شوبير يوجه رسالة نارية لـ كهربا بعد قبول اعتذاره في الأهلي
تاريخ النشر: 28th, October 2024 GMT
وجه الإعلامي أحمد شوبير، رسالة إلى محمود كهربا مهاجم النادى الاهلي بعد عودته من جديد لتدريبات المارد الأحمر قبل مباراة العين الإماراتي.
وقال أحمد شوبير: "موضوع كهربا انتهى واللاعب خد عقوبته وتم تخفيض العقوبة إلى النصف، والجهاز الفني ومعاهم محمد رمضان المدير الرياضي قالوا بعد العودة من أبوظبي اتفضل اتمرن ولو كويس هتلعب".
وتابع شوبير: "الكورة دلوقتي بقت في ملعب كهربا ومحمد رمضان مش من النوع اللي قلبه أسود واللي بيشيل، لأ هو راجل بياخد قرار وخلاص والموضوع انتهى بالنسبة له على الإطلاق"
وأضاف شوبير: "أتمنى إن كهربا يستفيد من الخطأ، والشاطر اللي يتعلم من أخطائه هي أزمة وانتهت واللي جاي يبقى أفضل إن شاء الله"
كان محمود كهربا قد أثار أزمة كبيرة في بعثة الأهلي بالإمارات عقب مباراة سيراميكا كيلوباترا بعدما اعترض بشكل غير لائق على الجهاز الفني للفريق، وعليه تقرر عودته إلى مصر باستبعاده من المعسكر وتغريمه مليون جنيه.
المصدر: صدى البلد
إقرأ أيضاً:
محمود المخبزي يكشف كواليس معسكر الأهلي قبل موقعة بورتو.. ولماذا سمح ريبيرو للاعبين بالتنزه؟
كشف الناقد الرياضي محمود المخبزي عن كواليس معسكر الأهلي قبل مباراة بورتو، والسبب الحقيقي وراء قرار ريبيرو، المدير الفني للنادي الأهلي، بالسماح للاعبين بالتسوّق.
وقال المخبزي في تصريحات عبر برنامج «اللعيب» المذاع على قناة «إم بي سي مصر»: «اللي حصل شوية دوشة كده بسبب خروج لاعبي الأهلي للتنزّه بناءً على قرار ريبيرو، والقرار ده كان بالتنسيق بين ريبيرو والكابتن محمد يوسف».
وأضاف: «الإسباني شاف إن المعسكر فيه حالة ملل وغضب بين اللاعبين، وحس إن من بعد ماتش بالميراس إنهم مش مركزين، لدرجة إنه بعد التدريب قال: اللي عاوز يخرج يخرج أو يتمشّى، زي ما شوفنا في المولات».
وتابع: «شفنا حالة غضب كبيرة بعدها من الجماهير، لكن هو شاف إنه لازم يخرج اللاعبين من الحالة دي، لأن اللعيبة نفسها زعلانة جدًا».
واستكمل: «مباراة بورتو مش مباراة صعود فقط، الكابتن الخطيب تواصل مع الكابتن محمد يوسف، ووصله رسالة معناها إننا عاوزين مباراة تليق باسم النادي الأهلي، وعاوزين نتيجة تقول إن الأهلي كان جدير بالتواجد في كأس العالم للأندية».
وأكد: «بالنسبة للجزء الفني، في تغييرات هتحصل كتير في التشكيل خلال التدريبات، لأسباب منهم مروان عطية، اللي خطف الأنظار في الماتش الأخير، والبديل الأساسي ليه هو أليو ديانج، وفي استقرار كبير جدًا على ده».
وختم: «ريبيرو حتى الآن لم يستقر على من سيشغل مركز الظهير الأيسر، وعودة كوكا للتدريبات شجّعت المدرب يرجّعه للمشاركة تاني، وهو مش مقتنع بأداء يحيى عطية الله رغم اللي قدّمه، وكمان فيه تركيز من المدرب على أشرف بن شرقي، وربما يتواجد في التشكيل الأساسي للأهلي».
الأمم المتحدة.. ثمانون عامًا : السقف الأخير للعالم المفتوح على المجهول