المتهم بقتل مُعلم المنوفية..استدرجته لسرقة التوكتوك والتليفون وضربته ورميته فى الترعة
تاريخ النشر: 28th, February 2024 GMT
اعترف احمد.ا.ر.ا والذي يبلغ 20 عام والمتهم بقتل المُعلم مصطفي أبو شوشة صاحب ال 26 عام من مدينة تلا بمحافظة المنوفية خلال تحقيقات النيابه أنه إستدرج الجاني بهدف سرقة التوكتوك بعد أن رسم خطة الشريرة وقام بتدبيرها،
حيث اعترف قائلا.. لدي ثلاثة اخوات اصغر منى وانا شغال حلاق بقرية صناديد بمحافظة الغربية، وعايش في بيت تبع عمى وكنت متزوج فيه والدنيا كانت ماشية عادي وربنا كرمنى بحسن من نحو 3 شهور وبعد كدة الدنيا كانت ضيقة خالص وابويا كان بيتخانق معايا علطول علشان مكنتش لاقي شغل لحد اما طردني من البيت والكلام دة من نحو 5 ايام قبل الحادث ولم اجد مكان اذهب، وأخدت زوجتى وابني وقعدت في ارض زراعية وكنت بطلع اسرح في الخردة بس ما كانتش بتجيب همها.
وأضاف المتهم بقتل المعلم مصطفي في الاعترافات أمام النيابة العامة، جاتلى فكرة اني أسرق علشان اوفر مصاريف لأسرتي بيها وبالفعل الفكرة جت في دماغي قبل الحادثة بيوم والفكرة اني أوقف توك توك اقول له يقوم بتوصيلي ومن ثم تثبيته بسكينة واخد منه التوك توك والتليفون وبالفعل يوم الأربع انا كان معايا سكينة من ايام ماكنت بسرح في الخردة وخدتها وروحت سنتها عند حداد في البلد عندنا ويوم الأربع بليل انا اتوجهت على مدينة تلا لقربها منى وركبت مع واحد معرفوش علشان يوصلني بابل ومن بابل خدت مواصلة ب ٣ جنية علشان توصلني على تلا ووصلت تلا حوالى الساعة العاشرة ونصف مساءا ووقفت بعد ما تعدى السكة الحديد يمين تقريبا قدام المستشفى الناحية الثانية انا كنت واقف مستني توك توك بعدى علشان اطلب منه يوصلني كفر الشيخ سليم وكنت عامل حسابی اول ما نوصل لطريق مقطوع انا عارفة هقولو دخلني جوة بحجة ان انا مطلع اركب من على السال علشان انا مسافر وبالصدفة انا لاقيت مصطفى دة معدى فى وقفتة وقلتلة تعالى وديني دخلة قبل قرية كفر الشيخ سليم علشان اركب واسافر ومتفقناش على اى فلوس وبالفعل ركبت معاهو التحركنا على ١٠:٤٥ مساء يوم الأربعاء.
وإستكمل المتهم بقتل معلم بالمنوفية، إتحركنا على الطريق وأول ما جت الدخلة إلى انا كنت عارفها قبل كدة وانا عارف الدخلة دى إنه ا مقطوعة ومفيش فيها حد خالص بيبقى موجود غير اخر الطريق شوية بيوت لكن فأولة مفيش اى بيوت وبالفعل أول مادخلت الطريق قلتلة اقف هنا وساعتها هو كان وقف ساعتها وانا رفعت السكينة على رقبتة وقلتلة سيب التوك توك وساعتها هو قالى انا مش هسيب التوك توك قمت خابطة في كتفة وساعتها هو نزل من التوك توك وجرى مسافة خمسة متر في اتجاه البيوت وبعد ماجرى وقع على شط البحر وانا ساعتها روحت خت التليفون من جيبة وزقيتة فى الترعة وهو ساعتها مكنشبتكلم خالص وبعد ما خذت التليفون رجعت خدت التوك توك ورجعت ماشى على نفس الطريق وبعدها كملت على الطريق وعديت من نفق صغير تحت الطريق الدولي ورميت السكينة إلى كانت معايا في الملاحة ومنة روحت على صناديد ووقفت التوك توك في جراج بتاع واحد اسمة ميخا وانا ساعتها قلتلة بكرة هحاسبك والكلام ده كان الساعة ١١:٢٠ م وروحت على البلد بتاعت صناديد علشان اشوف شقة ايجار انقل فيها مراتى وابنى وبالفعل اتفقت مع الراجل على بكرة هجيلة ٥٠٠ جنية وانقل في الشقة وبعد كدة قابلت واحد معرفة اسمة احمد عثمان وقلتلة تشتري توك توك معايا وقالي التوك توك دة منين قلتلة انا جايبة من تلا عن طريق شمال وبعد كدة قالي انا هشترية منك واتفقنا على خمس الاف جنية وساعتها انا روحت جيبت التوك توك من الجراج وبعد ماجبتة اداني ۳۰۰۰ جنية وقالي انا بكرة هديك الألفين الثانين وبعد كدة اديتهوله وروحت على مراتى وابني في الأرض الزراعية لحد الصبح علشان اخد مراتي وابني واروح الشقة إلى انا اجرتها وثاني يوم قمت عادى نزلت الشارع في قلب البلد وسيبتهم مكانهم علشان اروح ادفعلو الفلوس وقعدت الف لحد اما الراجل شغلة ولاقيتة بيقولى طيب سيبنى شوية وتعالالي ف نا سببتة لحد الساعة ١١ ونص بليل يوم الخميس وقلت اروح اشوفو وساعتها انا قابلت احمد عثمان إلى خد منى التوك توك لاقيتة بيقولى تعالى تشرب شاي على القهوة علشان الحكومة مالية الدنيا وبالفعل أول ما روحت القهوة لاقيت الحكومة مستنياني وبعد كدة سالوني على اللي حصل حكيتلهم كل حاجة وبعد كدة جبتلهم الموبايل والتوك توك كان مع احمد وهو اللى اداه للحكومة وهو دة كل إلى حصل وانا كل إلى كنت اقصدة إلى اسرق التوك توك من الواد بس بس لما هو عارض اضطريت أخبطة وبعدها لما وقع رميتة فى الترعة.
وكانت قد أجلت محكمة جنايات شبين الكوم بمحافظة المنوفية قضية مقتل مُعلم صباحًا وسائق توكتوك ليلًا لتحسين دخلة بقرية طوخ دلكة التابعة لمركز تلا، للأربعاء 28 من فبراير الجاري.
وتعود تفاصيل الواقعة لتلقي اللواء عمرو عبد الرؤوف، مدير أمن المنوفية، إخطارًا من مأمور مركز تلا، يُفيد بمصرع «مصطفي أبو شوشة 26 سنة»، من قرية «طوخ دلكة».
وبالإنتقال والفحص تبين العثور على جُثته أعلي سطح البحر بقرية «كفر الشيخ سليم» في محافظة الغربية، وتم نقل الجثمان لمستشفى شبين الكوم التعليمي.
وتمكنت وحدة مباحث مركز تلا من ضبط المتهم في واقعة القتل، وتم تحرير المحضر اللازم بالواقعة، وأخطرت النيابة العامة لمباشرة التحقيقات
المصدر: بوابة الفجر
كلمات دلالية: المنوفيه التحقيقات كفر الشيخ الغربية وحدة مباحث بمحافظة الغربية كفر الشيخ سليم المتهم بقتل التوک توک توک توک
إقرأ أيضاً:
إحالة أوراق المتهم بقتل شاب وسرقة دراجته النارية بالشرقية للمفتى
قررت محكمة جنايات الزقازيق إحالة أوراق المتهم بقتل شاب وسرقة دراجته النارية بناحية قرية العراقى بدائرة مركز شرطة أبوحماد لفضيلة مفتى الجمهورية وتحديد جلسة اليوم الأول من دور يناير للنطق بالحكم على المتهمين.
هيئة المحكمة
صدر القرار برئاسة المستشار سلامة جاب الله،رئيس المحكمة، وعضوية المستشارين محمود محمد عبدالرحمن وسامى زين العابدين عبده ومينا شارلي شهدي .
تفاصيل القضية
تعود أحداث القضية ليوم 16 مارس الماضي، بدائرة قسم شرطة أبوحماد بمحافظة الشرقية، عندما أحالت النيابة العامة المتهمين سعد.ز.م.ع 23 سنة،عامل،ومحمد.ع.ش.ع 39 سنة تاجر خردة،مقيمين بدائرة مركز شرطة أبوحماد إلى المحاكمة الجنائية بمحكمة جنايات الزقازيق لاتهامهما بقتل المجنى عليه محمد عبدالكريم حسين عبدالقادر 21 سنة عامل خردة ومقيم بقرية العراقي بدائرة المركز.
أمر الإحالة
وأسند أمر الإحالة قيام المتهم الأول بقتل المجنى عليه عمدا مع سبق الاصرار بأن عقد العزم وبيت النية على قتله،وفى سبيل ذلك قام بالذهاب لمنزله واستدرجه خارجاً واهما إياه بالذهاب برفقته للعمل على الدراجة الآلية الخاصة بالمجنى عليه،وما أن ظهر به منفرداً حتى باغته من الخلف بخنقه بغطاء رأس إلى أن فقد وعيه، ثم القاه بترعة الإسماعيلية مما أحدث إصابته والتي أودت بحياته قاصدا من ذلك قتله .
نص التحقيقاتوكشفت التحقيقات أن تلك الجناية اقترنت بجناية أخرى وهي أنه فى ذات الزمان والمكان خطف بالتحيل المجنى عليه، إذ أنه قام بالذهاب الى منزله واستدرجه للخروج برفقته واهما إياه بالذهاب للعمل على الدراجة الالية الخاصة بالمجنى عليه،فانخدع المجنى عليه لذلك وتوجه معه إلى حيث افاده متمكنا بتلك الوسيلة الخادعة من استدراجه إلى أحد الأماكن النائية الخالية من المارة مباعداً فيما بينه وبين ذويه،كما ارتكبت تلك الجناية محل الاتهام الأول تأهباً وتسهيلاً لارتكاب جنحة وهى أنه في ذات الزمان والمكان سرق المنقولات ( دراجة الية - هاتف محمول ( المبينين وصفاً بالأوراق والمملوكين للمجني عليه،فبعد أن أتم جريمتيه المار بيانهما حتى تمكن بتلك الوسيلة من الاستيلاء على المسروقات،كما قام المتهم الثانى بإخفاء المنقولات ( دراجة الية - وحدة تخزين هاتف محمول والمتحصلة من جريمة سرقة مع علمه بذلك.
تحريات المباحثوكشفت تحريات المباحث وجود علاقة صداقة بين المجنى عليه والمتهم على اثرها استدرج المتهم المجنى عليه بدراجته الالية - تروسيكل " واهما إياه بالذهاب برفقته إلى مدينة العاشر من رمضان لجمع بعض الخردوات باستخدام الدراجة وحال سيرهما أنذاك أستوقف المتهم المجنى عليه بجانب الطريق وصعد بمؤخرة الدراجة وقام بمغافلته بالخنق من الخلف إلى أن فقد وعيه، تم قام بحمله وإلقاءه في مياة ترعة الإسماعيلية وعقب ذلك قام بسرقة الدراجة الالية و الهاتف المحمول الخاصيين بالمجنى عليه قاصدا ازهاق روح المجنى عليه لسرقة الدراجة و الهاتف وبمواجهته أقر بارتكابه للواقعة وأنه قام ببيع الهاتف والدراجة مقابل مبلغ " 8 الاف جنية " للمتهم الثاني،قاصدا إخفاء الدراجة المتحصلة من الجريمة مع علمه أنها متحصلة من جريمة سرقة .
وقال المتهم س.ز أمام جهات التحقيق "اللي حصل إن المتوفى إلى رحمة مولاه محمد،أخبرني بأنه أخبر الشرطة بقيام شقيقي بالسرقة وبالفعل تم القبض عليه،كما اخبرني بانه قام بسرقة سماعات صب خاصة بتروسيكل فى بلدنا وقام بتلفيقها قبل الوقعة بيومين،" فانا اتضايقت من الكلام ده وقررت أخد حقي وحق أخويا منه مضيفاً " المجنى عليه كلمنى الساعة الثانية صباحا وقالى تعالى نروح مدينة بدر بالقاهرة نجيب خرده من هناك واحنا في السكه توهنا ووصلنا ناحية كوبرى الشباب واحنا ماشيين في السكة عاتبته على التي حصل من اللي عمله فيا أنا واخويا ووهو كان سايق الترويسكل ،وانا راكب وراء في الصندول فضربته في جنبه قام هو ركن على جنب وبطل التروسيكل ولف لي وخبطني في صدري روحت مسكته من التيشرت اللي كان لابسه من ناحية الرقبة من وراء، ولما كان بيحاول يقاومتي وقعنا احنا الاثنين على الأرض وفضلت انا خانقه بالتيشرت اللي لابسه لعند لما لقيته اغمى عليه ومبقاش بيتحرك.
اعتراف المتهم
وأشار المتهم " روحت شايله وجيت احطه على طرف جسر الترعة، وقعنا احنا الاثنين في الترعة وبعد كدة انا طلعت من الميه وسيبته واخدت التليفون بتاعه من شنطة التروسيكل وأخذت التروسيكل ومشيت وروحت إلى محمد.ع.ش علشان ابيع له التروسيكل والتليفون لانه معروف عنه انه بيشترى الحاجات المسروقة وبعت له الحاجة دى بمبلغ ۸۰۰۰ ج اداني جزء من المبلغ وبعدين روحت عند مقلب الزبالة عند مقابر المنشية في أبو حماد وبيت هناك الليلة دي وثاني يوم روحت اخد باقي الفلوس من محمد على لقيته في الزقازيق فروحت له هناك واحدت باقي الفلوس منه هناك وروحت على بيتى في العراقي .
وعن علاقته بالمجنى عليه،قال المتهم" هو في علاقة نسب بينا اخويا كان متجوز اخته واطلقوا واحنا شغالين مع بعض بنلم خردة من الزباله والطرق.
وعقب تقنين الإجراءات ونفاذاً لإذن النيابة العامة، تمكنت الأجهزة الأمنية من ضبط المتهمين وتحرر المحضر الازم وبالعرض على النيابة العامة قررت إحالتهما إلى محكمة جنايات الزقازيق.
تهديد لاتفاق ترامب للسلام.. تايلاند تشن غارات جوية على كمبوديا