شافوني برقص.. سميرة سعيد تكشف سرا من طفولتها
تاريخ النشر: 27th, February 2024 GMT
كشفت الفنانة سميرة سعيد سرا من طفولتها قائلة:"أول مرة أحس بأن حاجة بتشدني، مرة كنت قدام المرايا الساعة 7 الصبح، ورايحين المدرسة المفروض ألبس، وقفت قدام المرايا وأهلي قاعدين في أوضة النوم شافوني شوية بترقص مع نفسي، وشوية أغني أم كلثوم، وفجأة ببص ورايا الاقيهم بيضحكوا وطبعًا اتكسفت وروحت جري على طول إحساس بالخجل فظيع كأني عملت مصيبة".
وأضافت سميرة خلال لقائها في برنامج بصمة على قناة الشرق ديسكافري “وبعد كدا كان بيحب أنيس أخويا حد في الجامعة معاه وماسك المخدة وأم كلثوم بتغني في كل شهر أغنية جديدة وأنا مش فاهمة هو بيعمل كدا ليه وايه حالة الشجن العظيمة دي اللي هو حاسس بيها، وأنا بسمعه ابتديت أحس، وكنت كل ما بلاقي مزيكا حلوة في أي حتة بسمع وابتديت أحس أن الموضوع يعني لي كتير”.
وتابعت: “في المحيط العائلي والمدرسي اتعرفت أني البنوتة اللي بغني أم كلثوم وشريفة فاضل ولما كان بيبقى في أفراح في الأسرة كانوا بيقولولي سميرة أطلعي وغنيلنا في أي مناسبة، كل دا بيقول أن البنت دي لازم نقدمها للناس، ولما قدمت في أول برنامج مواهب أمي اخدتني على البرنامج وعملت بروفة يومها على الأطلال وتاني يوم صورنا، تالت يوم كنت خلاص الطفلة المشهورة، وقتها كان عندي 9 سنين ونص”.
المصدر: صدى البلد
كلمات دلالية: سميرة سعيد
إقرأ أيضاً:
إبراهيم سعيد: لاعيبة منتخب الشباب مش عارفين أساسيات الكورة
طانتقد نجم منتخب مصر السابق إبراهيم سعيد أداء منتخب مصر للشباب بعد خروجه المبكر من بطولة كأس العالم من دور المجموعات، مؤكدًا أن سبب الإخفاق يعود إلى غياب التأسيس الصحيح وضعف الإعداد الفني والبدني للاعبين.
وقال إبراهيم سعيد خلال مداخلة له عبر برنامج "أوضة اللبس" على قناة النهار:
"منتخب مصر للشباب مفيهوش تأسيس، وده السبب الرئيسي في الخروج من البطولة.. اللاعيبة مبيعرفوش يباصوا، والمعدل البدني عندهم ضعيف جدًا.. تحس إنهم مش بيتمرنوا كويس".
وأضاف: "ليا عتاب كبير على المدربين، لأنهم المفروض يكون ليهم دور مهم جدًا مع اللاعيبة الصغيرة، لكن ده للأسف مش موجود عندنا في مصر".
وأكد إبراهيم سعيد أن الكثير من المدربين الحاليين لا يعملون بالأسلوب العلمي الصحيح، قائلاً: "المدربين دلوقتي بيمشوا أمورهم، مش بيشتغلوا صح مع اللاعيبة.. المفروض المدرب يشوف النواقص عند كل لاعب ويطورها، مش يفرح بالمنصب ويكبر دماغه".
واختتم تصريحاته بالتأكيد على أن الاهتمام بقطاع الناشئين والشباب هو الأساس لبناء منتخب قوي في المستقبل، مطالبًا بضرورة إصلاح منظومة التدريب في المراحل السنية الصغيرة.
وكيل شباب القليوبية يشهد انطلاق فعاليات "دوري القوى الشبابية "