انهار باكيا.. أول تعليق لـ هشام حلمي بكر بعد وصوله مصر لتشييع جثمان والده
تاريخ النشر: 3rd, March 2024 GMT
حلمي بكر.. أعرب هشام حلمي بكر عن حزنه لوفاة والده الموسيقار الكبير حلمي بكر، قائلا: «الوضع صعب جدا أنا جالي الخبر وأنا في طريقي للمطار، كنت جاي أنقذ والدي ومع الأسف الشديد فشلت».
وواصل هشام حلمي بكر، خلال مداخلة هاتفية مع الإعلامية لميس الحديدي، مقدمة برنامج «كلمة أخيرة»، عبر فضائية «ON» باكيا: «كنت جاي المطار وقبل ما أركب الطيارة بساعة ونصف جالي خبر فاة والدي، بدلا من إنقاذه، جاي أدفنه، أسوأ 28 ساعة عشتهم في حياتي».
وعن مشاعره أثناء الرحلة، قال «هشام»: «فكرت في كل الحاجات الحلوة اللي كنا بنعملها، الناس مش مقدرة، الناس عاوزة تحكم عليا وعلى أبويا وإحنا كنا راضين بعلاقتنا ببعض، عيب أبويا عصبيته، وإحنا متقلبين بعض وعشنا طول حياتنا متقبلين بعض، طول رحلة الطائرة تذكرت كل الحاجات الحلوة وأنا صغير وباخد العود وأعمل نفسي بلحن».
وأضاف: «كنا نروح نجيب الجرايد من محطة مصر ويصحيني من ورا أمي وكنا ننزل، كان بيحب يقرأ كل جورنال ومجلة في مصر الأيام دي انتهت».
وأكمل نجل حلمي بكر: «عندي أولادي الثلاثة متأثرين جدا، وأنا على الطائرة كانت مشاعري بعيط وزعلان وكل حاجة في نفس الوقت وراكب الطيارة وخايف تفوتني أخبار وأنا على متن الطائرة، بعت لأولادي رسالة وقلتلهم أنا أسف على جروب العائلة، معلش افتكروا الأيام دي وقد إيه العيلة مهمة وقد إيه لازم نفضل قريبين من بعض وأن اللي أنا بعمله أيا كان عاوزكم تتربوا على القيم».
وعن علاقته بوالده: أشار «فيه ناس فاكرة إن علاقتي بيه كانت سيئة وده محصلش، كنا بنتكلم مرة في الشهر أو كل ثلاثة أسابيع وأقصى مدة شهرين، لم نختلف نهائيا مؤخرا مش زعلنا من بعض، لكن زعلنا على بعض، كان بيفكر في أرملته سحر، ورجعوا وتزوجوا ولما لمته قبل عامين على عودته لها قال: كل ده علشان أنا بحب ريهام بنتي ومش عايزها تضيع في بيئة غير ملائمة».
ووجه هشام حلمي بكر، كلمة لأبيه باكيا، قائلا: «أنا أسف كان فيه جيش حاول إنقاذك والله العظيم أصحابك وأحفادك وابنك واخواتك وكل عائلتك كانوا جيش إنقاذ لك لكن للأسف ماقدرناش وفشلنا في ذلك».
اقرأ أيضاًوفاة حلمي بكر.. «مشاجرات بين أرملته وأسرته وجثمان حائر في انتظار الدفن»
نشرة حوادث «الأسبوع»| مشاجرة بين أبناء حلمي بكر وزوجته وتشريح جثة طالبة العريش
هذا ما دار بين حلمي بكر وأحد علماء الأزهر قبل وفاته
المصدر: الأسبوع
كلمات دلالية: حلمي بكر حلمى بكر الموسيقار حلمي بكر الملحن حلمي بكر الفنان حلمي بكر أخبار حلمي بكر مرض حلمي بكر حياة حلمي بكر أسرار حلمي بكر أعمال حلمي بكر زوجة حلمي بكر هشام حلمي بكر نجل حلمي بكر وفاة حلمي بكر قصة حلمي بكر اعمال حلمي بكر وفاة الموسيقار حلمي بكر سبب وفاة حلمي بكر هشام حلمی بکر
إقرأ أيضاً:
ليه الشتيمة والتجريح وأنا في المستشفى.. أنغام: الظلم المرة دي غير محتمل
طمأنت الفنانة أنغام جمهورها على حالتها الصحية قائلة: "كنت فاكرة إني داخلة المستشفى يوم واحد آخد مسكنات وأعمل فحوصات وأخرج، لكن الموضوع طلع محتاج فترة أطول، والحمد لله الموضوع بسيط بس محتاج صبر واستشارات."
وحول الحملة التي استهدفتها، أضافت أنغام خلال مداخلة هاتفية مع برنامج "كلمة أخيرة" الذي تقدمه الإعلامية لميس الحديدي على شاشة ON قالت: "أنا مكنتش مصدقة الكلام خالص. أنا مش من الشخصيات اللي بتحب تدافع عن نفسها ولا بترد على الشائعات، ولا بدخل في مهاترات، وده منهجي في حياتي من زمان سواء على المستوى الشخصي أو المهني. أنا طول عمري بسيب الأمور تختفي لوحدها، وربنا بينصفني دايمًا."
وتابعت: "أنا ست اللي يعرفني كويس عارف إني مش بتاعة مشاكل، ولا بدعي المثالية، أنا إنسانة عادية بحب شغلي وبحترم جمهوري، وحتى اللي مش بيحبني بحترمه، لأن مفيش فنان بيتفق عليه كل الناس، وده طبيعي لأن الأذواق بتختلف."
وأوضحت: "الظلم المرة دي غير محتمل، لا قادرة أتكلم ولا قادرة أسكت، لكن الأمر وصل لدرجة التجريح والشتائم والتلميحات اللي مش مقبولة من ناس المفروض مسؤولين وزملاء. البعض بيقول إحنا عارفين مين ورا الحملة، والفانز بتوع المطربة المنافسة بيتكلموا وكأنهم عارفين حاجة، وفي مواقع كتبت اسمي بشكل مباشر."
وأضافت: "ليه الشتيمة والتجريح وأنا في المستشفى؟! محدش كان يعرف غير أقرب الناس ليا. وأنا على سرير المستشفى لقيت ناس بتبعتلي وبتشتمني وأنا مالي! هو أنا ليه علاقة بالمشكلة اللي حصلت في الحفلة؟! أنا مالي! ضمائركم راحت فين؟!"
وأردفت: "حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظلم وحرام وعيب."
وأكدت: "أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا."
وحذرت أنغام: "أي شخص هيتمادى وهيجيب سيريتي، مش هسكت. أنا فعلاً تعبت. ورفعت قضية على شاب قبل كده كتب عني على تويتر وقال 'مش هترحمي شيرين يا أنغام' وكسبت القضية اتحبس. وأي حد هيتجرأ تاني ويزج بإسمي مش هسكت."
ولم تتمالك أنغام نفسها خلال المداخلة وبكت قائلة: "كفاية ظلم، كفاية كره، كفاية حقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي."
«وفر في البنزين».. خطوات تحويل السيارات للعمل بالغاز الطبيعي