عمرو يسري: "رفضت دور في فيلم محمد هنيدي الجديد.. وعلاء مرسي قالي ده ميلقش بيك"
تاريخ النشر: 7th, August 2023 GMT
كشف الفنان عمرو يسري عن كواليس لقائه بالنجم محمد هنيدي بعد تعاونهما معا في فيلم " صاحب صاحبه" سابقًا:" المفروض أن محمد هنيدي خلص الفيلم الأخير بتاعه، الفيلم الصعيدي اللي إن شاء الله الفيلم ينجح لأنه بيليق في الأفلام الصعيدي، وبيعمل جو حلو روحت وسلمت عليه بقالي فترة مكنتش شوفته".
ما سبب رفض عمرو يسري لدوره في فيلم “مرعي البريمو”؟
وأضاف عمرو يسري خلال حواره مع الإعلامية إنجي هشام في برنامج "المنسي" المذاع عبر شاشة قناة “هي”: اتصل بيا الأستاذ سعيد حامد، مخرج فيلم محمد هنيدي الجديدة، وقالي على سيكونس كده وبصراحة محبتش الموضوع فاعتذرتله، وكلمت ساعتها صديقي الفنان علاء مرسي وهو موجود في الفيلم قالي طبعًا لازم ترفض، الدور اللي اتعرض عليك ميلقش بعمرو يسري.
تابع: هنيدي قالي أنه هيعمل جزء تاني من مسلسله اللي عمل منه جزء أولاني، وإن شاء الله نكون مع بعض سوا.
عمرو يسري:" نقابتي موقفتش جمبي"
وكشف الفنان عمرو يسري عن عدم مساعدة نقابة المهن الموسيقية له في أزماته، بجانب حديثه عن الشائعات التي أطلقت عليه الفترة الماضية.
وقال عمرو يسري، خلال حواره مع الإعلامية إنجي هشام المذاع عبر شاشة قناة “هي”: في ناس متعرفش تعمل اللي بيعمله عمرو بمعنى إني أنا عضو عامل نقابة مهن موسيقية شعبة غناء، ورغم كده موقفتش جمبي ولا حد رفع منهم سماعة تليفون متفهميش ليه ولا حد من النقابة طبعًا القديمة.
وتابع عمرو يسري، متحدثًا عن الشائعات التي طالته الفترة الماضية، قائلًا: بجانب اني بغني بمثل وكمان زي ما بيقولو المعلم عمرو يسري السمسار، طبعا قالوا عليا إني اشتغلت سواق وبيعت ساندوتشات مفيش كلام الهجايص ده.
وأضاف: المسألة إني بحاول افتح الباب الحياة مش عيب إنك تشتغل، الشغلانة اللي إنتي هتشتغليها أيًا كان اسمها هتشتغليها بإسمك بالايمدج بتاعتك بالمكانة اللي إنتي فيها متهنش نفسك، لكن إنك أنت بتساعد نفسك في الحياة متطلبات الحياة كتير وبتحاول تقف جمب نفسك.
اختتم عمرو يسري قائلًا: في فنانين معندهمش غير إنهم يقفوا قدام الكاميرا فقط لا يكلف الله نفسًا إلا وسعها، كل واحد عنده طاقة في واحد يقولي يا عمرو أنا مقدرش اشتغل غير قدام الكاميرا، لكن واحد زي عمرو يعرف يجري ويروح ويكون عنده موهبة، أنا برج الحوت ودماغي مبتقفش دماغي بتفكر في كذا حاجه.
برنامج " المنسي"
برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءً ويستضيف عددا من نجوم الفن والإعلامين الذي غابت عنهم أضواء الشهرة والنجومية.
المصدر: بوابة الفجر
كلمات دلالية: المنسي فيلم مرعي البريمو علاء مرسي محمد هنیدی
إقرأ أيضاً:
سامو زين يستعد لطرح ألبومه الجديد.. تفاصيل
قارب الفنان سامو زين على الانتهاء من تفاصيل ألبومه الجديد الذى لم يستقر على اسم له حتى الآن.
ويتعاون سامو زين في ألبوم الجديد مع مجموعة من الشعراء والملحنين والموزعين، إلى جانب مشاركته في تلحين عدد من الأغاني بنفسه، في خطوة تعكس رغبته في تقديم تجربة موسيقية متكاملة ومختلفة.
سامو زينوفي منتصف يناير الماضي، فاجأ الفنان ساموزين جمهوره ومتابعيه بتصوير أغنية «أيام في بعادنا فاتوا»، وذلك بعد مرور 15 عاما على طرحها.
ونشر سامو زين، عبر حسابه على «إنستجرام»، بوستر الأغنية الجديدة، وعلَّق عليها قائلا: "بعد 15 عاماً تصوير أغنية أيام في بعادنا فاتوا قريباً، كلمات تامر حسين، ألحان أحمد حسين، توزيع تميم، إنتاج شركة: مزيكا".
وأعلن سامو زين، خلال الساعات القليلة الماضية، عبر ستوري حسابه بموقع «إنستجرام»، عن تأجيل طرح أغنيته الجديدة واستعداده لطرح ميني ألبوم.
وكتب زين: «تم تأجيل الأغنية الجديدة إلى موعد جديد يتم تحديده الأيام المقبلة، وسوف يكون ميني ألبوم بأكثر من أغنية”.
وفي شهر نوفمبر 2024، طرح الفنان سامو زين، أجدد أغانيه بعنوان بصي بصة، بالتعاون مع حسون، وذلك عبر تطبيق أنغامي لجمهوره في مصر الوطن العربي.
وجاءت كلمات أغنية بصي بصة، على النحو التالي: أنا كلي ليك كلي إلك أنا ليك ضحكتك وعينيك وقلبي دايب فيك، أنا ليه بسرعة كدة حبيت خدت قلبي لفين هو أنا جنيت، طب بص بصة تعالى بس قرب تعبت عيوني والله جمالك ده مؤامرة ولا إيه، كل مرة بقربلك بتهرب أنا مش فاضي خلاص هو إحنا هنا بنلعب ولا إيه، بيبي أنا بعرف شو مالك أنا بعرف شو مالك بيبي أنا وياكي فاهمين والله فهمانك ما في داعي تحكي شعراتك فستانم Gucci ولا loui V بيبي أنت كلو بيلبقلك، طب بص بصة تعالى بس قرب تعبت عيوني والله جمالك ده مؤامرة ولا إيه، كل مرة بقربلك بتهرب أنا مش فاضي خلاص هو إحنا هنا بنلعب ولا إيه، أنا ليك كلي إلك أنا ليك ضحكتك وعينيك وقلبي دايب فيك أنا ليه بسرعة كدة حبيت خدت قلبي لفين هو أنا جنيت.
نجل الشهيد خالد عبد العال: أبي بطل.. ولا نعرف سبب الحريق