مكنش عارفه اني بحضرها للموت.. يمنى عصفورة شهيدة الحرب

نشرت والدة الطفلة يمنى، منشور من خلال حسابها الشخصي على موقع التواصل الاجتماعي فيسبوك. 

لعبة الشهيد.. أطفال غزة يخطفون التعاطف بفيديو عفوي داخل المستشفى.. شاهد

وقالت والدة يمنى: أنا أم الشهيدة يُمنى
نقيت اسمها تنقاية حبيت اسمها كتيير 
أنا حملت فيها وخوفت عليها بالشهر التاسع حكولي المياه نقصت عنها واحتمال تموت جريت عالمستشفى وعيطت بدي انقذها وولدت قيصري عشان أضل .

وتابعت: بس ولدتها حكتلهم هي عايشة فيها اشي حكولي هي بخير، بس طلعت حطيتها بحضني ماحسيت لسه باشي كان شعور غريب، بعد اسبوعين تحملت مسؤوليتها نيمها ابوها بينا كانت هي طفلة غريبة تنام على بطنها صحتني من النوم وهي بتمص اصابعها جعانة 
أول مرة أحس بالأمومة نسيت وجعي حضنتها وقعدت أرضعها، ومن وقتها بحبها كتير.

وأضافت : اخدت ابرة الشهرين نمت جمبها من كتر ماهي بتعيط وصرت اعيط جمبها كنت انوجع عوجعها ، يوم الحرب ١٠/٧ ابرة ال٤ شهور حكتلها الله مش حابب تتوجعي ياماما اجلوها الك.

واسترسلت: يمنى كبرت صارت ٥ شهور فرحت عشان صرت اعملها بسكوت وحليب وكوسا وجزر وبطاطا، ولما حكو حرب هربت فيها بكل مكان وانزل من الطابق ال١١ عالدرج وبس انزل الاقي الناس بتهجم بدهياها وانا اعطيها الهم عشان انا لو موتت هي تعيش .

ونوهت : يوم ما راحت مني كان كابوس كنت محمماها وملبساها ابيض ورشتلها ريحتها ورضعتها واكلتها بسكوت بحليب بعرفش اني بحضرها للموت

وأوضحت: هادي يمنى نور عيني فرحة قلبي شو مااحكي قليييييييل النار الي بقلبي ما بتنطفي نمت جمبها يوم ماستشهدت بالشفا حكتلها هيني ياماما ماسبتك تنامي بمكان انا مش في.. اللهم اجرني بمصيبتي خيراً .. يارب صبرني صبرني .. بنتي عصفورة شهيدة، حسبي الله ونعم الوكيل.

المصدر: صدى البلد