أول تعليق من هنا الزاهد على علاقتها بأحمد فهمي بعد الانفصال

كشفت الفنانة هنا الزاهد طريقة تعاملها مع الفنان أحمد فهمي، بعد طلاقهما، بالإضافة إلى مشاريعها الفنية خلال الفترة المقبلة.

علاقة هنا الزاهد وأحمد قهمي بعد الانفصال

وقالت الفنانة هنا الزاهد، فى لقاء مع البرنامج الإذاعي كلاكيت على إذاعة نجوم إف إم: «مش لازم أي اتنين بيسيبوا بعض يبقى فيه مشاكل وفي ناس كتير مش بيتوفقوا مع بعض والنصيب مبيكملش بس بيبقوا فى منتهى الشياكة والاحترام لأن إحنا في الآخر كنا صحاب وفي بينا عشرة كبيرة عشرة 5 سنين».

الفنانة هنا الزاهد

وتابعت هنا الزاهد:«أكيد في بيننا كل احترام وهو شخص محترم جدًا، ومفيش أي ضغينة بيننا ومش شايلة هم لما بشوفه، بالعكس احنا شوفنا بعض في حفل جوي أوردز وسلمنا على بعض وهو دلوقتي صديق وزميل كمان في نفس المهنة وليه كل احترام وهو عشرة كبيرة».

وأضافت: «الحياة كلها مش بتمشي زي ما إحنا عايزين وفي أوقات بتقول خلاص النصيب لحد هنا، ومش معناها إن هو وحش أو أنا وحشة وهو النصيب كده في الآخر والحياة بتكمل وفي الأول بتبقي حاجة صعبة جدًا لأن بيبقي فيه عشرة بس في الآخر الحياة مكملة ولازم تكملي، بس أنا الحمد لله تمام ومبسوطة وهو مبسوط جدًا وإحنا صحاب والحياة قصيرة جدًا ولازم هو يشوف حياته وأنا أشوف حياتي، ومانبقاش زعلانين من بعض ومفيش أي ضغينة بينا ولو عاوزة أي حاجة هكلمه وهو لو عايز أي حاجة يكلمني احنا صحاب في الآخر».

هنا الزاهد وأحمد فهمي
انفصال هنا الزاهد وأحمد فهمى

بعد زواج دام 4 سنوات كانت قد أعلنت هنا الزاهد انفصالها عن الفنان أحمد فهمي عبر خاصية الاستوري على موقع تبادل الصور والفيديوهات إنستجرام منذ شهور، وكتبت:«تم الانفصال بينى وبين أحمد بعد 4 سنوات زواجا، وربنا يكتب لكل واحد فينا الخير».

اقرأ أيضاًهنا الزاهد ضيفة «كلاكيت» على «نجوم إف إم».. الليلة

بعد طلاقها من أحمد فهمي.. هنا الزاهد تحتفل بعيد ميلادها بـ فستان أسود (صور)

المصدر: الأسبوع