شوبير يكشف الكواليس الكاملة لـ أزمة طارق مصطفى مع نجم الأهلي السابق
تاريخ النشر: 14th, October 2025 GMT
كشف الإعلامي أحمد شوبير تفاصيل الأزمة التي اشتعلت في الأيام الأخيرة بين طارق مصطفى ، والثنائي أيمن أشرف لاعب الأهلي السابق، وأحمد ياسر نجم المصري البورسعيدي السابق.
وقال أحمد شوبير عبر تصريحات إذاعية : من كام يوم الكابتن أيمن أشرف ظهر في لقاء واتكلم على المدربين وقال فيه مدربين بياخدوا فلوس وعمولات عشان يلاعبوا اللاعيبة، فالمذيع قال له مين تقصد، مرضيش يوضح، ورأيي هو كلام ملوش لازمة إلا لو معاك مستندات وأدلة، لكنه كلام عموما طال المدربين كلهم".
وتابع شوبير: "بعدها راح كابتن أحمد ياسر لاعب المصري السابق ، طلع في لقاء مع زميلتنا سهام صالح وقال المقصود بالكلام ده كابتن طارق مصطفى".
وأضاف شوبير: "أنا الحقيقة صحيت لقيت كابتن طارق مصطفى مكلمني 5 أو 6 مرات ، وقال لي شفت اللي حصل يا كابتن وبعت لي الفيديو اتفرجت عليه اتخضيت، وقال لي هبعت شكوى للمجلس الأعلى للإعلام، وبلاغ للنائب العام، وبعدها أيمن أشرف نزل بيان وقال كابتن طارق مصطفى زميل عزيز ولا أقصده، لكن برضه كابتن طارق قال لي أنا كلمت المحامي وهاخد كل الخطوات ولازم أحبسه".
وواصل أحمد شوبير: "طبعا العرض والشرف والأمانة ده موضوع ممنوع الاقتراب، يا جماعة للأسف الشديد دائما بنطعن فيها، وناس بتتكلم وتقول ولا عندها أي معلومة وأي هبد وخلاص وأي كلام، وقلت لكابتن طارق مصطفى ابدأ بالمجلس الأعلى للإعلام الأول، وبعد كده أحمد ياسر نزل بيان محترم رد فيه للكابتن طارق مصطفى اعتباره".
وختم : "طيب الفيديو اللي أساء لطارق مصطفى كام واحد شافه ، وأساء لسمعة الراجل قد أيه..؟، بس عموما الاعتذار شيمة الكبار، بس نصيحة يا جماعة دي سمعة ما ينفعش أقوم من النوم ألاقي نفسي بيقولوا بياخد عمولات يبقى شكلي إيه، وشهادة لله طارق مصطفى رجل شديد الأدب والاحترام".
المصدر: صدى البلد
كلمات دلالية: الإعلامي أحمد شوبير طارق مصطفى الأهلي لاعب الأهلي السابق أحمد ياسر نجم المصري نجم المصري البورسعيدي السابق أحمد شوبیر أیمن أشرف أحمد یاسر
إقرأ أيضاً:
لماذا تأخر توروب عن أول مران؟.. شوبير يكشف التفاصيل الكاملة
تحدث الإعلامي أحمد شوبير عبر إذاعة أون سبورت إف إم عن تفاصيل غياب المدير الفني الجديد للنادي الأهلي ييس توروب عن أول مران للفريق، موضحًا أن الأمر طبيعي ومخطط له مسبقًا.
وقال شوبير: "ييس توروب منزلش التمرين، وهحكيلكم القصة، الراجل لسه فريق عمله مكتملش، لأن بعض أفراد الجهاز الفني ما زالوا بيفسخوا عقودهم مع جهات عملهم السابقة، وفي منهم اللي مش هيقدر يفسخ، فبيكمل فرقته حاليًا."
وأضاف: "توروب عاوز ينزل الملعب وفريقه كامل، وكمان مستني اللاعيبة ترجع من المنتخب. التمرين اللي فات قاده الكابتن عادل مصطفى، وبكرة إن شاء الله توروب هينزل التدريب حتى لو فرقته لسه مكتملتش، علشان يبدأ يتعرف على الأوضاع واحدة بواحدة."
وأشار شوبير إلى حالة التفاؤل الكبيرة داخل القلعة الحمراء بعد التعاقد مع المدرب الجديد، قائلًا: "في حالة ترحاب شديدة جدًا من جمهور الأهلي بالمدرب، وسعادة واضحة بالتعاقد ده. الجماهير دلوقتي في حالة رضا تام عن المدرب الجديد."
وتابع: "وللأمانة، جمهور الأهلي ماكنش في حالة رضا عن التعاقد مع ريبيرو، كانوا متخوفين وقالوا هنساند المجلس، لكن دلوقتي الوضع مختلف. الجمهور شايف إن الأهلي لا استرخص ولا جاب مدرب على قد الحال، بالعكس جاب مدرب كويس جدًا، وعندهم حالة تفاؤل شديدة بيه."
يُذكر أن النادي الأهلي أعلن مؤخرًا عن تعيين ييس توروب مديرًا فنيًا جديدًا للفريق، خلفًا للمدرب السابق ريبيرو، وسط دعم جماهيري واسع وتفاؤل ببداية مرحلة جديدة للفريق الأحمر.
نجمة سلة سبورتنج تنضم الى معسكر الاتحاد الدولي