم (5) من الجدول رقم (۱) الملحق بالقانون الأول والمعدل بقرار وزير الداخلية رقم 1756 لسنة ٢٠٠٧.
بعد الاطلاع على المادة 214 من قانون الإجراءات الجنائية المعدل بالقانون رقم 170 لسنة 1981:
تم بإحالـة القضية إلـى محكمـة جنايـــــات الجيـزة بـدائرة محكمـة استئناف القاهرة لمحاكمة المتهم طبقـا لمـواد الاتهـام الـواردة بـأمر الإحالـة مـع اسـتمرار حـبـس المـتهم.
جاء في أدلة الثبوت أقوال بعض شهود العيان، من بينهم الشاهد " أيمن.م" 43 سنة شقيق المجني عليه،" بأنه وإبان تواجده بمسكنه حضر اليه المتهم وبصحبته المجني عليه مصابًا بصدره غارقًا في دمائه فتوجها إلى مستشفى أم المصريين العام واخطر بوفاة شقيقه متأثرًا بإصابته.
كما شهدت "حنان محمد" زوجة المتهم، إنه بنشوب مشاجرة بين المجني عليه والمتهم يوم الواقعة لسبق خلاف بينهما بسبب شك الأخير في قيام المجني عليه بسرقته، فتطورت تلك المشاجرة فاصطحب المتهم المجني عليه إلى قطعة أرض فضاء بجوار مسكنهما وطعنه طعنة استقرت أسفل منتصف صدر المجني عليه محدثًا ما به من إصابة والتي أودت بحياته.
المصدر: بوابة الفجر
كلمات دلالية: قتل على يد ابن عمه بسبب 4 آلاف جنيه جنايات الجيزة قتل بسبب خلافات مالية المجنی علیه اللی حصل ابن عمی
إقرأ أيضاً:
عار اللي بيحصل.. أحمد موسى: بعض الأشقاء العرب بيهاجموا مصر ومش بيهاجموا نتنياهو
أكد الإعلامي أحمد موسى، أن أمريكا لديها القدرة والإدارة أن تقف مشاهد غير المسبوقة التي يعيشها سكان غزة، مؤكدًا أن مصر أدخلت عشرات الشاحنات الإنسانية لأهالي القطاع.
وقال أحمد موسى، خلال تقديم برنامج «على مسئوليتي»، عبر قناة «صدى البلد»، :"مفيش إخواني إرهابي يقدر يهاجم إسرائيل واللي بتعمله في غزة، ولا يجرؤ إخواني إرهابي على الذهاب لسفارة الاحتلال الإسرائيلي في أي دولة أوروبية، مفيش دكر منهم يقدر يعمل كدا، دا يتقتل وهو قدام السور، روح جرب كدا عدي من قدام سفارة إسرائيل في فرنسا أو لندن أو أي دولة أوروبية".
وأردف: أوجه كلامي لكل الأشقاء العرب أن لا يزايدوا على مصر، لبناني رايح سفارة مصرية في كندا، أنت رايح تعمل إيه، لبناني جنبك الحدود ممكن تروح تدخل منها، كفاية مزايدة على مصر".
واستطرد: "بعض الأشقاء بيهاجموا مصر وبيزايدوا على دورنا، دول مش بيهاجموا بنيامين نتنياهو زي ما بيهاجموا مصر، والله من العار إن دا يحصل، أنا بقول دا على الهواء، علشان بدخل وأشوف الناس اللي بتنشر الكلام دا، نحن نتنمى السلامة لكل الدول العربية ولكن ليس على حساب دولتنا، مصر لم ولن تتآمر على أي دولة عربية، ليه عاوزين فوضى لمصر".
وأشار أحمد موسى إلى: «لن يحصل أن تحل القضية الفلسطينية على حساب مصر، والرئيس قالها بدل المرة مليون مرة، ليه البعض بينشر الكلام دا، عاوزين إيه مننا، سوريا محتملة وبتقعد مع إسرائيل، واحد لبناني في كندا رايح السفارة المصرية تعمل إيه، اشمعنا مصر، مصر البلد الصامدة الصابرة المستقرة التي تملك أقوى جيش، دا يزعلك يعني».
وأكمل: "في واحد لبناني اتسجن من 1984، وأول ما خرج طلع يهاجم مصر، ياااه، أنتوا عاوزين إيه مصر، والله مصر ما بتزايد على دولة شقيقة، كلكم بتشاركوا في المخطط اللي هدفه خلق الفوضى، أي شخص يتعاطف مع الإخوان الإرهابين ويتحدث بنبرة مخطط الإخوان، دا يبقى ضد مصر وضد الرئيس وضد الجيش وضد الشرطة وضد الشعب وضدي ، كل الأصوات دي علشان تنفيذ المخطط وإن شاء الله مفيش حاجة هتحصل من كل، الرئيس قايل لا ولن يسمح بتنفيذه دا وقت مهم جدا نشوف مين مع مصر ومين مع العدو الإسرائيلي، دا وقت جد وقت خطير بجد، اللي معايا هنشيله على رأسنا، واللي مع العدو أنتوا عارفين الباقي، ربنا يحفظ بلدنا ورئيسنا وجيشنا وبلدنا وشعبنا"
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية